بعثة ( المرحلة الخامسة )ودورة الانجليزي ومهارات التحصيل الاكاديمي
السلام عليكم ورحمة الله وبركاتة
اول شي مبروك لكل المقبولين مبدئيا ببعثة خادم الحرمين الشريفين (المرحلة الخامسة )
طبعا جميع المقبولين اكيد وصلتكم رسائل sms ورسائل عن طريق الايميل هذا محتواها :
( يسر وزارة التعليم العالي تهنئتك بترشيحك المبدئي بالابتعاث وتود الوزارة ابلاغك بضرورهحضورة الدورة الاعدادية الالزامية في اللغه الانجليزية ومهارت التواصل الاكاديمي والتي ستبدأ في تاريخ 12 /11 / 1430 هـ )
وبعدين وصلت برضو رسالة sms هذا محتواها :
( يسر وزارة التعليم العالي ان تهنئكم على ترشيحكم ضمن برنامج خادم الحرمين الشريفين للأبتعاث الخارجي" المرحلة الخامسة " ونشعركم ان موعد بدء الدورة الاعدادية في اللغه الانجليزية واختبار تحديد المستوى هو يوم السبت 12 /11 / 1430 هـ الساعه 9 صباحا ... الخ . ) طبعا باكاديمية الفيصل مخرج 5 مقابل مدارس المملكة بالرياض
ويوم كلمت الاكاديمة وسألتهم عن دورة الانجليزية قالو موعدها شهرين متواصلة ولمدة خمس ايام بالاسبوع وست ساعات باليوم من 9 صباحا حتى 3 مساء
واتوقع دورة مهارات التحصيل الاكاديمي برضو مدتها شهرين متواصلة لانة مرة قريت بجريدة الرياض انة فية دورة انجليزي ومهارات تحصيل اكاديمي مدتها فصل دراسي فااتوقع شهرين انجليزي وشهرين مهارات تحصيل اكاديمي
طيب انا مثلا طالبة ماجستير وزي ماشفتو تقريبا انقبل بالبعثة ( 6000 طالب وطالبة ماجستير ) فااكيد غالبا كلهم موضفين او بمرحلة امتياز
انا مثلا بتكلم عن نفسي :
انا موظفة حاليا تبع شركة في مستشفى ( في قسم التغذية بحكم ان تخصيي تغذية وعلوم أطعمة )
وصعبة جدا جدا آخذ اجازة لمدة 4 شهور
او اقدم استقالاتي وانا بنفس الوقت مو ظامنة البعثة :dry: يعني اخاف لاقدر الله مايصير قبول نهائي او تصير اي عرقلة
فيوم كلمت موظف الاكاديمية قال تعالو بنفس الموعد وارفعو خطاب لان كثير طلاب ماناسبهم الموعد وانشاء الله توافق الوزارة
ابي كل احد فيكم مو معجبة الموعد يقول لي
او يشور علينا بحل :wallbash:
رد: بعثة ( المرحلة الخامسة )ودورة الانجليزي ومهارات التحصيل الاكاديمي
وش دعوى ولا رد
وين اللي انقبلو ماستر بالبعثة
رد: بعثة ( المرحلة الخامسة )ودورة الانجليزي ومهارات التحصيل الاكاديمي
السلام عليكم .......
انا من المقبولين ..........
دقيت عليهم وسألتهم عن الوقت قالوا تعالوا السبت ونشوف الوضع شكلهم مابعد يضبطون الوقت.
واكيد وقت 9 الى 3 ماراح يناسب احد.
وان شالله يصير الوقت مناسب للجميع.
والله يوفقنا لمايحبه ويرضاه
رد: بعثة ( المرحلة الخامسة )ودورة الانجليزي ومهارات التحصيل الاكاديمي
انا بعد زيك بالظبط عندي وظيفه ولا اقدر استقيل وانا ماضمنت البعثه ياااارب خر لي ولا تخيرني يارب ويارب الدوره يساعدونا مانظطر نستقيل لاني انا مرره ودي بالبعثه يارب سهل يارب عليه وعلى الجميع
رد: بعثة ( المرحلة الخامسة )ودورة الانجليزي ومهارات التحصيل الاكاديمي
الله ييسر لكم مافيه الخير لدنياكم ودينكم
رد: بعثة ( المرحلة الخامسة )ودورة الانجليزي ومهارات التحصيل الاكاديمي
حرام عليكم
موظفين و ماخذين حق غيركم في البعثه
رد: بعثة ( المرحلة الخامسة )ودورة الانجليزي ومهارات التحصيل الاكاديمي
ايه الله اذا غيروا الوقت وش ذنب اللي بيجون كل يوم
من بعيد.. مافيه احد يجيبنا الا ذا الوقت..
والمفروض الى الساعه2 مع الدوامات..
رد: بعثة ( المرحلة الخامسة )ودورة الانجليزي ومهارات التحصيل الاكاديمي
انا من الشرقية والدورة من الساعة 3 تبدء الا 9 يعني باطلع من البيت الساعة 2 الظهر لين ماوصل المقر ورجعه على الساعه 10 في الليل .... بالله مو تعجيز ..مافي حد ايوصلني الا سواق خاص او مين يقبل على اخته والله زوجته تركب مع سواق اجنبي ااخر الليل لحالها ... لا وزيدكم من الشعر بيت ... قلنا يالله معاليش اتوقعت 3 ساعات انجليزي باخلي بنتي مع الوالده الا تطلع الدورة 6 ساعات الله يييييييعين لا بالله غسلنا يدنا (((ماشاء الله احنا الحريم دايم محترمين حقوقنا ويراعو مشاعرنا ويقدرو ظروفنا )) او يففففففففففرحه ماتمت
من كل قلبي اتمنى التوفيق للجميع ودعاء لنا بتغيير الحال الا الافضل
رد: بعثة ( المرحلة الخامسة )ودورة الانجليزي ومهارات التحصيل الاكاديمي
اقتباس:
المشاركة الأصلية كتبت بواسطة مـ س ـافر
حرام عليكم
موظفين و ماخذين حق غيركم في البعثه
اول شي لاتحرمو مااحل الله لكم وترا كلمة حرام عليكم ماتنقال باي موضوع ولكل مقام مقال يااخي
ثاني شي حنا موظفين بشركة اهلية وعلى فكرة كان عندك طاري حسد وحاسدنا على قبولنا بالبعثة احب ابلغك انة دوامي يبعد عن بيتي 150 كيلو يعني يوميا اروح 150 كيلو رايح و 150 كيلو جاي
مع انة مايخصك ذا الكلام
وسالفة مااخذين حق غيرنا ترا مو معناتة انة شخص معين ماانقبل معناتة واحد موضف السبب
لانة حنا موضفين شركات وحتى لو هو موضف حكومة راح يكون استقال
واذا شايف ان السالفة بة حرام وحلال اتصل على وزارة التعليم العالي واشتكي مو الواحد يحكي بشي مايفقهه وبس
الله يهديك
رد: بعثة ( المرحلة الخامسة )ودورة الانجليزي ومهارات التحصيل الاكاديمي
اقتباس:
المشاركة الأصلية كتبت بواسطة seshe6
انا من الشرقية والدورة من الساعة 3 تبدء الا 9 يعني باطلع من البيت الساعة 2 الظهر لين ماوصل المقر ورجعه على الساعه 10 في الليل .... بالله مو تعجيز ..مافي حد ايوصلني الا سواق خاص او مين يقبل على اخته والله زوجته تركب مع سواق اجنبي ااخر الليل لحالها ... لا وزيدكم من الشعر بيت ... قلنا يالله معاليش اتوقعت 3 ساعات انجليزي باخلي بنتي مع الوالده الا تطلع الدورة 6 ساعات الله يييييييعين لا بالله غسلنا يدنا (((ماشاء الله احنا الحريم دايم محترمين حقوقنا ويراعو مشاعرنا ويقدرو ظروفنا )) او يففففففففففرحه ماتمت
من كل قلبي اتمنى التوفيق للجميع ودعاء لنا بتغيير الحال الا الافضل
عفوا الدورة حاطينها من 9 صباحا الى 3 مساء مو العكس
لخبطتيني