مشكلة الطلاب السعودين في معهد els في ولاية فلوريدا مدينة سنبيت

السلام عليكم و رحمة الله و بركاته
أسأل الله لي و للجميع التوفيق و النجاح و السداد .

مشكلتنا نحن الطلاب السعوديين في هذا المعهد ,,, انه يوجد في معلمة ليس لها صلة بالتعليم تدرس مادة القواعد الاسسبي , و طريقتها قروب بدون ان تشرح اي كلمة ابداً اول مرة اشوف معلمة او معلم بهذية الطريقة قروب بدون شرحة للمادة واي مادة المادة الاساسية للمنهج .
و عندما نكلمها ان تشرح تقول بعدين و تغير الموضوع .
و حدث لي مشكلة معها قبل اربع ايام قلت لها لا احب القروب بسبب عدم فهمنا للمادة فهمينا بعدين القروب قالت لي اطلع من الكلاس اي انت مطرود من الفصل ( فكرتني في ايام المتوسط و الثانوي ) .

و طلعت و روحت اشتكيتها لمديرة المعهد , و قالت بشوف لماذا خرجتك من الفصل .
و عندما رجعت لكي اخذ حقيبتي من الفصل كل القروب الي في الفصل مع اكتلاف الجنسية و الجنس قالوا نحن معك ما نفهم شئ ابداً بسبب طريقتها التي ليس لها داعي , قلت لهم طيب ما الحل ؟!
قالوا نشتكيها لمديرة قلت لهم هيا بنا .
و ذهبنا و اشتكيناها علما لا احب المشاكل ابداً لاني هنا بغرض الدراسة لكن لا اريد احد يضحك على الملحقية بسبب و جود هذي المعلمة التي موجود هنا في المعهد و التي ليس لها علاقة او اي صلة بالتعليم ابداً ,
و جات لنا في نهاية الكلاس اي الحصة التي بعدها و قالت لنا ما هي المشكلة معها ؟!ّ
قلنا لالالالا تفهم و اسلوبها ليس جيد و لا يناسبنا .
قالت بكلمها تشرح لكم و اذا ما تغير اسلوبها قولوا لي و انا باجي ادرسكم .
قنا شكرنا لكي , و فعلاً عدلت اسلوبها يوم واحد فقط , و بعدها عادة كما هي باسوء مما كانت .
و اخبرت المديرة لكن لم نرى الحل .
جميع الطلاب السعوديين هنا في هذا المعهد يشتكوا منها و من اسلوبها مع الطلاب السعوديين و انها لالالا تفهم و تريد رسوب الطلاب السعوديين بغرض زيادة الدخل لمعهد على حساب الملحقية .
اريد الحل لهذية المعلمة العجيبة التي لا تصلح ان تكون معلمة ابداً .
تصلح تكون مشرف نشاط او في البوفية المعهد او اي عمل ليس له صلة بالتعليم .
هذي المشكلة ليس معي فقط بل مع جميع الطلاب السعوديين .

أتمنى توصيل كلامي هذا و رسالتي هذي التي تعبر عن معناة الطلاب السعوديين مع هذي المعلمة الى من يهمه الامر لانها موجود في المعهد لسبب النصب على الملحقية و ترسيب الطلاب السعوديين .

هل كلامي ماهو مفهوم ام لا يوجد حل .

كلام مفهوم لكن الشكوى لله .. الصبر مفتاح الفرج

حاولوا تكلمونها باسلوب يمكن تقتنع وان ما نفع راسلوا اكبر مدير بالمعهد او مدير المعاهد كلها .. شف اذا لك حق ماراح يضيع

ماهوب دكتور بجامعه سعوود ولا بجامعه البترول ماتدري تشتكيه عند من << ابد مازلق على جامعاتنا خخخخخخ

اانتو ابدوا بالتسلسل شوفوا مدير معهدكم مانفع روحوا للي فوقه الين يشوفون لكم حل .. مع انه من وجهه نظري لو تحلونها وديا مع المدرّسه نفسها اتوقع افضل بكثير عموما بالتوفيق وشوفوا الي يصلح لكم والله يعينكم على مابلاكم ^_^

انا اتوقع ان فيها نوعاً من العنصريه بعد أحداث 11 سبتمبر واللتي حسبنا الله ونعم الوكيل شوهت صورة السعوديه لدى البعض منهم الله يهديهم ,,,

ولكن ليس لنا اي دخل فيما حدث في سبتمبر كسعوديين ,,,

وذا شي مهم المفروض تفكر فيه ,,,

واما عن المدرسه اللتي تحدثت عنها ...

فأنا أقول انه المفروض في معهد مثل معاهد إلس مايكون فيه عنصريه ابداً لأنه معهد معروف على مستوى العالم ,,,

وأن اي عنصريه من استاذه او استاذ او اي كره لشباب من بلد معينه يتوجب اتخاذ الإجرائات اللازمه في انهاء هذه المشكله ,,,

وانا اقلك ياحبيب قلبي عافاك الله ...

انك لو ذهب وقمت بالشكوى انت وقروب الشباب المتواجدين معاك بالكلاس ...

عند شخصيه كبيره في هذا المعهد ...

فإنه سوف يتخذ الإجارائات اللازمه لإيقاف هذه المهزله اللي صايره ...

وايضاً للحفاظ على سمعة المعهد بما انه معهد معروف عالى مستوى العالم ...

ومااقدر اقول الا الله يعينكم ويوفقكم ويهدي مدرستكم لما يحبه الله ويرضاه وتترك عنها هذه العنصريه ...

دمت بوٍد ومحبه

بالنسبه لموضوع انها تبي ترسب الطلاب السعوديين علشان الفلوس فهذي لاسف صح 100 % واغلب المعاهد يسوونها حتى عندنا في بريطانيا في برايتون معاهد اغلبها كذا علشان الفلووس ولا يهمه الطالب .
لكن علشان نكون واقعيين الطلاب المفروض هم يسعوون لرفع مستواهم من ناحية مخالطة الغربيين بشكل كبير والبعد عند طلعات المقاهي كل يوم مع الربع السعوديين :)


اخر حل من وجهة نظري الشخصيه انه تقدر انت تبحث عن معهد ثاني افضل بالمنطقه وتحاول تاخذ منه قبول وتروح للمحلقيه وتقول لهم انك بتغير المعهد لانه المعهد ماصار يرفع مستواك زي المطلووب وان شا الله الملحقيه تتفهم الموضوع

الله يعينكم جميعا..
انا اقترح عليكم جميعا ياخواني وخواتي..اتحدوا وتعاونوا وجيبوا ياختبار التوفل يالايلتس..والله العظيم ارحم لكم من عذاب المعاهد..وربي انه اسها مية مره ..لو الواحد ياخذه عشر مرات بالسنه وش بيضره كله الملحقيه بتعوضه لكم..
مدري ليش كلماقترحت هالاقتراح على احد ..احسه يرتعب من طاري الاختبار ..والله العظيم ياجماعه انه اسهل مما تتوقعون ..والواحد مايتوقع الافضل من اول مره..لكن مع تكرار الاختبار بيوصل للنتيجه اللي يطمحلها..
صدقووووني ياخواني ..اختبروا وريحوا بالكم من هالمعاهد اللي تجهدكم على غير سنع ..وكأنهم يخرجون الطلبة عباقرة باللغة..
شوفوا الكوريين والصينين كيف لحقوا حالهم واخذوا التوفل وبدوا الدراسه وهم لغتهم على قدهم..
اختبروا وارتاااااااااااااحوا وخلصوا اموركم بدري اول سنة
الله يوفقنا جميعا

لقد تم حل المشكلة . راجع مكتب المديرة
و الله ولي التوفيق

ماذا تقصد بحل الموضوع لم يحل ابدا

اصلا معهد els اكره امه سمعته مرا مو تمام روح شوف معهد eli كيف كلهم يمدحوه

الله يكون في عونكم

طيب ممكن تخدمنا وتنصحنا بمعهد ممتاز في ولايه فلوريدا لانه نحن من الدفعه 5