يا اقوى حيــــرة في العالم .... ياللي محتاارين مثلي :(

متـأكدة من الاسعار هذي .؟؟؟؟؟

لان اللي اشوف انها رخيصه جداا ...

دراستي الاسبوع الجاي تقول لي متاكد؟

يا صديقي تامبا اغلبها سود وآسيويين واغلب سكانها كبار في السن ويسمونها مدينة المتقاعدين وغاليه .. بس انها حلوه المدينه

من جد حيرة

المشكلة يا كثر ولاياتهم

السلام عليكم ورحمة الله وبركاته جميعا :

أسأل الله لي ولكم التوفيق ولجميع المبتعثين والمبتعثات المسلمين والمسلمات ...

بالنسبه للحيره في اختيار الولايه أو المدينه ... أولا عليكم بالاستخاره وثانيا أحببت أن أقول لكم بأن أقل معاهد أمريكا جوده !!!!! يعتبر أقوى من أقوى معاهد الدول العربيه ... وأيضا هذا يخص الجامعات ... بما أن الجامعه معترف بها بالتعليم العالي إذن فلا خوف من جودة التعليم يهذه الجامعه ...

أريد أن أكتب لكم تجربتي باختصار :

بحثت عن ولايه مناسبه لي ووقع الاختيار على ولاية انديانا مدينة Evansville ...

بالنسبه للمدينه فهي صغيره جدا وهادئه ولكنها بالرغم من ذلك فهي تنافس أكبر مدن أمريكا بالنسبه لي ... لماذا ؟

لأني تكيفت فيها أنا وزوجتي وعشنا فيها مدة 7 سنوات أحلى عيشه ولله الحمد والشكر ... وفي أوقات الويك اند أذهب بسيارتي الصغيره لولاية شيكاغو أو أي ولايه أخرى قريبه من ولاية انديانا ... لتغيير الجو وليس كل ويك اند طبعا ...

ذهبت لهذه المدينه عام 2001 إلى عام 2008 ... وكل شخص أقابله واقول له أنني في ولاية انديانا وفي مدينة Evansville يقول لي ماذا تريد بهذه المدينة الصغيره المملّه ... أضحك وأقول له انني مرتاح فيها ولله الحمد وهو أصلا لايعلم عن هذه المدينه سوى اسمها فقط !

عموما هذا ماكتبه أخي لي عندما كان يدرس في ولاية انديانا ... ولقد قررت أن أذهب لهذه المدينة بإذن الله بعد ماذكر أخي كل شي فيها وخصوصا الصور التي رايتها ...


باختصار ... توكّل على الله سبحانه وسوف يتكيف الجميع بأي مدينه بإذن الله ...


اااااسف جدا على الاطاله ... وشكرا للجميع ...

وعليكم السلام والرحمه ...
نقدر نسميك الدكتور الا عقبال الدرجات العليا ان شاء الله

حبيبي كلامك جميل جداا ...
وناس قالولي كثير لاتفكر كثير توكل على الله وان شاء الله ماراح يصير الا كل خير

بس انا انسان متعود على الطلعه والروحه .. وصعبه اروح مدينه صغيره في البداايه ..<--في البدااية فقط..
ومو القصد تكون مدينه فله بزيااده وحتى لو فله بزيااده اعرف انا نفسي ودرااستي ...
بس ان من باب اني طالع لحالي وماعرف احد وطقتني الغلقه الا القى شي اروحله وطلع شوي وارجع ..

بس ااذا دخلنا الجامعه ان اشاء الله نروح مدينه جامعية ونكون قد عرفت امريكا وانبسطت واتفرغ للجامعه ...
ولاعدمنااك ..

بقولكم نتائج فرفرتي بالنت عن الولايات

شيكاغوو..يقولون ماتنفع ولابريال<<الزبدة..غالية - والامان رايح فيها<<<اغلبية المواضيع اجمعو على كذا في النت

ولاية ويسكنسون مدينة ماديسون ..عيبها الوحيد البرد يذبح -20 تحت الصفرر..وفيها معهد ويسلي جدا ممتاز بس بالسنوات الاخيرة
صار مليااااااااااااااااان من السعووديين..وجامعة ويسكونسون في ماديسون امسح ايدك انهم يقبلووونك لانها من الجامعات العريقة والصعبة دراسيا..مثل هارفرد يعني.

ولاية تكساس..بشكل عام حررررررر مووت ورطووبة وهذا الكلام مو من النت ..نتيجة تجربة وحدة تقرب لي
تقوول تقل بالشرقية وبالشتاء الجوو حليوو وماينزل عليها ثلج يمكن يوم او يومين بالسنة هذا اذا نزل

وسان انتوونيوو تقول مرررررررررة ممتعة وحلوووة وفيها عرب عدد شعر راسك..خصوصا السعووديين ونفس الشي هيوستن
بس تقول سان انتونيوو احلى من هيووستن..وتقوول هي حلووة اذا كنتي رايحة للوناسة او كنت مرافقة لزوجك ماراح تملين من الجمعات هناك..بس اذا كنتي بتدرسين..عززز الله مادرستي لانه راح تنشغلين من كثر الصديقات والطلعات والجيات<<عاد حريم تعرفونا مانمل من السووواليف

ووووش بعد..؟!!

اوهايوو قرات كثير يمدحون هالولاية..بس انا حاطة مدينة دايتوون براسي..لانه فيها جامعة فيها تخصصي..بس مدري عن المعهد..

فلوريدا واكولاهوما حلوووين بس يعيبها الاعاصير..يعني بالعربي ماتضمن عمرك..

انا اعشق كالفورنيا من كثر ماقريت عنها ..بس للاسف غالية

بالجنووب فيه ولاية تينسي ناس مدحتها وناس ذمتها..بس ماعرف جوها بالضبط الى الان<<تدور ديرة بالصيف ماهي حر متعقدة

وهذا اللي براسي الحين

بس فيه نقطة حلووة مرة قريتها واعجبتني..
انه الواحد لما يقدم على جامعة..يفضل انها ماتكون قووية مرة ومن الجامعات التووب..ويدرس في جامعة متوسطة القووة
لانه من الافضل انه يتخرج بشهادة معدلها ممتاز من جامعة متوسطة ولايتخرج بمعدل مقبووول من جامعة قووية..لانه لما راح يرجع للسعوودية ..راح يهمهم المعدل اكثر من اسم الجامعة..<<والله اعلم..


وراجعين لكم اذا كان عندي معلومات ثانية

اللي عنده استفسار بعد الرد هذا-ما شاء الله تبارك الله- أنا من رائي إنه يستحي على وجهه ويروح ينام...
تشكرين ع الرد أختي فتوووون

هلابك اخوي

البنت ذكرت كذا ولايه تقريبا اربع ومختصره وماقصرت هي انا مااقول عليها شي
وذكرت كذا مدينه الله يعطيها العاافيه ...

وانت تقول اللي عنده استفسار يروح يستحي على وجهه وينووم !!!!

امريكا كبر الرياض والا السعوديه ...
امريكا ولاياااات وهي ماقصرت عطتنا من ماعندها ..
امريكا فيها 6000 جامعة ..
ولايااتها مااعرف عددها بس لو اكتب عنها في صفحه كامله يالله تكفيها
فما بالك مدنها ..


يعطيك العافيه اخوي..
ولاعدمناك يالغلا

معليش أخوي .. الناس آرآء والاخت ما قصرت
مو معناة اذا اختلف احد معها او له وجهة نظر ثانية .. انه ما يستحي

أتمنى أنك تنتقي الالفاظ احتراما للمنتدى ولأعضائه