الأعضاء الإشتراك و التسجيل

الملتقيات
ADs

اخوكم محتاج مساعده لو بسيطه منكم ..

اخوكم محتاج مساعده لو بسيطه منكم ..


NOTICE

تنبيه: هذا الموضوع قديم. تم طرحه قبل 2960 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية abdallahe eid
    abdallahe eid

    مبتعث مستجد Freshman Member

    abdallahe eid الولايات المتحدة الأمريكية

    abdallahe eid , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى markting , بجامعة abdalaziz uni
    • abdalaziz uni
    • markting
    • ذكر
    • jeddah, jed
    • السعودية
    • Nov 2009
    المزيدl

    November 5th, 2009, 12:10 AM

    السلام عليكم ورحمة الله و بركاته

    اول شي ماشاء الله على المنتدى .. بصراحه عجبني و ما صدقت إني لقيت منتدى ممكن يقدر يساعدني لو بشويه ..

    اتمنى ما تقصرو معايا ولا تبخلو عليا ..

    انا اخوكم عبدالله لسه في جده .. انا ادرس دحين في جامعة الملك عبدالعزيز انتساب عشان اشتغل في الخطوط السعوديه مع نظام شركة الخدمات الأرضيه .. للأسف راتبها الأساسي 2300 و بنظام شفتات و الشغل وزن و توازن طياره .. المهم الحمدالله على النعمة و الشكر ..


    انا تعبت من الشغل و الدراسه في نفس الوقت .. انا الموضوع دا اول مره انزل في منتدى ..

    فا انا حابب اقول اني من الأخر استخرت ربي اني اجي ادرس بره على حسابي .. و بالأخص على امريكا ..

    و عشان ما استقيل من العمل و اخسر مستقبلي ... حاخد 3 شهور إجازه بدون راتب ..! و اطلع ادرس


    رحت سألت عن معهد ELS قلي على موضوع الدراسه و كل شي

    بس إلي محتار فيه انا ..

    اول شي : مني عارف اختار اية ولايه .. تقريباً ولاية نيوجرسي - تنيك - و سألت قالولي كويسه جداً و عجبتني كمان بريستول إيش رأيكم فيها ..!؟

    فا إيش رأيكم فيها .. و إلي يعرفلي شي فيها يقولي و ينصحني ..!

    تاني شي : انا مني طالع كده بس .. طالع عشان ابغا التحق في البعثة و ناوي اكمل دراستي بإذن الله .. فا اعطوني ايش النصائح و من متى تنصحوني اقدم ..!!

    يعني اول ما انزول اروح جده نيورك ولا جده واشنطن ...!!!

    تنصحوني اروح الملحقيه قبل كل شي ..!! و لو ايوه .. ايش الأوراق إلي اجيبها من هنا من جده عشان اقدملهم هيا .. و كم تاخد و 3 شهور عشان انضم للبعثه كفايه ول لا ..!!!

    من الأخر انا ملخبط جداً و محتااااااااااااااااج اي احد يوقف معايا و يقولي من طقطق لي سلام عليكم ..

    وصدقوني خدمه لو الف الدنيا كلها ما حلاقي انسان خدمني زي إلي حيخدمني دحين ...



    استناكم على احر من الجمر بليز .. مع العلم انو اول ما تجيني الأخبار حطلع اسافر على طووووول ..!



  2. هلا حبيب قلبي
    الالتحاق بالبعثه تقدر اول ما تخلص الغه تحول على البعثه حاول تجيب التوفل بأسرع وقت وتشد حيلك وحاول تذاكر بالسعوديه انقلش عشان تخلص بسروعه واول ما تاخذ التوفل وتجيب قبول جامعي ان شاءالله يضمونك لا تضيع وقتك هناك الا ابالنقلش يعني افضلك عشان انت بعد تخلص بدري وذاكر من الان الغه وانت في جده بالبيت. بالنسبه لنيوجيرسي حلوه مررره ومرتبه وساعه الا ربع عن منهاتن. يعني يمديك تطلع وتجي وتنبسط بالويك اند. لكن بما انك رايح على حسابك اعتقد افضل شي تسويه انك تروح لولايتك على طول ما يحتاج تروح واشننطن وتضيع وقت وفلوسك وانت تقدر تخلص اوراقك لما توصل مدينتك تعبي الاستمارات من النت وترسلها لهم وتكلم الملحقيه بالهاتف. وبعدين واشنطن قريبه من نيوجرسي يعني كلها 3 ساعات بالكثير وانت هناك ما تدفع الا تقريبا 30 دولار رايح وجاي بالباص. لا تشيل هم. لكن نصيحه لك ااذا كنت ناوي تدرس على حسابك وتنضم للبعثه حاول انك تجيب التوفل من السعوديه لان بتكون عند اهلك ما راح تتكلف كثير وادرس بمعهد بالسعوديه ارخص شف لك معهد حلو وجيب التوفل وراسل الجامعه من السعوديه وخذ منهم قبول نهائي بعدها رح على طول للوزراه وخلهم يطلعون لك قرار الابتعاث قلهم انك خلصت الغه وهاذا قبول جامعي وانتهى الموضوع وتروح هناك وانت مرتاح.وبعدين معاهد الغه هناك راح تضيع منك وقت يعني تحتاج وقت تستقر ونفسيتك ترتاح يعني ما راح تفرق درست بالسعوديه او امريكا يمكن بالسعوديه افضل بما انك مستقر ومرتاح عند اهلك تقدر تركز وتلقى احد يساعدك ويشرحلك.
    وشكرا لك.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.