الأعضاء الإشتراك و التسجيل

الملتقيات
ADs

ماجستير رياضيات

ماجستير رياضيات


NOTICE

تنبيه: هذا الموضوع قديم. تم طرحه قبل 2961 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية معلمه كويتيه
    معلمه كويتيه

    مبتعث جديد New Member

    معلمه كويتيه غير معرف

    معلمه كويتيه , أنثى. مبتعث جديد New Member. , تخصصى رياضيات , بجامعة الخليجيه
    • الخليجيه
    • رياضيات
    • أنثى
    • الكويت, ارض الله
    • غير معرف
    • Nov 2009
    المزيدl

    November 9th, 2009, 01:37 AM

    السلام عليكم ورحمة الله

    بليز ياليت احد يساعدني
    منزلين عندنا بعثات من ضمنها الحصول على ماجستير رياضات بحته او تطبيقيه
    وماجستير احصاء

    انا عندي بكالريوس علوم ورياضيات وبغيت اعرف وش الاحسن التطبيقيه والا البحته او بالاحرى الاسهللللل

    ووش الاحسن والاسهل الرياضيات او الاحصاء

    تكفووووووووون ساعدوني فانا في حيره

    وشكرا مقدما
  2. مرحبا اختي

    يعتمد على ميولك قبل كل شي
    بالنسبه للإحصاء بالتأكيد انه اصعب من الرياضيات من وجهة نظري .. درست رياضيات .. درست احصاء .. احس االإحصاء معقد بزيادة .. عموما انتي شوفي رغبتك والفرص الوظيفيه المتوفره لكل تخصص في حالة انك تبين تغيرين من وضعك الحالي.

    عموما اذا احتجتي مساعده خصوصا في القبول حنا حاظرين
    7 "
  3. انا حابه اكمل ماستر احصاء رياضي ان شاء الله اتمنى اللي عنده معلومه تفيدني عن جامعات امريكية فيها هالتخصص وياليت الجامعة ما تشترط اشياء مالها داعي يعني ابغى جامعة معقولة دراستها مو تعقدها علي

    وجزاكم الله خيير
    7 "
  4. ياليت اخوي روك مان تعطينا قائمة بالجامعات الأمريكية الللي فيها تخصص احصاء رياضي وياليت تكون في ولاية زينه مافيها مشاكل والمعيشه فيها معقولة لأن أنا طالعه مع اخوي اصغر مني وبصراحه خايفه من الحياة هناك
    7 "
  5. السلام عليكم ورحمته الله وبركاته
    انا بتكلم بصفة عامه الرياضيات الي تابع لاي كلية علوم في امريكا يعتبر من اصعب الكليات لذا انا انصحك بالاحصاء او تاخذ تخصص تابع لEducation كما انصحك بهذا التخصص في ولاية اوهايو جامعه اثنز لاني اعرف شباب كويتيين تخرجوا منها تخصص نهاية المطاف انا لا انصح في تكملة تخصص الرياضيات من واقع خبره لاثنين من اصحابي

    بالتوفيق اولا واخير فانت تريد وانا اريد والله يفعل مايريد
    7 "
  6. المشاركة الأصلية كتبت بواسطة أجياد
    ياليت اخوي روك مان تعطينا قائمة بالجامعات الأمريكية الللي فيها تخصص احصاء رياضي وياليت تكون في ولاية زينه مافيها مشاكل والمعيشه فيها معقولة لأن أنا طالعه مع اخوي اصغر مني وبصراحه خايفه من الحياة هناك
    بالنسبه للحياه في امريكا .. كل واحد منا بالبدايه تخوف .. لكن كل ماأتذكر التخوف الان اضحك .. الخوف شي طبيعي لانها ثقافه غير وغربه والانسان مايدري وش قدامه .. لكن احب اطمنك الامور كلها تمام وجدا رائعه والناس هما جدا (أوادم) مع الإحترام لربعنا العرب .. اكثر شي اخاف منه هم العرب ههههه ..

    بالنسبه للولايات .. الولايات كثيره .. متعدده .. كل طالب يفضل نوع معين من الولايات .. بعضهم يحب الزحمه بعضهم يحب تكون الولايه راقيه جدا .. بعضهم يحب المدن الصغيره الهادئه .. بعضهم يحب الجو مايكون فيه ثلج .. بعضهم يحب ولايه فيها عرب .. بعضهم يحب يبعد عن العرب .

    شوفي خياراتك .. حدديها .. احصري نفسك بكم ولاية .. اذا حطيتي عينك على كم ولاية من خبرات الطلاب ومن رغباتك .. ابحثي عن القبول .

    خبرتي مع الولايات ..

    سابقا كنت بولاية ميزوري .. جلست فيها تقريبا نصف سنه .. كانت ولايه جدا ممتازه والأسعار فيها رخيصه .. كنت بمدينة كولومبيا .. كان المعهد جدا قوي ومميز .. المدينه كانت صغيره .. كرهت بالمدينه حسيت اهلها مايتقبلون الأجانب ويمكن هذا احساس خاطيء لأني ذاك الوقت ماكان عندي لغه وماقدرت اتواصل مع الناس بشكل جيد. برضه نظرتهم للمتحجبه يعني كأنهم شايفين مخلوق جديد وياكلونها بعيونهم ..بعدين جاني قبول بولاية ثانيه ونقلت لها

    الولاية الثانيه والحاليه ولاية أوهايو .. مدينة كليفلاند .. لي سنتين هنا .. الحمدلله الأمور تمام .. فقط المشكله نسبة السود عاليه توصل 60% صح وجودهم عيب (أحيانا) لكن اللي يعرفلهم تكون اموره تمام .. وكل اخوياي سود .. المدينه افضل شي فيها ان فيها 3 جامعات يعني الخيارات متاحه .. جامعة اكرون برضه 40 دقيقه .. كنت 35 دقيقه .. يعني الطالب بكليفلاند عنده 5 خيارات .. الشي الحلو بالمدينه برضه انه سكانها متعودين على الأجانب متعودين على المسلمين لدرجة أن فيه مجموعه من الطالبات المنقبات .. لا ويسوقن بعد بالنقاب .. يعني الأمور لابأس فيها .. المدينه كبيره نوعا ما وفيها عدد من الأماكن الحلوه وطبيعتها خضراء .. مشكلتها بالثلج .. درجة الحراره توصل احيانا 15 تحت الصفر لكن رغم كذا الجو مقدور عليه .. جوها بالصيف خرافه .

    احيانا القبول يجبر الطالب يتجه لولايه معينه غير اللي بباله .. التوازن هنا مطلوب بين القبول والولايه .. لايكون شي على حساب شي .. باالنهايه في حلول وسط تجمع الرغبتين ولو على مستوى محدد مع الأخذ بعين الاعتبار بأن الطالب هنا للدراسه مو للسياحه .. احيانا لازم نضحي بشي على شان القبول وهذا هو المهم بالنهايه

    الرابط هذا فيه معلومات شامله عن المدينه الحاليه .. اضغطي هنا كل اللي تبيه عن كليفلاند ( أوهايو )
    بالتوفيق للجميع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.