استفسار عن الاجار الشهري للسيارة
السلام عليكم
انا ان شاء الله بكون بفبراير بأمريكا بأوريغون
وناوي أجلس شهرين قبل أعود
هل يوجد تأجير سيارات شهري وكم ممكن يكون المبلغ
لا احد يقولي تشتري سيارة لأني بجلس شهرين فقط و من ثم سأعود للسعوديه لدوامي بأنتظار الحاقي ، اذا حصل الحاق ساعتها بسألكم عن شراء السيارة
السؤال مرة ثانية
هل يوجد تأجير سيارات شهري وكم ممكن يكون المبلغ وماهي الاجراءات و شكرا
رد: استفسار عن الاجار الشهري للسيارة
أكيد موجود
بيكون حوالي الألف دولار أو أزود بالتأمين بكل شي للشهر
لكن نصيحة أخوك
ما راح تحتاج اليارة إلا بالويكيند
خذها كل ويكيند بمية أو ثمانين دولار وريح رأسك
لأنك خلال أيام الدراسة بتدرس
والله الموفق
رد: استفسار عن الاجار الشهري للسيارة
اقتباس:
خذها كل ويكيند بمية أو ثمانين دولار وريح رأسك
هذا سعر اليوم ولا الويكند
وش الاجراءات طيب
رد: استفسار عن الاجار الشهري للسيارة
هنا أيجار السياره يعتمد على عمر المستأجر.. فوق 25 سنه راح يكون الأيجار أقل..
طبعا أتوقع أنك راح تستأجر بالرخصه الدوليه.. لأنك راح تصير لسى واصل.. فالصراحه ماعندي خبر إذا كانت تفرق في السعر ولا لا..
أيجار السياره الشهري بين 800 إلى 1200 دولار.. طبعا ماحسبت التأمين.. وزي ماقال أخوي.. السياره في أمريكا مو ضروره إذا كان أكثر قعدتك في المدينه اللي تدرس فيها لتوفر وسائل المواصلات العامه.. فممكن زي ماقال أخوي تستأجر سياره في الويك أند إذا كنت محتاجها..
الموقع اللي تحت هو موقع لواحده من أشهر شركات التأجير في امريكا.. ممكن يعطي مبلغ تقريبي...
Enterprise Rent-A-Car - Rental Cars at Low Rates
بالتوفيق أخوي.. والله يناولك اللي تتمناه..
رد: استفسار عن الاجار الشهري للسيارة
رد: استفسار عن الاجار الشهري للسيارة
بالنسبة للرخصه الدوليه
رحت مكتب سفريات وقلت له ما معي رخصه سعوديه
قالي اذا فيه رخصه سعوديه جيب 200 ريال
واذا ماعندك الرخصه السعوديه جيب 300 ريال
بس السؤال اقدر اسوق وانا عمري 19 ومامعي رخصه سعوديه ...؟
اتمنى الرد ..
رد: استفسار عن الاجار الشهري للسيارة
^^^
^^
^
إذا معك رخصه سعوديه وتبي تستخرج رخصه دولية بــ 100ريال في أغلب المكاتب السياحية وليس بــ 200 ريال
اما انه يعطيك رخصه دولية بدون رخصه سعودية هذي ما ادري ولا أفتيك فيها
وعلى فكرة فيه ناس أستاجرو سيارة في امريكا بالرخصة السعودية الجديدة ووافقوا عليها محل التأجير لان المعلومات بالعربي وبالانجليزي وكذا إن شاءلله تكون مقبولة عندهم
بخصوص العمر .. قرأت مشاركة في المنتدى هنا عضو يسأل عن اللي عمره 19 يقدر يستأجر .. وجاوبه عضو أخر يقدر لكن السعر أغلى شوي لان السعر يعتمد على العمر
بالتوفيق ،،