عرض للطباعة
السلام عليكم ورحمة الله وبركاته
اخواني واخواتي اعضاء مبتعث وبخاصة طلاب امريكا ،،
لدي استفسار بخصوص الظرف المختتوم لاني سمعت انه نضع التوصيات والسجل الاكاديمي والشهادة
في ظرف ويختم كل على حدة لاستخدامها في مراسلة الجامعات
فهل هذا صحيح ؟
اتمنى الرد يكون وافيا وواضح ،، لاني لقيت موضوع لكنه خاص بطلاب كندا
السلام عليكم ورحمته الله وبركاته
انا اتكلم عن نفسي انا يوم قدمت على الدكتوراه عبيت النموذج الخاص بالتوصيات يعني ايميل كل دكتور ورقمه وهم قاموا بالاتصال
ولي صديق عطاهم التوصيات مفتوحه يعني جابه لهم بدون ظرف عندما قدم على الماجستير وقبوله بس اهم شي في التوصيه يكون عنوان الدكتور الي كاتب التوصيه يعني ايميله وعنوانه البريدي وارقامه بالنسبه للسجل الاكاديمي متاكد ميه بميه مايحتاج ظرف مختوم
بالتوفيق واتمنى اني جاوبت على استفسارك
الله يوفقكم
قصة الظرف المختوم كالتالي :اقتباس:
المشاركة الأصلية كتبت بواسطة kind4ever
في حالة معادلة معدلك الدراسي وتحويل معدلك من5 الى 4 ، هناك 3 نقاط :
1- هناك جامعات ماتطلب منك معادلة شهادتك . يعني ماتحتاج الى معادلة الشهادة .
2- فية جامعات تطلب منك معادلة شهادتك وهذا يتطلب منك مراسلة شركة لتعديل الشهادة وفي امريكا شركتين لمعادلة الشهادة وجميعهم يطلبوا ان ترسل لهم سجلك الاكاديمي مترجم ومختوم طبق الاصل بداخل ظرف مختوم ولكن الفرق في الشركتين ان الشركة الأولى لا تعترف بغير ختم الجامعة اللي تخرج منها الطالب ولكن الشركة الثانية تعترف بختم الملحقية الثقافية بامريكا .
ميزة الشركة الاولى انها ترفع المعدل فمثلاً احد الشباب راسل الشركة الثانية وبعد التعديل طلع معدلة 2.5 من4 ولكن عندما رال الشركة الأولى التي تطلب السجل الاكاديمي مصدق من الجامعة وبداخل ظرف مختوم من برا بختم الجامعة طلع معدلة 2.95 من 4 .
الحالة الثانية :
اثناء مراسلة الجامعات للحصول على قبول :
1- فية جامعات ماتطلب منك لا ظرف مختوم ولا غيرة.
2- فية جامعات تكتفي بختم الملحقية الثقافية على الظرف .
3- فية جامعات تطلب ختم الجامعة .
النهاية ( لن تخسر شيء اذا جبت معاك 10 او 15 ظرف مختوم من الجامعة ، وشهاداتك ترجمتها وصدقتها من الجامعة ) .
وبالتوفيق واتمنى اني وصلة لك المعلومة
الله يعطيكم العافية على تجاوبكم السريع
الحين مشكلتي انه يالله بعد ايش رضوا يختموا لي عشر نسخ من كل توصية وبرضه الشهادات
بحجة انه تكفي اثنتان فقط!!
ولما قلت لهم سابقا عن الظرف قالوا مايحتاج رفضوا ذلك عشان كذا انا مادري وش اعمل بالخصوص هذا
والمشكلة ان كل شي من عند قسم الرجال وهم مايمشون الامور يعقدونها على ختم مادري وش بيضرهم
الله يسهل امري وامركم وجزيتم كل خير