((ارجو ان لا يتم تجاهل اسئلتي)) تكفوون

هلابك حبيبي
وعلى هوونك يالغالي ..
ومالومك يوم انك محيووس..
بس الامر سهالات ان شاء الله
يالغالي انا بطلع امريكا ان شاء الله قريب والالتحاق في البعثه ان شاء الله يجيك
بس يبيلك واسطه عشان تكون اسرع .. اذا عندك واسطه يمكن تطلع من الرياض ببعثه .. والا اذا وصلت هينااك يعني يعني ان طولت كلها شهر والا شهرين وانت ملتحق...
والتكلفه يختلف من معهد الى معهد ومن سكن الى سكن ومن جامعه الى جامعه يعني ماتقدر تحدد
بس اللي اعرفه في السنه لغه يكلفك تقريبا من 60 الى 80 الف ..مع مصرووف وكل شي..

السلام عليكم أخي مجازف انا الحين بأمريكا
يالغالي شوف هذي الطريقة الي بقولك تسويها قبل لا تجي لأمريكا...
1- اول شي تروح تجيب لك قبول معهد من مدينة صغيرة يقل فيها السعوديين وتكون رخيصة جدا جدا وآمنة.
2- ثاني شي تجيب لك قبول جامعة حسب تخصصك.
3- تروح وتطلع الفيزا طال عمرك
4- تروح لوزارة التعليم العالي وتطلب منهم أمر إركاب , اذا أخذت أمر الإركاب سهل جدا تلتحق بالبعثة أول ما توصل لأمريكا
5- اذا لم تحصل على أمر إركاب راح توصل لأمريكا ومعك قبول معهد وقبول جامعة
6- تقدم على فتح ملف في الملحقية وبعدها إن شالله بكم شهر يتم إلحاقك بالبعثة.
يالغالي جميع هذي الامور اذا كان معدلك عالي راح تتسهل امورك أكثر وأكثر

تحياتي لك وبالتوفيق واذا إحتجت أي شي ثاني انا موجود وانا اخوك

mr.abood1

هلابك والله

والله يا خوك جربت كل شي ما بقا الا اني ادخل عليهم بقصيده.

يعطيك الف عافيه على المعلومات

هلا والله .

اخوي كل هالخطوات اللي قلت عليها ابي اسويها بحذافيرها.بس بالنسبه لامر الاركاب صعبه شوي لان فيه ناس كثير حاولوا بس ما قدرو.

معدلي بالثانويه 81.81%

بس ابي اسألك انت في اي ولايه .وكيف اسعار المعيشه بها وتقريبا كم يبي لي في السنه من ناحية السكن والمصاريف.

الولاية الي انا فيها كبيرة وفيها مدن رخيصة بس المدينة الي انا فيها غالية جدا ( فيلادلفيا ) أنصحك تروح لمدينة صغيرة ورخيصة تتعلم اللغة لان المدن الكبيرة فيها عرب كثير وبعد ما تخلص من مرحلة اللغة تروح للمدن الكبيرة الي تتميز بحتضان أرقى الجامعات
والله يوفقك