بنااااااااااات..ماهي اكتر طريقة حجاب شائعة في امريكا !!

أختي كاتبة الموضوع
لسا يوم الجمعة مكلمة أخوي في موضوع الحجاب وقلتله إني ناوية اتنقب
وش رايك بصراحة أبغى منطقة اتحجب بحرية ومحد يأذيني
قالي لاتخافين أنا اليوم شايف وحدة بصلاة الجمعة ومتنقبة
وهو ساكن بسانتا كلارا بكالفورنيا
فطالما كذا مافي داعي الوحدة تكشف وجهها
وحتى لو كشفت هل الحجاب الصحيح للمراة المسلمة بنطلون وبلوزة طويلة ؟!
اسالي أهل العلم أحسن من سؤال الناس
والله يكتب لك الخير ويوفقك للي يرضيه
وانت شوفي الولايات او المدن اللي تقدري تمارسي فيها حجابك
وتذكري إن الجنة خفت بالمكارة
وإن شاء الله أكون افدتك

والله ياحبيبتي انا اشوف ماينفع البس غير بنطلونات مع الثلج الي نازل والسرعه المطلوبه في المشي عشان الالتزام بالموعد؟؟ يعني بلبس بلايز واسعه وطويله الى الركبه واطول..واهم شئ شخصيتك الملتزمه بالحجاب مو بس الشكل يعني من غير ضحك وليونه زايده..

حبيبتي ... انت تقرري ايش السواة ,,, انت بدك ترضي ربك ولا الناس ولانفسك ؟؟

في حالة اذا بدك ترضي ربك شوفي بالضبط هو ايش قال ونفذيه ..مع العلم انه هو سبحانه اللي ينفعك ويضرك فقط ....لأنه هو اللي خلقنا كلنا وخلق امريكا وخلق الاطفال الجاهلين وخلق الناس السفيههة وكلهم هذولي ما يقدروا يضرونك الا بشيء ربنا سبحانه كتبه عليكي ,,, ولو انت حافظتي على الاذكار وكان قلبك معلق بالله ربنا هيوقف معك وهيبعد عنك السفهاء وهتلاقي اشياء في حياتك تتسهل لك وانت ما تعرفي كيف والسبب باختصار هو لانك ارضيتي رب العباد .

في معلومة حلوة شفتها في احد ردود الاخت الغالية وفقها الله صدى الغربة ... انه المرأة للما تتنقب تفرض على الاخرين احترامها وتسوي لها حاجز عن الرجال ,,, وكمان تصير نظرة الرجل لها كإنسانة أكثر من نظرته لها كأنثى .

واتمنى كلامي ما يضايقك ,,, كتبته لك من حبي الخير لك واحترامي لشخصك

انا اتوقع انه الحجاب يكفي بحكم انهم بلد اغراب ومايلفت النظر والنقاب يلفت بالعلم انه في بلدي منقبة وهذا المتعارف في بلدي لكن بلد الغرب عكس
وانا مااتنقبت الا عشااان ابعد المشاكل اللي تضرني كمسلمة لانه سااامعين المشاكل اللي بتصير
لكن لو الاغلب متنقبين اكيد بتنقب لانه اكيد راح يكون عااادي
وسواء اتنقبت او اتحجبت الاخلاق وحدة
انا هذا رائي ماادري

موصعبة ابداً انك تتنقبي طول عمرنا متنقبات

قال صلى الله عليه وسلم ( من أرضى الله بسخط الناس ، رضي الله عنه وأرضى عنه الناس ، ومن أسخط الله برضا الناس سخط الله عليه وأسخط عليه الناس )

في شي يفرحك انه لو انك تنقبتي عشان الرحمن بيرضى الناس غصصصب عنهم

وابشر أختي بحلاوت الإيمان الي راح تحسين فيها و بالأجر العظيم في الدنيا قبل الأخرة

الله يسهل أموركم يارب

معليش يعني بس عندي تعقيب بسيط
واللي متعوده كشف وجهها في بلدها ايش الحل برأيكم ؟

برضو هذي من الناس الغير جديره بالإحترام عند الاجانب و السعوديين الي هناك ؟
وضحو لنا الله يجزاكم خير عشان نعرف حنتعامل بإحترام ولا حنتشرشح

ماادري سبحان الله بعض الردود غريبه
يعني البنطلون خليتوه قضية رأي عام .. يارب انه استر من التنوره
اجل البس تنوره ومع الهوا ساقي تبان !! ظنكم كدا استر ؟

بعدين ترا كل شخص جاي من بيئه مختلفه فيه اللي محافظ ومتمسك بالعادات وفيه اللي لا والمذاهب تختلف ومانقدر ننكر الشي دا
لذلك وسعو مدارككم شويه وفكرو بعقلانيه انتو ناس متعلمه , لا يصير فكركم ضيق لهذا الحد
العالم وصلت القمر واحنا لسى نتعابط ونتجادل على فتوى كشف الوجه .. ترا والله عييب لا احد يسمعكم

بعدين ترا الدين لمليار مسلم والسعوديه ماتجي 1% من المليار دا
ظنكم المسلمات اللي في باقي الدول واللي يكونو محجبات فقط غير جديرات بالإحترام او هما على خطأ ؟؟

بعدين ياليت نخفف شويه من الإنتقادات السخيفه على اي انسان يختلف معانا بالرأي .. نظام ان لم تكن معي فأنت ضدي ترا مره ماينفع
الله سبحانه اعلم بالنوايا ويجازي كل انسان على نيته

صاحبة الموضوع تحجبي بالحجاب اللي يريحك اظن انك كبيره كفايه و واعيه وتعرفي ايش الأصلح لك
الله يوفقك

حسب منطقتي مدينة نورفلك ولاية فرجينيا
اغلب البنات متحجبات مع بلوزة وجنز
واذا انتي مو مرتاحة مع اي شي
البس الي يريحك (انت في امريكا )
البسي الي تبغن ولا يهمك احد
اعجبتني بنت خليجيه معنا في الجامعه
لابسة عباية ، الصراحة اعجبتني والكل يحترمها على صغرها
وعلى فكرة كذا مرة رأيت امرأة لابسة حجاب كاااااامل
استر من حق السعودية
وبخصوص التنورة فيه معلمة امريكيه يهودية عندنا في الجامعة تلبس تنورة

الخلاصة :
البسي الي يريحك شرط ان لا يخالف الدين
وبالتوفيق ،،

بالعكس مبسوطة كثير من كلامك وعجبني بس انا ماكتبت كذا الا مشان اشوف ردود الاخوات واشوف العقليات كيف تفكر والحمد لله علاقتي برب العالمين

ومايحتاج استنى من احد يشكك في علاقتي برب العالمين وهو أدرى بالنيات