وش الحل الجامعه تبي سجل اكاديمي مترجم وجامعتي ماعندها سجل مترجم؟؟؟؟

شباب أهل الخبره

وش الحل راسلة جامعه وارسلتهم جميع الاوراق لكن السجل الاكاديمي مترجم لرموز الماده فقط

وهم يبون اسم الماده والجامعه ماتعطي الا رموز بالانجليزي

وش الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل اترجمه عند مكتب ترجمه معتمد بس اخاف مايقبلونه

ولو مافيه الا الحل وش افضل مكتب ترجمه معتمد ارسله اوراقي يترجمها

الفزعه ياخوان تراني بلش

اخوي عبود مادام الجامعة ما تعطي سجل الا برموز المواد فمالك طريقة الا الترجمة وانا أرشحلك مكتب السالم للترجمة والمحاماة
هذا اذا كنت بالرياض وهو في عمارة على تقاطع التخصصي مع شارع الامير سلطان ولوحتة واضحة
كذلك تقدر تصدقة من السفارة الامريكية وهذا يعطيه قوة لاتستطيع الجامعة أن ترفضة مع توقعي أن ختم السالم يكفي عن السفارة ولكن زيادة حرص وتلافي ضياع الوقت مع الجامعة في رفضة واعادة ارساله وبالتوفيق

يعطيك العافيه ابو فهد

يعني يفرق مكتب عن مكتب بالترجمه؟؟؟؟؟؟؟؟؟؟؟

اخوي عبودي حسب علمي ان مكتب السالم معروف لدى السفارة الامريكية لاسيما وانه مكتب محاماة وليس ترجمة فقط وهذا يعطية مصداقية في اعتماده

اخوي ترجمها عند مكتب معتمد وحاول او يتختم عن طريق الجامعة ... أغلب اوراق الابتعاث في برنامج الملك ..مترجمة من مكاتب معتمدة ..

بالتوفيق ..

يترجمها المكتب و يختمها وبعدين تروح الجامعة تختمها وتصدقها
ولا تنسى التوصيات بعد نفس الحالة و خلهم بعد الترجمة و الختم في ظرف تختمه الجامعة من برا عشان هذي الطريقة اللي يتم فيها استلامها من الجامعات الامريكية

و اعتقد انك لازم تعادل شهادتك عند wes وهم عندهم استبيان يعبية اي احد من الجامعة وتختمة من عندهم وتضيفة مع السجل داخل الظرف وترسله لهم ولو خلصت وارسلتها من الحين لـwes

والله يوفقك

يعطيكم الف عافيه

والله يوفقكم دنيا واخره يارب