بنااااااااااات..ماهي اكتر طريقة حجاب شائعة في امريكا !!

الله يثبتنا على الحق

عن نفسي زي ماحضرتك قلتي .. لأنو أهم شي في الحجاب بعد انو ساتر انو مايكون لباس شهره

يعني البسه والناس تجلس تتفرج عليا والفت نظرها ..

وقرأت من ضمن الردود اللي مريت عليها انو ماتخافي أحد يصورك ..

معليش اللي حيصورني الحمدلله أنا بحجابي ومحترمه حالي ماحيصورني بشكل ما يرضاه ربي والا ما يرضوه اهلي أو ما ارضاه أنا ..

وكمان اذا انتي هناك واثبتي انو واحد صورك من غير علمك ونشر صورتك تقدري ترفعي عليه قضيه

إذا هنا تقدري كيف هناك ..

أهم حاجه الوحده تمشي باحترامها وتفرض احترامها عاللي حواليها

وكمان تخلي في بالها انو هي تمثل أمه إسلاميه دين كامل لبعض الي ماهم مسلمين

وتمثل دوله بحالها للأجانب ..

لازم هي تحترم هذي الشيين وتخليهم في بالها وانو اي حاجه هي حتعملها حتتفسر كقياس لكل المسلمات ولكل السعوديات ..

ودائماً تحتسب أجر غربتها وإنها رايحه تدرس عشان ترفع اسم دينها أكثر وتثبت لكل الدنيا انو المسلمات مثقفات ومبدعات ويجي منهم أشياء زيهم زي غيرهم وأفضل

وكمان انها تحمل رسالة الملك للعالم .. وانه دراستها هذي بترفع اسم بلدها ودولتها ..

لازم كل وحده تستشعر انها تمثل الدين ثم الوطن .. ولازم تكون قد المسئولية ..

بالتوفيق للجميع يارب ..

الله يسهل دربنا ودربكم ونرجع باللي يسعد أهالينا ..