الأمن والحماية بأمريكا

والله انصحك بفلوريدا مرا حلوة وجوها مو مرا برد وامنة الحمد لله وفيها مدن مشهورة عندك اورلاندو اكبر مدينة ترفيه في العالم وفيها كمان ميامي شواطئها مرا حلوة وفي كمان تامبا الي انا رايحها ان شاء الله بس عيبها السعوديين مليانين اما غير كدا كل شي تمام
شكلك جالسة تقولي انا رايح سياحة ولا دراسة ههههههههههههه

الله يكون بعونكم

ههههههههههه دراسه وسياحه الاتنين سوا
أنا أصلا أبغى مكان مايكون ممل وخنقه مسافره لأمريكا طالبه بس مايصير لازم من السياحه شويه كفايه احساس الغربه (-؛
أنا برضو الصباح عملت سيرتش وفكرت كمان في تامبا حبيتها يلا نتقابل هناك لووووووول

اهم شي ما تطلعي من فلوريدا لانها ولاية سياحية بدرجة اولى

ماعليك ماني طالعه منها انشاء الله حبيتها خلاص ^_^ ودحين بجلس أقنع زوجي عليها بس انشاء الله الوزاره تحطني فيها من غير ما أجيب القبول بنفسي
ياليت كمان اذا تعرف معاهد لغه واسم جامعه معينه تقولي معليش تعبتك معايا أنا عارفه أسئلتي كتير
يديك العافيه

لا تعب ولا اي حاجة اسالي الي تبغيه بس انتي الافضل انك تجيبي قبول من نفسك عشان تروحي الولاية والجامعة الي تبغيها
الي اعرفه انو معهد eli في جامعة usf في تامبا مرا تمام وسمعته قوية عيبه الوحيد السعوديين مليانين غير كدا المعهد ما عليه كلام مرا كويس
وفي كمان جامعات ومعاهد في ميامي قوية بس مدري عنها لاني رايح تامبا اذا تبغي معلومات عن تامبا شوفي الموضوع دا
http://www.mbt3th.us/vb/forum39/thread80819.html

واي سؤال انا حاضر

ابي اعلمكم طريقة لكن الله لا يحملنا ذنوبكم فيها

الطريقة لا احد يجيب معه افلام ، فيه برنامج اسمه torrent تحوله من الانترنت بعدين اذا جيت تبحث عن الفلم في جوجل وتنزل اللي تبي من الافلام وخلي سيدياتك بالسعودية

وفي طريقة احسن انزل برنامج Ares وانتهينا واحمل كل انواع الافلام منه

تسلم ميمو يديك العافيه وربنا يوفقك انشاء الله ، ربنا يجعلها في موازين حسناتك

الله يعافيكي بالتوفيق للجميع ان شاء الله