عاااااااجل على قناة المستقبل الآن .. عن مشكلات طلاب بعثات أمريكا

السلام عليكم

انا شفت البرنامج اعادة طبعاً كان مع دكتور الحبيب برنامج صفحات خليجية بالمستقبل

خلاصة المقابلة :

1) ان السفارة السعودية في أمريكا مستواها لايستوعب الطلبة وانه في تردي وبالذات قبل كم سنة كان عدد موظفين الملحقية أربع آلاف تقلصوا إلى 400 فقط والسبب مجهول .. ويرجحون الأسباب انها بعد احداث سبتمبر ومشكلات تصير مجهولة وتغيير السفير خلال الأعوام القليلة وآخرهم بن جبير .

2) مشاكل تصير لعدد من المبتعثيت بسيط والحكومة الامريكية تكبرها وبالذات تصير للطلبة بين 18 و20 ( واحتمال تكون مشاكل مقصوده من الحكومة الامريكية ) وغالباً تكون عن أنظمة يجهلها الطلبة السعوديين .

3 ) وجود 4 محامين فقط يدافعون عن قضايا الطلبة السعوديين فقط .. ومن ضمنها قضايا تطول مدتها وتأثر على الطلبة وذلك لعدم وجود محامين كفاية يمثلون الملحقية في واشنطن .

4 ) تغيير وجهة 300 طالب سعودي في امريكا بسبب سوء التعامل والإجراءات وكثير منهم حولوا إلى كندا واستراليا وبعضهم كان دارس فترة بأمريكا بس مع المشاكل حولوا .

5 ) مشكلة منرفزة الطلاب بالذات .. وهي تفرقتهم بالتعامل مع الطالبات .. بيحث تأخذ المبتعثة حقوقها بالرأي بعكس الطلبة مايعطونهم وجه ولا يقعد يعبر عن رأيه ( وبصراحة انا بنت وجداً احتقرت هالنقطة لان المبتعثين سواء بنت او ولد كلهم لهم متطلبات وحقوق ويستحقون وقت من المشرفين عليهم بأمريكا .. وهذا الخلل يدل على فشل المشرفين وعنصريتهم .. لان الجميع لهم حقوق وليس البنات فقط .. )

طبعاً المذيعة شكلها حجازية بس جداً أسئلتها كانت رائعه وقالت راي حلو .. تقول المفروض تغيير وجهة البعثات من أمريكا إلى دول اخلى مادامت امريكا تسوي هالحركات البايخة مع السعوديين .. والأحلى كانت متحمسة لطلبة والطالبات السعوديين بأمريكا

وهذي خلاصة الكلام واعذروني على القصور لاني شفته ومن القهر نمت وتوني اكتب الرد