هل ممكن ترفض فيزتي بسبب هذي السقره الي رحتهآ؟؟
السلآم عليكم ...
من زمآآن وانا ودي اروح اكمل دراستي برى وتحديدا امريكا والحمد لله كل شي موفر ,, يعني ابوي مستعد يوفر لي المبلغ والقبول من الجامعه ان شاء الله بيجي لان معدلي حلو والجامعه الي مقدمه فيها ماترفض احد اهم ىشي تجيب فلوسك وتجي...
ماابي اطول عليكم مشكلتي ببسآطه هي الفيزآ..
والله اني من سمعت الخبر وانا مو مرتآحه ابد ,,, قلت اسألكم يمكن احد يريحني ويقولي العكس..
انا قبل كم شهر كنت رايحه ايران عشان ابي اسوي عمليه بسيطه لعيني لآن المستشفى زين واسعاره حلوه ..
المهم اني ماكنت شايله هم هالفيزا الا لما صعقتني صاحبتي بها انه ممكن يتم رفض فيزتي لهذا السبب ..
ياليييت تفيدووني يعني هل احد حصل معه كذا وعطوه الفيزا ؟؟
وش اقول لهم لما يسألوني ليه رحتي هناك؟؟
اقدر اطلع جوآز جديد مع العلم انه جوازي جديد ولسى مانتهى ؟؟
وش اسووي سآآآعدوني؟؟
وانا كنت مخططه انه على محرم اكون هناك لاسباب عندي يعني ممكن مدة الفيزا تطول ولا كيف؟؟ وكم مدة الفيزا الي يعطوهآ الي هل سنه ولآ خمس سنوآت مثل ماسمعت ؟؟
من جد هذا حلم حيآتي .. يالييت القى ردود منكم والله يجزاكم الف خييير
رد: هل ممكن ترفض فيزتي بسبب هذي السقره الي رحتهآ؟؟
اذا تقدرين تكلمين المستشفى يرسل لك اوراق اثبات
امورك تمشي ان شاءالله
وانا اعرف ناس راحو سوريا وطلعت فيزهم عادي جداً
لاتخافين حاولي تجيبين اثبات وان شاءالله تتسهل امورك
موفقه
رد: هل ممكن ترفض فيزتي بسبب هذي السقره الي رحتهآ؟؟
عادي حبيبتي لا تشيلين هم انتي اهم شئ قولي لهم الصدق ووضحي لهم سبب ذهابك لايران واذا عندك اوراق من المستشفى تثبت يكون افضل
ومدة الفيزا 5 سنوات الله يوفقك ويسهل عليك ان شاء الله
رد: هل ممكن ترفض فيزتي بسبب هذي السقره الي رحتهآ؟؟
وعليكم السلام امممم الله يحقق الي في بالك وتطلع لك الفيزا وسالفه السفره لايران امرها سهل
فيه ناس تروح هناك لاجل زياره اماكن مقدسه ويقنعون السفاره ان فيه اماكن يزورونها وتمشي امورهم
انتي اذا رحتي لمستشفى هاتي اورق منه وان شاء الله تمشي امورك .. بتثبت الاوراق ان سفرتك لاجل علاج
اهم شي خليك صادقه معهم وحتى لو جددتي جوازك فيه سؤال في الابليكيشن وين سافرتي في العشر السنوات الاخيره
بتضطرين انك تكتبين ايران يعني خلي جوازك ابرك لك ولاتسوين مخ على السفاره لا يعطونك رفض نهائي ثم تبتلشين
يالتوفيق للجميع ^_^
رد: هل ممكن ترفض فيزتي بسبب هذي السقره الي رحتهآ؟؟
شوفي وانا امك
خليك صادقه معهم
ومثل ما قالوا اللي قبلي
اذا معك اوراق من المستشفى افضل
فيه واحد من المبتعثين ما عطوه فيزا عشانه غلط في سنه التخرج تلخبط وذكر سنه قبل سنته اللي تخرج فيها
على قولة المثل ( امشي عدل يحتار عدوك فيك )
وعقبال ما ترجعين لنا بالشهاده الكبيره
رد: هل ممكن ترفض فيزتي بسبب هذي السقره الي رحتهآ؟؟
يسلمكم ربي ,, ماقصرتوا والله ... (s2od- أديم الأمل- مزاجي _ ليل نجد ) يعطيكم العآفيه ان شآء الله كفيتوا ووفيتوآ..
الله يجزآكم الف خير ...
أورآق المستشفى مدري والله اذا كنت اقدر اجيبهآ لآنها عمليه يوميه وعآديه بس بحآول ان شاء الله ...
اخوي مزآجي ..
لو ماعليك امر بسألك .. او الي عنده خبره ياليت يقولي تفيدني ردوودكم والله ...
يعني هم الحين يسألوا وين رحتي قبل عشر سنوآت وانا وش يذكرني بالله ؟؟
انآ اذكر اني رحت سوريآ من زمآن بس مذكر اذا كآنت قبل عشر سنوآت او أكثر ...
يعني اخذ جوآزي القديم معي أصلا ماتوقع انه موجود يعني من زمآن ضآع ولآ هم عندهم يكون موجود ولآ شسآلفه؟؟ وأذا قلت لهم سيآحه بيصدقوا ولآ ؟؟ يعني اقولهآ لهم وانا مطمنه ومبتسمه ؟؟ المشكله اني ارتبـك في هالمـوآقـف..
وكم المدة الين تطلع الفيزآ ؟؟ انا ادري ان مالها وقت معين بس يعني ممكن تطول اكثر من شهرين؟؟
لآن من جد عآوزتهآ قبل محرم .. أدري اسألتي كثيره بس الله يجزآكـم خير ويصبركم علـيَ ..:heh:
ويعطيكم العآفيه..
رد: هل ممكن ترفض فيزتي بسبب هذي السقره الي رحتهآ؟؟
زي ماقالوا الأخوان الصدق منجاه لصاحبه
لي أحد أصدقائي سافر لأيران وقدم على الفيزا بس كانت لبريطانيا ثلاثة أيام وإستلم الفيزا
أعتقد بريطانيا ماتفرق كثير عن أمريكا في هالأمور
كذلك أنا سافرت باكستان العام الماضي وبعدها قدمت على الفيزا البريطانية تخيلي جوازي قعد في السفارة البريطانية قرابت الثلاثة أشهر لدرجة إني فقدت الأمل
والحمدلله النهاية كانت سعيدة عطوني الفيزا .
الدنيا توافيق .
إنتي رتبي كلامك زين وعطيهم الصدق .
والحين أنا عايش نفس وضعك بحول لأمريكا وخايف من مشكلة سفرة باكستان تتكرر معي مرة ثانية
بس تذكري حديث المصفى عليه الصلاة والسلام بما معناه (أن ما أصابك لم يكن ليخطئك وما أخطئك لم يكن ليصيبك رفعت الأقلام وجفت الصحف )
وبعدين وش سالفه هالجامعة السهاله ياليت تعطيني إسمها لوسمحتي
تمنياتي لك بالتوفيق مقدما،،،
رد: هل ممكن ترفض فيزتي بسبب هذي السقره الي رحتهآ؟؟
قبل شهر تقريباً كان هناك أخت تتحدث عن مقابلتها في السفارة الأمريكية بالرياض. في قسم إجراءات السفارة وأمور القنصلية. وكانت قد سبق لها السفر إلى ايران ومع ذلك حصلت على الموافقة.
رد: هل ممكن ترفض فيزتي بسبب هذي السقره الي رحتهآ؟؟
ولد روق - تركي الشبرمي .. مشكورين مآقصرتوآ على الرد ويعطيكم العآفيه ...
ولد روق ...
الجآمعه اسمهآ weber state university في ولآية يوتآ في مدينة اوقدن وهذآ الي سمعته عنهآ والله حتى اعرف احد هنآك يدرس فيهآ وهو بعد قآلي نفس الكلآم ... كآتبين عنهآ ان نسبة القبول 100% والله أعلم ..
انآ ان شآء الله بقول الصدق ومآ بكذب بس كنت ابي اتطمن عالعموم الله يسهلي الي فيه خير ..
ودعوآتـكم ..
رد: هل ممكن ترفض فيزتي بسبب هذي السقره الي رحتهآ؟؟
ما أقـــول الا توكلـــي على اللـــــــــــــــــه ولا تخافيــن من شــي
انا سافــرت لسوريا 8 مــرات ومقابلتي بعد العيد مباشرة
اذا وافقـــوا كويــــس ما وافقوا لعلهـــا خيـــرة