عرض للطباعة
السلام عليكم
انا في هيوستن جيت لها عشان المعهد رخيص وقلت الين ما التحق بالبعثه بنقل
والحمد لله التحقت لكن مشكلتي ان عندي دبلوم وسمعت من اغلب الشباب
ان الجامعات في امريكا ما تعطيك المعادله حق الدبلوم الا اذا خلصت اللغه طيب الحين
كيف اقدر انقل من ولايتي الى ولايه ثانيه لاني طفشت من هيوستن
كبيره ولا اقدر اتحرك فيها وما عندي سياره حتى لو عندي سياره مافيها شي
الواحد يروح له الا ستار بكس وغير كذا رفضو معادلة الدبلوم
وكم المده اللي اخذها عشان اخلص موضوع النقل مع الملحقيه وايش نصايحكم
وشكراً
هلآ أخوي ،،
أنا نفس حالتكـ لكن اللحمدلله وافقوا على نقلي
تدري لمن كنت على حسابك كان اسهل بكثير النقل من اي ولايه الى اي ولايه
لأنك على حسابك ولا احد يقدر يقلك لا
لكن بما انك اللحين صرت مبتعث في شروط كثيره لازم تتبعها
انا مثلك كنت في شيكاغو وحولت للوس أنجلوس
اللحمدلله مرت سهالات ،،
وبيني وبينك فيها شوية تعقيدات لكن في الاخير اكيد بيوافقون
أهم الشروط اللي قالوها لي /
1/ سبب مقنع للإنتقال من الولآيه << لاتقلهم طفشت من استار بكس هههههههه لأنهم بيقولون لك مع السلآمه
انا قلتلهم اني تعرضت لمضايقات في شيكاغو وفعلآ كنت صادق في كلامي
تقدر تقلهم المعهد موكويس وماأقدر أكمل فيه ،، أو تقول تبي جامعه في الولايه الي بتروحلها لأنها توافق على شروطك 0
2/ لازم تجيب لهم قبول معهد في الولايه الجديده
3 / وكمان لازم قبول جامعه طبعآ
4/ تذكر دايمآ ان في المره الأولى اللي تطلب فيها نقل من ولايه لأخرى راح تكون تقريبآ سهله
لكن المره الثانيه راح تكون صعبه جدآ ،، لأن الشغله مي حلا
عشان كذا ادرس الولآيه اللي بتروحلها من جميع النواحي عشان ماتضطر للنقل منها مره ثانيه
أهم شي تجيب لهم عذر مقنع لأن حتى لو جبت قبول معهد وجامعه وكان عذرك مو مقنع يمكن يرفضو نقلكـ
وفي كلا الحالات صدقني راح تمشي امورك
المهم توكل على الله
دعواتكـ
مشكور اخوي خالد على مروركاقتباس:
المشاركة الأصلية كتبت بواسطة خــAــاSلــUــد
الله يجزاك الف خير
الله يكون بعونك
موفق انشاءالله