جاني قبول وأحتاج معلومات ( قانون )!

الأخ مملوح

إذا ماعنك مشكله في الوقت واصل مع المكتب والله يوفقك

لكن إلي سمعته عن واشنطن دي سي إن المعيشه فيها غاليه والجو بارد

أتمنى يكون عندك معلومات كافيه عن الولاية قبل كل شي

أتمنى لك التوفيق

الله يسلمك اخوي ماجد ويجزاك خير الشكوى لله مالنا الا نصبر ولو عندنا لغه شوي كان ما احتجنا لهم

انا عندي علم عن واشنطن دي سي واعرف عنها بس هو مرتاح فيها مره

وعندي خبر عن الغلاء هناك

بس لانه فيها حتى قلت له يشوف لي حولها
بس ظروفه الصحيه مايقدر ولا ابي احرجه علشان كيذا انحديت للمكاتب

يارجال تبي الصدق خل القبول يجي تونا نحس بقيمه المعدل يارجل

بس درس وراح نتعلمه ان شاء الله للمستقبل

وبعدين نحاول نغير من هناك

الله يسهل يارب وييسر الحال يارب ويوفقك يارب ويسهل امورك

الف الف شكر تحياتي لك
وتقبل مروري

الأح مملوح

الله يوفقك إن شاء الله ويسهل أمورك

توكل على الله سبحانه وماعليك ..

ومع العزيمه والإصرار كل شي يتسهل

موفق بإذن الله

السلام عليكم
اخوي ماجد الله يوفقك ويسهل امرك
انا كذلك خريج بكالوريوس قانون جامعة الملك عبدالعزيز معدلي 3.33 من 5
ومن فتره ابحث عن قبول بس للآسف ما قدرت على الرغم إن كل أوراقي جاهزه وللملعوميه لست موظف ..
اذا نقدر نستفيد من بعض ياليت اكون لك شاكر

البرق 99

حياك الله

وإن شاء الله تتسهل أمورك

ماعليك سوى مراسلة أحد أخواننا في المنتدى ممن لديهم القدرة على المساعدة

وراح تحصل إن شاء الله ومدام معدلك كذا كويس إن شاء الله باقي أمورك تمام

شوف الأخ ممدوح تراه مايقصر مع الكل .. وفيه كثير جزاهم الله خير مايقصرون

ومهم إن إسمك في الوثيقة والجواز تكون متطابقة ويكون معاك ضمان بنكي حسب المبلغ إلي تطلبه الجامعة

و3 توصيات من الدكاتره بالإنجليزي .. هذي أهم الطلبات وربي يوفقك !!

الله يوفقك اخوي ماجد ويسهل وشاكر لك دعواتك
واذا بغيت اي شي اخوي من الوزراه بالرياض ترانا حاظرين نعين ونعاون وان شاء الله ما اقصر معاك
على فكره الجامعه الي جابت لك القبول انا مقدم عليها بس باقي حبتين على الارواق وتكمل ان شاء الله بالاضافه الى جامعتين وحده من نفس الولايه
اتمنى يجيك القبول من الوزاره وتسهل امورك يارب
تحياتي لك واتمنى لك ولنا التوفيق يارب

تحياتي

تحياتي

مملوح

جزاك الله خير وإن شاء الله نشوفك هناك

بالتوفيق

أخواني الأعزاء إلي عنده معلومات لايبخل علينا

ومشكورين

أخوي ماجد .. من خلاال تصفحي لبعض المنتديات ..

الجامعه من أفضل 50 جامعة في امريكا في تخصص القانون ..
اسعار السكن من 500 - 900 دولار ( غرفة و مطبخ و دورة مياة و انتم بكرامة )
و تبدا من 750 للغرفتين .
أجوااء المدينة تعتبر حاارة بالصيف لكن مو مثل حر الريااض .. و في الربيع و الخريف جوهاا حلوو .. اماا الشتاء فيعتبر باارد لكنه اقل برووده بكثير من الولايات الاخرى ..



جميع الكلاام الساابق منقوول .. و اعذرني على القصوور

أنا كذلك أسأل عنها .. ودي اقدم عليهاا تخصصي بكالوريس شريعه تقديري جيدجدا مع مرتبة الشرف الثانيه 4.25 .. لكني من خلال تصفحي للمواقع سمعت انها موقفه لتكدس الطلااب ..

تحيااتي

عااصم

موضوع جميل ومهم