يا اقوى حيــــرة في العالم .... ياللي محتاارين مثلي :(

السلام عليكم

يعطيكم العافيه على هالموضوع

وبعدين ياشباب ياشابات

خلنا نراعي المعاير التاليه

1-الامن والامان

2-الرخص

3-جو الدراسي المناسب التعليمي وليس الطقس لان الطقس تقدر نروح بالويك اند اي مكان تبيه

وقصدي اذا كان معاك فليسات تطلع بالويك اند واذا ممامن فليسات تقعد بمكانك

والي سمعت عن اوهايو انها تنطبق عليها الشروط هذي

ياشباب وياشابات نرجو انكم تفيدونا بشي جديد من خارج المنتدى لان قرينا الي فيه عن هالولايه ومدنها

والله يابن الحلال .. خلني اقولك من واقع تجربة

بس موب تجربة بالولايات .. تجربتي في اختيار الولاية

انا كنت نفس حالتك بالضبط .. كل ما اشوف صور ولاية اخق معها بس يطلع فيها عيوب .. فأنت لازم تتنازل عن شيء

وبعد تفكير وبحث لمدة 3 شهور .. قررت اروح ولاية عادية .. يعني فيها طبيعة .. اهلها حلوين .. موب غالية

وتنازلت عن الاماكن الترفيهية .. تنازلت عنها مو لأني ما ابيها .. لأني قررت اجلس بهالولاية يصير وقت الدوام اللي فيها اسواق

وطلعات وطبيعة .. بس الوناسة وسعة الصدر .. تكون بالويك اند .. يعني كل ويك اند .. رحلة يومين للمدن ..

ومنها بكسب :

1- وفرت فلوسي وبعدت عن الغلاء
2- استانست بالويك اند من خلال الرحلات اللي مقرر اروح لها
3- وقت الدراسة يصير بولايتي اللي مافيها هالاشياء اللي تشغلني

هذا اللي انا سويته .. وانت مضطر انك تتنازل عن شيء

كنت افكر اني لازم اتنازل عن شيء .. فاللي استنتجته من تفكيري :

1- كثرة السعوديين يسبب لك مشكلة في سرعة تعلم اللغة
2- الغلاء يسبب لك هاجس نفسي بالتوفير ..
3- المعهد او الجامعة الضعيفة .. كأنك تطبق المثل ( كنك يابو زيد ما غزيت ) يعني ابتعثت وآخرتها جامعة ضعيفة


اكون بولاية مافيها الاماكن الترفيهية الكثيرة .. علشان اتفرغ للدراسة

ومثل ما قلت لك فوق .. انا بالاماكن الترفيهية ما امسك نفسي .. فانا مقتنع جدا بالولاية اللي اخترتها

هي فيها مولات وسينما والاشياء العادية هذي ..


بالتوفيق وعطنا وش قررت عليه

والله انك صادق اقوة حيرة لي 5 شهور ماني عارف وين اروح وسوست وربي والطلاب هنا سكاتي مايتكلمون عن المدن اللي هم فيها او وش فيها ولاشي داخ راسي وربي انا معاك يالله خلنا نتحد عشان نعرف نجمع صح معلومات ونرح مكان كويس ما يكون غالي وعلى فكرة انا بلبل انقليزي انولدت وانا اتكام انقليزي خخخخخخ لا لا بس انا تربيه ارامكو واشتغلت في ارامكو متخرج من معهد ارامكو مالك الا 3شهور وتكون خطير يعني بتستفيد مني هناك خخخخخ بس خلونا ياشباب اللي رايحين نتحد سوا ويارت لو ما سنجر او شي
ويا شباب اللي هناك ياليت تساعدونا انا عن نفسي صعوبه المعهد ماتهني اهم شي المكان يكون امان ثاني فيه حركه وحياة ثالثا ماهو غالي مو تقولي هالي وود خخخخ اكيد فله يعني شي حلو وحركه اهم شي مو المدن الميته لانا بنجلس فيها 5سنوات يعني
life time يللله صرفتلك تعبير بالانقليزي عشان تتدرب من الحين

بصراحه عجبني الموضوع وقلت خل اقط معكم واقول لكم اني مثلكم صار لي شهرين وانا قسم محتاره ناس تقول لي كاليفورنيا وناس تقول لي اوهايو ارخص بس مااااااا احد عطاني رد مثل الناااس المهم بعد البحث والدوران والتعب قررت اطلع شيكاغو لاني اموووووت في شي اسمه براد<موب برد كندا اللي 30تحت الصفرر لا يعني احب جو الشتااء والخلاقين والايس كاب والشالات <<رايحه تلبسس خخخخخخخخخخخخخ
المهم اني سالت وطلعت لا غاليه ولا رخيصه وسط والمعهد للي فيها حلووو والجامعات الي فيها كويسه علشان كذا قررت شيكاغو
والاغلبيه ايدوني وقالو لي اطلعي لها ..واللي عنده معلومات عن هالمدينه يقول لي...

اقسم بالله نفس تفكيير بالظبببط <<< طيب بشر امك

لا والله حلوو الواحد يروح ولاية هادية وتكون الدراسه فيها حلووه ياسلام سلم يعني وش تبي

سينما فيه اكييد اسوق فيه طبيعه هبااال وش تبي اكثثر

ولا بعد في الشتا في بحييره من البرد تصير جليييد يعني تزلج على كيفك

طبعا انا اتكلم عن مدينتي في ولايه انديانا اسمها ساوث بيند

ماجد

ياخوي صدق وش فيك معصب .. ههههههههه

بعدين مدينة مثل سبرينق فيلد .. عدد سكانها اكثر من 150 الف .. وين فاضية معه

هههههههههههههه .. طيب سكنت لحالي على قولتك .. وطلعت من الجامعة .. وبعدين .. أرجع للشقة اتعلم الانجليزي مع الجدار ولا وشلون

ياخي العائلة جيدة .. خصوصا على الاقل اول سنتين .. علشان تثبت لغتك صح .. وتكسر حاجز الطفش اللي بالبيت

و مو معناة خويك سكن عند عائلة مو نفس المطلوب .. يعني كل العوائل فاشلة .. العوائل تفرق ياخوي

وحنا قلنا المدن الكبيرة ما فيه احد يعافها .. بس انت ترى دخلك محدود . 1850 بس ..

والمدن الكبيرة .. رح لها بالويك اند .. واصرف وفلها على كيف كيفك ..

يعني انا اعرف لك واحد بميزوري نفسها .. بالشهر مرتين على كاليفورنيا .. ويفلها ويصرف صرف موب صاحي

بعكس اخوياه اللي بكاليفرونيا وهم ساكنين فيها .. قاعدين يقشرون بصل .. مكافآتهم رآحت سكن ومواصلات وصرفية بسيطة

ولا انت قاعد كل شهر تقول يا اهلي حولوا لي فلوس .. صععبة شوي ترى

كلنا نبي الولايات الكبيرة .. علشان كل يوم نفلها بمكان .. بس الدعوة موب على كيفي وكيفك ترى

في حواجز ما تتعداها .. ولا انت معقول تصرف كل فلوسك على وناسة في مدينة كبيرة .. ولا تدفع الالتزامات اللي عليك

مثل سكن فواتير .. الخ ... قسم بالله ما تشوفهم الا تالينك ما شعرك .. وعلى غوانتانامو أمزح

احسبها بعقلك مو بوناستك .. وشف وش تطلع معك