الأعضاء الإشتراك و التسجيل

الملتقيات
ADs

لاب توب من السعوديه او أمريكا أرخص ؟؟

لاب توب من السعوديه او أمريكا أرخص ؟؟


NOTICE

تنبيه: هذا الموضوع قديم. تم طرحه قبل 2987 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة GENTLE-NAWAF
    ارجو انك تبدي رايك من غير ما تستنقص كلام احد.وبعدين قلت كلامي مو صحيح ولا عطيني اثبات قارنت فيه الاسعار هنا وهناك واستندت

    على تجربه شخصيه.وفي عباره لزوم تعرفها (عيب تكذب الرجال).

    طبعا اللي فوق هو رسالة من رسائل الزوار على الأكاونت حقي.. والأخ نواف من الناس اللي رديت على كلامهم هنا بخصوص أسعار أجهزة الحاسب الآلي.. وحبيت أرد عليه هنا لأنه هو الموضوع اللي كان فيه اللبس..

    أولا.. بالنسبة لكلامي يوم قلت لك كلامك مو صحيح مو معناها أنتقاص منك كشخص.. لكن معناها أن المعلومه اللي حطيتها هنا مو صحيحه.. وحبيت أعدلها.. مشكلتنا إننا ناخذ الأمور بشكل شخصي.. وهذا أكبر عيب فينا.. يعني أنا يوم رديت ماكنت أعرفك كشخص بس رديت لتصحيح المعلومه فقط لاغير..

    ثانيا.. بالنسبة للإثبات.. التجربة الشخصيه خير برهان.. وتكلمت عن تجربتي أنا الشخصيه ومارميت كلام في الهوا.. على العموم.. قبل ما أنزل ردي السابق دخلت موقع جرير عشان أقارن بين الأسعار بس مع الأسف.. موقع جرير مافيه أسعار..
    ممكن تمر جرير وتجيب لسته بالموديلات الموجوده ومواصفتها وأسعارها وترسلها على حسابي.. وأنا راح أقارن بين الأسعار إذا تحب..

    ثالثاً.. بالنسبة لعيب تكذب الرجال.. ما أدري ياأخوي وش أسوي بالزبط.. يعني أشوف كلام خطأ وتبيني أقول كلامك صحيح.. حتى كلامي ما كان فيه تجريح شخصي.. فقط كان لتوضيح المعلومه.. وماعندي مشكلة يجي واحد ويقول لي كلامي مو صحيح ويصحح المعلومه لو كانت خطأ..

    هذا الموقع وضع لفائدة المبتعث.. وهذا الشي أسويه رغبة مني في مساعدة أخواني المبتعثين الجدد.. إذا كان عندك حساسيه من هالشي يا أخوي.. أتمنى منك أنك ماتكتب شي إلا متأكد منه 100%.. لأن النقاش وتصحيح المعلومات من طبيعه هذا الموقع.. وهذا الموقع وضع لسبب واحد.. مساعدة المبتعث السعودي والعربي..

    حبيت أشكر كل شخص شكرني في الموضوع هذا.. وإن شاء الله ما أتوقف عن خدمة المبتعثين الجدد..
    7 "
  2. الله يعطيك الف عافيه خارج الخدمه ولايهينك افدتني كثثير

    انا عندي توشيبا قلت ابتركه بالسعوديه واشتري ابل ماكنتوش من امريكا بأذن الله لاني سمعت انه هو الدارج هناك عاد مدري بس اني ناويه اشتري ابل بس حبيت اسالك يعني يختلف الاسعار من ولايه للثانيه ولا مافيه فرق يعني مثلا انا لو بروح اورغون فيه محلات لان اسمع انها ريفيه ولا اشتري من واشنطون لاني بروح اول يوم ع الملحقيه ولا ابلاقيه بأي مكان ارجو انك تفيدين الله لايهينك واكون لك شاكره وممتنه والله يعطي العافيه صاحب الموضوعاللي طرح هالفكره

    وسؤال اخر بالنسبه للجولات سمعت ان شركه اضن MTI شي زي كذا اسمها ياهي او AT&T بس تقدر ترسل للاهل خارج السعوديه عشان يكلمونك امانت تكلمهم ماتقدر لانه يكلفك مدري ياليت توضح هالنقطه

    ومثلا لو عممت شريحيت دولي كيف الوضع ولا اتركها بالسعوديه ؟؟!

    7 "
  3. المشاركة الأصلية كتبت بواسطة optimistic lass
    الله يعطيك الف عافيه خارج الخدمه ولايهينك افدتني كثثير

    انا عندي توشيبا قلت ابتركه بالسعوديه واشتري ابل ماكنتوش من امريكا بأذن الله لاني سمعت انه هو الدارج هناك عاد مدري بس اني ناويه اشتري ابل بس حبيت اسالك يعني يختلف الاسعار من ولايه للثانيه ولا مافيه فرق يعني مثلا انا لو بروح اورغون فيه محلات لان اسمع انها ريفيه ولا اشتري من واشنطون لاني بروح اول يوم ع الملحقيه ولا ابلاقيه بأي مكان ارجو انك تفيدين الله لايهينك واكون لك شاكره وممتنه والله يعطي العافيه صاحب الموضوعاللي طرح هالفكره

    وسؤال اخر بالنسبه للجولات سمعت ان شركه اضن MTI شي زي كذا اسمها ياهي او AT&T بس تقدر ترسل للاهل خارج السعوديه عشان يكلمونك امانت تكلمهم ماتقدر لانه يكلفك مدري ياليت توضح هالنقطه

    ومثلا لو عممت شريحيت دولي كيف الوضع ولا اتركها بالسعوديه ؟؟!


    الله يعافيك أخوتي وما سويت إلا الواجب..

    بالنسبة لسؤالك الأول.. فرق السعر في التاكس(الضرايب).. لكن سعر الجهاز ثابت بكل ولايات أمريكا.. إذا كانت ولايتك أورقن.. فإشتريه من هناك.. لأن الولايه مافيها تاكس.. فراح تشترينه بنفس السعر الموجود في الموقع بدون ماتظيفين التاكس.. الشي الثاني.. أبل تعطي الطالب تخفيض 100 دولار.. بس لازم تفتحين أيميل تبع الجامعه.. وعادة الجامعه تعطيك هذا الأيميل قبل الدراسه أو أول أيام الدراسه.. طبعا أتكلم أنك تشترينه من الموقع.. ما أعرف إيش المطلوب عشان تحصلين على تخفيض الطالب لو تشترينه من أبل ستور..

    يعني بختصار.. الجهاز راح يكلفك لو أنتظرتي إلين توصلين أورجن أقل من المبلغ اللي راح تدفعينه في واشنطن بـ مايقارب الـ 200 دولار..

    بالنسبة لسؤالك الثاني.. الأتصال الدولي عن طريق شركات الجوال في أمريكا غالي.. أحنا نشتري بطاقات من النت أو من المحلات العربيه.. الـ 10 دولار فيها تقريبا ساعه من المكالمات وفيه بعض الشركات أكثر.. طبعا البطاقه تكلمين فيها من جوالك.. يعني مو من النت.. تدقين على رقم موجود في البطاقه بعدين تدخلين رقم البطاقه وبعدين تتصلين على الرقم اللي تبينه..

    بالنسبة أنك تظيفين خاصيه التجوال لجوالك.. هذا شي مهم بالذات أول كم يوم لك إلين ماتطلعين رقم من أمريكا.. بس خلي مكالماتك مختصره بس خلي الأهل يتطمون عليك كل كم يوم.. لأنه بعد راح تكلفك كثير لو ما أستغليتها بشكل ذكي.. راح تلقين جوالات تنباع في المحلات بـ 30 دولار معها شريحه.. أبعدي عنها وطلعي رقم على طول.. لأنه مكلفه جدا ولا سمعت أحد قد مدحها من الناس اللي جربوها يسبونها..

    فيه أشياء نسيت أقولها في ردي السابق بالنسبه لشركات الجوال.. بما أننا طلاب دوليين ولا عندنا SSN اللي هو social security number (سوشل سكيورتي نمبر).. إلا هو زي رقم بطاقة الأحوال عندنا.. الفرق هنا أن كل فواتيرك وأمورك الماليه مرتبطه فيها.. فمن هذا الرقم يعرفون تاريخك بتسديد الفواتير هل هو منتظم ولا لا..
    خلاصة الموضوع.. بما أن ماعندنا هذا الرقم.. رح يطلبون مننا ديبوزت إلا هو مبلغ للتأمين.. وهو يتراوح من شركة لشركه ثانيه.. يعني AT&T تطلب 500 دولار و sprint تطلب 150 دولار.. طبعا هذا المبلغ يرجعونه لك بعد سنه من أنتظامك بتسديد الفواتير..

    أتمنى أن الصوره وضحت..
    7 "
  4. البارح سويت جوله استكشافية عن عدة امور من امها الابتوبات والجوالات والكميرات طبعاً المقارنه كانت على بعض الماركات وبالتحديد كنت حاط في بالي لاب وجوال وكام بموديلاتهم يعني الاب توب كان فيه نوع محدد من أتش بي وقارنت بالأسعار بين السعودية وامريكا طلع الفرق 200 ريال وحاجه جوال بلاك بيري البولد وقارنت بالأسعار طلع الفرق 200 ريال وقارنت اسعار كام كانون احترافية طلع الفرق 350 ريال تقريباً ... يعني بالمختصر المفيد ما اشوف ان فيه فرق كبير ويستاهل انك تحسب للموضوع هذا الف حساب ودك تشتري من هينا ولا من هناك امر اختياري بالنسبة لك يعني مثلاً شي ضروري ومهم زي الاب توب صعبه انك تروح امريكا وتشتري من هناك يعني الاب توب ابصم بالعشره ان كل شخص راح يحتاجه بأول يوم يوصل فيه امريكا وصعبه من اول اسبوع انك تروح تشتري لاب توب لكن فيه اشياء مثلاً زي الكام ممكن تأجلها لشهر حتى ,


    اتمنى التوفيق للجميع
    7 "
  5. الله يعطيكم العافية على هالمعلومات القيمة ..

    بالنسبة لي أنا جاي لأمريكا أن شاء الله خلال الشهر الجاي ..

    وناوي أشتري ماك بوك برو 13 إنش .. حصلته في موقعهم بـ 1199 دولار أي 4500 ريال

    مريت على محل أي تكيا اللي في شارع التحلية وحصلت نفس الجهاز بنفس المواصفات بـ 6000 ريال ألا شوي

    يعني أخذ الجهاز من هناك أحسن لي ..

    بالنسبة للأي فون هنا في السعودية عن طريق موبايلي يجي سعره تقريباً 2500 ريال أقل فئة ..

    ولو أخذته من أمريكا أتوقع راح يكون أرخص حتى لو دفعت التأمين 500 دولار ..

    تحياتي للجميع
    7 "
  6. بخصوص موضوعك انا سألت واحد هناك يدرس في امريكا قال الفرق بسيط بين اسعار الابتوبات في امريكا وفي السعودية لكن انا انصح انك تشتريه من هنا لانو يجي الويندوز عربي والكيبورد يجي عربي انجليزي هناك عندهم بس انجليزي واذا كنتي مصممة تشتري من هناك في كيبوردات في السعودية وبالاصح في جدة لاني فيها عاد ما ادري باقي المدن فيها ولا لا
    نزلت جديده مصنوعه من جلد شفاف تجي الوان اخضر ووردي وازرق تنباع في محلات الكمبيوتر او في المكتبات ميزة الكيبوردات الجلدية الكيبورد نفسو ممكن انو يتلف على بعضو ويجي عربي وانجليزي وسعرو تقريبا رخيص كحد اقصى سعرو 30 ريال وشكلو جدا جميل ..
    7 "
  7. يا أخوان.. الموضوع فيه طرفين الحين.. ناس في أمريكا يقولون أرخص.. وناس في السعوديه يقولون نفس السعر..

    على العموم.. عشان نحسم الجدل.. ممكن تدخل واحد من المواقع اللي تحت.. وتقارن الأسعار بنفسك.. طبعا ممكن ماتلقى نفس رقم الموديل.. بس قارن بين الشركة المصنعه والمواصفات.. حتى لو تطابق الموديل ممكن تختلف المواصفات.. راح أحط 3 مواقع تحت.. وكل اللي على الشخص اللي ناوي يشتري كميوتر أنه يروح يشوف السوق في السعوديه بعدين يقارن الأسعار بالموجوده في أمريكا.. بحيث أن كل شخص ممكن يقارن بنفسه ويتخذ القرار اللي يبيه..

    الموقع الأول.. Amazon.com: Online Shopping for Electronics, Apparel, Computers, Books, DVDs & more
    الموقع الثاني.. Best Buy
    الموقع الثالت.. Walmart.com: Save money. Live better.

    بالنسبة لأبل.. أعتقد أن الجميع متفقين إن أسعار أبل في أمريكا أقل بكثير من السعوديه.. وومكن تدخل موقع أبل وتشوف الأسعار..
    7 "
  8. لي خبره بالكمبيوترات
    امريكا ارخص بس روح جرير واشتر لزقات
    المواصفات دبل الموجود بالسعوديه
    يعني الرامات بالسعوديه ماتعدت ٢ قيقا
    بامريكا انا شايف ٦ قيقا
    سوني يجي بصمه والحجم اللي تبي والهارديسك ٥٠٠ قيقا وغلاف خقق مرره وسعره ٩٠٠$
    نصف المواصفات هذي تلقاه بجرير ب ٤٤٩٠ ريال
    شفت الفرق ؟
    ناهيك عن الضمان يشمل حتى سوء الاستخدام
    موقع انصح بزيارته ورؤية المواصفات
    Best Buy

    الجوالات انصح من السعوديه عشان تجي معربه وتقدر تكتب وتستقبل عربي
    البلاك بيري كيرف بامريكا ب400$ يعني تقريبا ١٥٠٠ ريال بالسعوديه ب ١٨٥٠ ريال ومعرب

    وبالتوفيق لكم
    7 "
3 من 4 صفحة 3 من 4 ... 234
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.