يعطيك العافيه اخوي وضحت لي الصوره بشتري من هناك احسن . . .
انا رحت للطيار عشان احجز من واشنطن لشيكاقو طلعت علي التذكره ذهاااب بـ 1000ريال تركته ورحت مكتب سياحي صغير جنب مركز المدينة وحجزت من عنده نفس الرحلة بــ 450 ريال بس واخذت التذاكر ..
عرض للطباعة
يعطيك العافيه اخوي وضحت لي الصوره بشتري من هناك احسن . . .
انا رحت للطيار عشان احجز من واشنطن لشيكاقو طلعت علي التذكره ذهاااب بـ 1000ريال تركته ورحت مكتب سياحي صغير جنب مركز المدينة وحجزت من عنده نفس الرحلة بــ 450 ريال بس واخذت التذاكر ..
للحين ما رد احد على سؤال
وينك يا خارج الخدمة سحبت فجأة علينا هههه
ياليت احد يفيدني بأسألتي
انا بجاوب عليك رغم ان رحلتي بـ28 اكتوبر لكن بشرح لك وش السالفه :$ .. على حسب مابحثت ..
1. اصلن مارحت انت للعايله الا انك ماتعرف انجليزي فهم متفهمين .. ومع الكلام والطقطقه الخفيفه راح تفهم .. وهم راح يحاولون يتكلمون معك .. حسب نوع العايله ..
روحتك من واشنطن لأوستن .. عاديه احجز حجز داخلي .. واذا ركبت الليموزين عطه بس التذكره وهو بيوديك للبوابه .. وهناك ماراح تضيع .. راح تسأل من مجرد ماتوري احد التذكره بس حاول تروح قبل الرحله بـ4 ساعات علشان تضمن نفسك ..
2. الخطوط السعوديه غالباً تصير فول .. وبتلقى ناس رايحين اكيد .. وبتحصل كثير بعد .. وباص الملحقيه يكون موجود ينقل للفندق ..
طبعاً احتياطاً انت خذ عنوان الفندق علشان لو مالقيت .. تروح تسكن فيه ..
3. اذا معك فيزا اوكي .. واخوياي يقولون صرافة الراجحي تفي بالغرض يعني تكفيك وتصرف من هناك من شبكة ATM بس انت عارف هذي الظاهر ياخذون فايده .. أسأل بنك الراجحي او نفس بنكك ويعلمونك كم العموله على السحبه ..
وانصحك تاخذ معك الف دولار كاش .. احتياط وتقسمهم قسمين .. طبعاً .. اذا وصلت هناك وفتحت حساب عادي الوضع تحول من السعوديه لكن الصرافه تفي بالغرض واخوياي كانو يصرفون من الراجحي لين فتحو حساب
4. الملحقيه مادري بالضبط لكن انا مثلك .. اخذت 3 ايام ورحلتي باليوم الثالث .. احتياطاً يعني ..
وحاول رحلتك لأوستن تكون بالنهار علشان احسن تعرف الديره بالنهار وتشوف وضعك ..
6. لايهمك اللي يقولون قفل او فتحو او للحين .. رح وان شاء الله ربك ييسهرها .. لو اعتمدت على كذا ماراح تفلح .. بس حاول تدبر لك امر اركاب .. او دبر واسطه هنا لو فراش ..
وزبن اوراقك هنا علشان احد يراجع لك .. وخذ نسخ من اوراقك وصورة بطاقة الأحوال وهيك
بالنسبه للساعات هي 30 ساعه بالجامعه .. مو 60 ..
وبالتوفيق لك .. بس متى رحلتك ؟؟ يارب انها معي :$
شوووووف تروح طريق المدينة الطالع تشوف مركز المدينة اللي بعد مركز الشعله اول ماتوصل مركز المدينة لف يمين بعده تدخل على مواقف سيارات وقدامها مكاتب سياحه وكمبيوتر على اليمين تشوف مكتب صغير اسمه الاجنحه الجوية للسفر والسياحه رقمه 026425768 ادخل عنده تلقى واحد باكستاني دقن كلمه واحجز من عنده ... بالتوفيق
أول شي.. انا أعتذر على التأخر للضروف الدراسيه..
بالنسبة لأسئلتك.. راح أجاوبك باللي أقدر عليه واللي أعرفه..
بالنسبة لسؤالك الأول.. أنا جاوبت عن الجزء الأول في واحد من ردودي اللي قبل.. بس بعيده لك.. ممكن تحجز عن طريق المواقع المعروفه مثل expedia.com.. الموقع مره سهل ومن المواقع اللي جدا موثوقه.. كل اللي تحتاجه كردت كارد وطابعه.. والكردت كارد ممكن تستخدم حق واحد من أخوياك إذا ماعندك.. وهو أرخص من كل المكاتب اللي في السعوديه..
الجزء الثاني من سؤالك.. بالنسبة للعائله.. أنا ماعندي خبره.. أنا جيت هنا وكان التوفل معي.. فما كنت احتاج أتعامل مع عائله..
سؤالك الثاني.. (عادة) الخطوط السعوديه تكون مليانه سعوديين.. و(عادة) الملحقيه ترسل الباص الخاص فيهم هناك.. وراح تلقى واحد إذا طلعت من الأمقريشن رافع لوحه الملحقيه.. وبما أنك سعودي إن شاء الله راح ياخذك معاهم في الباص..
سؤالك الثالث.. حول مبلغ وخذه معك بين الـ 500 إلى الـ 1000 دولار.. بطاقة الراجحي أو البطاقات الصراف العاديه تشتغل هنا.. بس تأكد من البنك اللي حسابك عنده إن بطاقتك دوليه مو محليه.. وإذا وصلت ديرتك أسحب الحد الأعلى بشكل يومي.. وحوله على حسابك الأمريكي.. أعتقد اكثر الصرافات في أمريكا حدها الأعلى 800 دولار..
سؤالك الرابع.. يوم واحد يكفي ويزيد.. بس تأكد أن مايكون يوم اجازه (السبت أو الأحد).. أو واحد من الأجازات الرسميه للملحقيه.. والأجازات كلها راح تلقاها في موقع الملحقيه..
وإذا سكنت في الفندق اللي الملحقيه يحطون فيه الطلاب.. مفروض تقدر تروح مع الطلاب حقين الملحقيه.. أنا قلت مفروض.. وعلى فكره.. أنا ماقلت 70 دولار.. أنا قلت بين الـ 70 والـ 90 دولار..
التكسي راح يكلفك حول الـ 60 دولار.. إذا لازم تروح بالتكسي..
سؤالك الخامس.. جاوبت عليه قبل..
سؤالك السادس..الملحقيه ماينعرف لها.. رسميا الأيقاف وقفوه.. بس فيه ناس ظموهم بالبعثه بعد ماوقفوه.. فما أدري وش وظعهم بالزبط.. يعني مالهم ستاندر.. كلها على التوفيق والواسطه..
والمطلوب 30 ساعه دراسيه للبكالوريس مو 60 ساعه..
بالتوفيق أخوي
لبى قلوبكم والله .. فعلاً أستفدت من الموضوع ومن الأخوان اللي ماقصروا في الردود جزاهم الله ألف خير وبيض الله وجيهكم .
والله يسهل دروبنا بالخير والتساهيل .. قولوا آمـــيــــن
والله انا مافهمت شيئ صعبه صعبه مره خصوصا اني بنت واخوي بعد اللي بيروح معي صغير ولا عنده شيئ
يارب سهل ولا تعسر
يعطييك العافية اخوي دحوووم وشكرا على الأجابات الكافية
والله يوصلك لأمريكا بسلامة
اخوي دحوم ما اتوقع اني قريب من موعد رحلتك لأني 8-11-هـ
عندي موعد السفارة الأمريكية بالرياض
ويمكن شهر على بال ما يصدرو التأشيرة
يعني بعد شهر انشاءالله
تصير انت هناك الولد الفاهم يصير
استفسر منك عن كل شي :biggrin2:
تحياتي لك