الأعضاء الإشتراك و التسجيل

الملتقيات
ADs

اسعار تركيب تقويم الأسنان بأمريكا .. استفسارات بسيطه :$

اسعار تركيب تقويم الأسنان بأمريكا .. استفسارات بسيطه :$


NOTICE

تنبيه: هذا الموضوع قديم. تم طرحه قبل 2087 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية d7oomy
    d7oomy

    مبتعث مجتهد Senior Member

    d7oomy الولايات المتحدة الأمريكية

    d7oomy , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى داج , بجامعة جامعة الملك عبدالعزيز بجده
    • جامعة الملك عبدالعزيز بجده
    • داج
    • ذكر
    • الرياز, نيو الرياض
    • السعودية
    • Jun 2008
    المزيدl

    October 12th, 2009, 11:59 AM

    السلام عليكم ..
    بصراحه مادري سؤالي احسه داخل غلط بس عاد اعذروني مادري وين احطه :$ ..

    ودي اركب تقويم أسنان بأمريكا .. وانا اراجع عند دكتور بالرياض قال انا انصحك ماتركب بأمريكا .. وانصحك ماتركب هنا لأنك لو ركبت هنا لازم تحتاج متابعه دوريه والمتابعه بأمريكا حسب خبرتي (الكلام للدكتور) الجلسه الوحده لشد التقويم تكلف 600 دولار تقريباً وانت تحتاج كل شهر جلسه ..
    والتقويم بأمريكا غالي .. ومن هالكلام

    مادري عن صحة كلامه ..

    كم متراوح اسعار التقويم هناك :$ لو تخمين اقلها بس اكتب انه تخمين ..

    او احد يقدر يساعدني لأني محتار وانا بجي امريكا بعد 15 يوم ..

    الولايه تكساس (san antonio)

    انتظر ردكم لا هنتوو
  2. اثاري العالم كله تقويم هههههه

    قعدت ابحث تو بكم موقع .. وطحت بموقعين متخصصات بالأسنان عاد تقويم الاسنان لقيت له اسمين :$
    واحد اسمه Straightening teeth
    والثاني Orthodontics ويبدو ان هذا اسمه علم تقويم الاسنان ان كان قوقل مانصب علي :$

    والمواقع اللي راسلتهم وانتظر ردهم هي
    Authentic Smiles - Contemporary Cosmetic Dentistry - Austin, Texas
    وفيه موقع ثاني نسيته :$ ..

    دورو وندور كلنا او احد يفيدنا
    7 "
  3. جتني رساله من الهذولاك الموقع اللي راسلتهم .. والله ياهم نار :$

    الرساله هي
    Yes, we do teeth straightening in our office. We do the clear aligner trays
    called Clear Correct which is comparable to Invisalign. In order to
    determine if you are a candidate to utilize this type of correction, we
    would need to do a consult, exam and x-rays. This will also allow us to
    determine if your particular case will be limited correction or
    comprehensive treatment. Our ortho treatment prices are; $3500.00 for
    limited cases (shorter duration-fewer trays), $5000.00 for Comprehensive
    treatment (longer duration-more trays).

    Please let me know if you would like to make an appointment to determine
    what treatment option would be necessary.We look forward to hearing from you
    and we hope to give you the smile you have been wanting. :-D

    ---

    شكله مروق حاط فيس D-:

    والترجمه المهمه له هي :
    نعم نقوم بعمل تقويم الأسنان في مكتبنا . ونعم الأدرج الواضحه التي تسمى Clear Correct وهو مشابه لـ Invisalign . سنكون بحاجة إلى التشاور والإختبار وإجراء الأشعه السينية وسيتيح لنا هذا ما إذا كنت تعاني من مشكله معينة يتم تصحيحها بالمعالجة المحدودية أو الشاملة وأسعارنا للعلاج 3500.00$ اقصر مدة (ومادري وش بعد) 5000.00$ شامله ووقت أطول :$

    رحنا وطي 5 الاف دولار نعنبو ابليس اطق لي موتر بي ام هناك <_ بينجلد لووول

    والحل نبي شي أكيد نتصل على كم عياده بس اللغه تلخبط عندي
    7 "
  4. هههههههههههههههههههه
    على كذا في السعوديه ارخص بكثير والا انزله واذا رجعت من امريكا ركبت واحد ثاني
    طيب ماتدرون هوه داخل في التامين الصحي والا لا يعني ممكن الوزاره تدفع لنا
    بالله اللي عنده معلومه يجاوبنا
    7 "
  5. ميرال ..
    التقويم لايشمله التأمين ..
    التأمين يشمل خلع الأسنان فقط والظاهر بس تلبيس مايشمل زراعه ..
    ولأن التقويم يعتبر داخل تحت (التجميل) فما يشمل ..
    المشكله موب انك تفكينه واذا جيتي تركبين ثاني ..
    المشكله انه لو ركبتي تقويم جديد او قديم .. من يشده هناك .. ولو نفرض انه انطلق الصيخ من التقويم وانتي بالطياره او بواشنطن :$ وش الحل ديره ماتعرفين فيها شي لووول نكبه بقوه ..

    كلمت واحد من العيال بنفس الولايه وقلت له يشوف لي اسم عيادة اسنان هناك .. واذكر واحد من اخوياي ركب تقويم هناك بس من زمان ماكلمته فشينه اكلمه اسأله عن التقويم :$

    دبرونا ياعالم .. ولا فكينا حنوكنا وجبنا حنوك جديده بسنونهم
    7 "
  6. عز الله البلشه

    أنا لي تقريباً ثلاث شهور مركب تقويم وش الحل وش الدبره ياعالم أنا يوم شتفت 3500$ مخصن قلبي هو يأني أسأل الدكتور هل بأمكاني أني اشده بنفسي ولا اشيله وافتك منه ومن غثاه

    يعطيك العافيه ياراعي الموضوع والله العظيم أني شايل هم هالموضوع من فترة ومحتار حيرتن مايعلم به إلا الله .


    هنا رابطة وملتقى مركبي التقويم بجميع انواعه خخخخ
    7 "

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.