اسئله بخصوص الكشف الطبي تكفون ردو علي
السلام عليكم
ارجو المساعده بخصوص ورقه الكشف الطبي باقي على السفر شهر ونصف الشهر وانا ماعملت هذي الورقه
*هل الورقه مهمه للدراسه في المعهد او الجامعه؟؟
*اقدر ادخل امريكا بدون الورقه؟؟ ام في المطار يوقفوني عشان هلورقه؟
*في اي مستشفى في الشرقيه اعمل الكشف الطبي؟؟ هل يوجد مستشفى مخصص في الدمام تعتمده للكشف الطبي؟؟
اختي بتدرس على حساب الوالد..الفحص الطبي تسويه في مستشفى الظهران؟؟ ام انها تروح لمستشفى ثاني؟؟
*ماهي الاوراق اللازمه الي اخذها معي في المستشفى؟؟
*كم تكلفه الكشف الطبي؟؟
*هل بيكون على الكشف الطبي زحمه او تكون الامور دائما ميسره؟؟
*في كم يوم يردون علي عشان استلم اوراق الكشف الطبي من المستشفى؟؟
تكفوون ردوو علي
رد: اسئله بخصوص الكشف الطبي تكفون ردو علي
السلام عليكم ورحمة الله وبركاته
أنا كانت رحلتي في 22 سبتمبر الماضي
بدون فحص طبي , ومحد سأل
رد: اسئله بخصوص الكشف الطبي تكفون ردو علي
طيب المعهد ما سالك عليها؟؟
الجامعه ماتطلبها من الطالب؟؟؟
ارجووكم الي عنده معلومات وافيه يرد على اسئلتي رجااااااء
انتظر الرد
رد: اسئله بخصوص الكشف الطبي تكفون ردو علي
تقدر تدخل بدون ورقة كشف طبي
لكن في كل الاحوال لازم يكون معك تأمين طبي والملحقية تعطيك تامين اذا كنت ضمن البعثة
رد: اسئله بخصوص الكشف الطبي تكفون ردو علي
ما اتوقع لها لزوووم
بس اللي اعرفه عيادات سليمان الحبيب
تعترف فيها بعض السفارات
وبالتوفيق
رد: اسئله بخصوص الكشف الطبي تكفون ردو علي
الورقه اللي أنت تتكلم عنها مو ورقة فحص طبي.. هي ورقة التطعيمات (Immunization).. وهي مطلوبه من الجامعه عشان رفع مستوى السلامة في الحرم الجامعي.. وماهي مطلوبه من كل الجامعات..
هذي مالها دخل بدخولك لأمريكا.. لكن راح تطلبه منك الجامعه أو المعهد.. حسب الجامعه اللي أنت رايح لها..بعض الجامعات مايدقرون فيها.. أعرف ناس صار لهم 4 سنوات يسحبون بالجامعه على هالورقه.. مع أنها ماتحتاج شغل.. كلها فحص واحد يتأكد أنك ماخذ كل التطعيمات الأساسيه..
أنا بالنسبة لي مادرست في معهد في أمريكا.. بس يوم جيت هنا للجامعه في شهر 8.. سمحوا لي أني أسجل مواد للفصل الأول الـ fall.. بس حطوا علي هولد على تسجيل الفصل الثاني اللي هو الـ spring.. إلين ما اجيب هالورقه..
بالنسبة للمستشفى.. حسب الجامعه إذا كانت طالبة ختم مستشفى في الورقه.. أي مستشفى يسوي لي الفحص حق التطعيمات وراح يعطيك ورقة فيها النتايج.. ممكن تطلب منهم يعبون هالفورم ويختمومنه..
بالنسبة للتكلفه.. أنا سويتها هنا في أمريكا وكلفتني 150 دولار.. التكلفة مو ثابته وتختلف من مستشفى لثاني.. والضمان الصحي مايغطي تكلفة الفحص..
رد: اسئله بخصوص الكشف الطبي تكفون ردو علي
رد: اسئله بخصوص الكشف الطبي تكفون ردو علي
جزاكم الله كل خير الشكر لك يا خارج الخدمه
رد: اسئله بخصوص الكشف الطبي تكفون ردو علي
اخواني بالنسبه للدارسين على حسابهم الخاص
كيف يسوي ضمان طبي
وكيف اخذ ورقة العلاج على الملحقيه
وشكرا لكم
رد: اسئله بخصوص الكشف الطبي تكفون ردو علي
اول شي :ا لكشف الطبي هو ورقة التطعيمات فيها كل تطعيمه اخذها الواحد في السنوات الاولى من عمره.
ثاني شي: الجامعه فعلا طلبتها مني فا اسلم طريقه انها تصورها وتاخذها معها.