قصتي مع الحلم !! هل يصبح حقيقة !! بس أهم شيء قدر الضغط !!

قبل أيام كنت أتمتع كسائر شباب بلدي بنوم عميق بعد فرفرة في شوارع الرياض العامرة بزحمتها مع أنني شاب محافظ يعني ماهي دوران في التحلية ولا التخصصي (( واحد قديم )).. (( أحس بعض الأيام أني إشارة من كثر ما عشت في شوارع الرياض !! )) مالكم طولة الهرج !!

خلال هذه النوبة من النوم مررت بحُلم كان بالنسبة لي قبل فترة من الزمن أمنية وطموح .. كنت أتسدح في شوارع مدينة أمريكية (( بس ما أعرفها لأن لغتي لك عليها ولا أدري وين كنت بس عرفت أنها أمريكا لأنهم بيض مرة )) .. المهم خلال هذا الحلم كنت أطلع من شقة معي شباب سعوديين يحبهم قلبك وكان عندنا قدر ضغط نطبخ فيها أربع مرات في اليوم ما أدري ليه !!

المهم أطلع من الشقة وأروح للجامعة .. أتعامل مع الناس بلغة الإشارة !! بس يفهموني ويضحكون ..

المهم أنبسطت بسطة غير طبيعية لأنني حققت أمنيتي بإكمال دراساتي في الولايات المتحدة الأمريكية .. وخلال هذا الحلم كنت طالع من باب الجامعة عشان أضبط الجدول وكنت مستعجل مرة .. وتنتفني ذيك السيارة اللي ماشية مليون .. ومع الصدمة أكتشفت أني في بيتنا في الروضة !! وأن كل ما سبق هو حلم لا أكثر ولا أقل !!

قمت من النوم وجلست أفكر .. هل يمكن أن أكمل دراساتي في أمريكا !!

طيب كيف يمكن أجيب قبول !! عندي واسطة في التعليم العالي بيدبر لي إبتعاث بس المشكلة وين القبول !!

وبعد تفكير عميق تذكرتكم !! اللحين في منتديات فيها شباب يفزعون مع اللي يعرفونه واللي ما يعرفونه وسمعت عنهم بشكل أكثر من رائع .. ليش ما أروح وأذب وجهي عليهم بحيث أنهم يجيبون لي قبول ماجستير في إدارة المعلومات !!

فكرت مرة ثانية .. قلت والله ما بدهاش !! أنقز للشباب وبإذن الله أنهم ما يقصرون !!

لذا :: بعد كل هالمشوار .. أحتاج قبول ماجستير تخصص إدارة معلومات (( إذا ما فيه بهذا الأسم فأتمنى التخصص الأم وهو علم المعلومات )) أتمنى أمنية أني ما أثقل على أحد بس حلم وكنت أتمنى أنه حقيقة فمن يسعى إلى تحقيق حُلمي !!

ملاحظة :: تخصصي بكالوريوس مكتبات ومعلومات .. معدلي 3.5 من 5 أبحث عن ماجستير في إدارة المعلومات (( هي جزء من علم المعلومات )) بالإضافة إلى قبول اللغة لأن لغتي لكم عليها ..


محبكم المزعج

كلمة !!

اول شي تشوف الجامعه اللي انت بتروح لها

وبعدين تشوف هي من ضمن الجامعات الموصى بها في الملحقيه ولا لأ ..

وبعدين ترسلهم خطاب انك بتدرس عندهم ..

او رح لمكتب يضبطك من الى لكن يبي يجيك ماجان بس تحمل

يطنش يقولك بعد اسبوع القبول واصل وماتدري الا قاعد شهرين ههههه

والله حاله

بس تسهلت الحمد لله

اذا تبي نظم معلومات مع محاسبة راسلني

أشكر أحبتي جميعاً على تواصلهم وكرمهم وتوجيهم الراقي لأخيهم ..

أخي الفاضل (( saudu 4 over )) أشكرك على نصيحتك يا غالي .. أنا لو أعرف الجامعة يا غالي كان كتبتها لكم وطلبت منكم تراسلونها لي بس أن قاعد أبحث عن جامعات يوجد فيها هذا التخصص أو قريب منه (( علم المعلومات )) ولو أني عارفهم بعد ترى صاحبك بلبل أنجليزي بس زي طريقة الهنود إذا تكلموا عربي وهم ما يعرفون شيء !!يعني ما عندك أحد .. عموماً أشكرك على تبسيطك للأمر وإن شاء الله الأخوة ما يقصرون معنا ..

أخي الكريم (( جوزيف )) أجل مكتوي من نار المكاتب !! والله أنا رحت لهم حسيت بالكذب واضح عيني عينك .. واحد يقول أبحث لك عن قبول في جامعة وتدفع لي 4000 ريال .. مقدماً تدفع 2000 ريال غير مستردة !! قلت هذا شكله من كثر ما ينصب صار ما عاد يستحي !!
المكاتب تفقد المصداقية بالإضافة إلى أنهم يهتمون بمصالحهم هم فقط ومصالح الجامعات التي يتعاملون معها .. يعني ما يهمة يجيب لك أي جامعة أهم شيء ياخذ دراهمه وينحاش !! أنا بإذن الله ما راح أتعامل معهم لو أروح أوصل شهاداتي على موتري من الرياض هههههههههه .. ربك يسهلها يا غالي ..

أخي الفاضل (( gator )) أشكرك يا غالي على بحثك .. مشكلتي أن التخصص هذا لا يناسبني إطلاقاً كونه جزء من الحاسب الآلي بينما تخصصي أنا جزء من المكتبات والمعلومات أسمه (( إدارة معلومات )) .. أشكرك مرة أخرى وأتمنى أن لا تحرمني من بحثك يا غالي ..

محبكم

كلمة !!

الله يوفقك ان شاء الله ...


اتمنى لكم التوفيق والسداد ...


تحياتي

صراحه العنوان حلو :D
واللي كاتبه احلى < جاب العيد :D

هههههههههههههـ يا استاد " كلمه "

انا مادري عن نظاام المكااتب لآني اعرف كم شخص فـ امريكا واهم اللي ارسلو اورااقي

فــ اذا تعرف آحـد هـنـآك ارسله اورآآآقــكـ .. والله يوفقك والجميع ^_^