كم يحتاج الواحد ياخذ معه فلوس؟؟

السلام عليكم

بصراحة اعطيتني امل لاني كنت حاطه في بالي مبلغ كبير .

معليش بس بغيت اعرف هذا المبلغ كفاك لكل شي ..بعد كم يوم نزلت لك المكافأة ..

وهل هذا يشمل الشقة وخلافه .. يعني شقتكم كانت مؤثثة ولا كيف ؟


اتمنى تعطينا التفاصيل

اخوانا الي يبي يطلع على حسابه الخاص

كم يكفيه معا العلم اني راح اكمل بولايه اركانسس مدينه فيوتفل

اتمنى احد يرشدني

وعليكم السﻻم:

أنا صارت لي مشكلة أن ما عندي شيك ملغي فتأخرت المكافأة شوي ، انا وصلت أمريكا في 18 سبتمبر ، والمكافأة نزلت 19 اكتوبر

سكنت يومين في واشنطن ، وتسعة أيام في بورتﻻند كلها في فندق ، واستأجرت سيارة 4 أيام ، ثم خذت شقة أجارها 650 ما فيها اﻻ فرشة ، وشريت أغراض بسيطة للشقة.

بالنسبة لﻷثاث أنا ما خذت ، لكنه يؤجر بـ160 في الشهر.

أي سؤال ثاني أنا حااااضر

نفس السؤال ياليت احد يرد؟؟


وشكرا

بصراحة مبلغ من 10000 الى 15000 سيكون كافي

انا اخذت 15000 وصرفت في شهر مابين سكن واكل وشراء ملابس وخط جوال وخلافه مبلغ 10000 ريال

الولاية اوهايو وجلست بواشنطن يومين سكن وتمشية من ضمن المبلغ

الصرف سيقل اذا احسن التصرف

تظل المكاافاه تنزل لكم كل شهر

الله يجزاك خير ياولد إبراهيم ...

وش سالفة الشيك الملغي ومن وين نحصل عليه !


شكرا لك ...

وإياك..

الشيك الملغي..

سالفته الله يسلمك ، أن الملحقية تحتاج رقم حسابك عشان تودع لك المكافأة ، فتطلب منك شيك ملغي:
الشيك بيكون مطبوع عليه رقم حسابك واسم البنك..
وملغي يعني تكتب عليه void بالعربي ملغي عشان ما يستخدمه أحد.
طيب ليش شيك؟ ما أدري بس هم يطلبون كذا.
من وين نجيبه؟ أول ما تفتح حساب في البنك بيعطيك شيكات مؤقتة ، استخدم واحد منها ، أو إذا وصلك دفتر الشيكات على بريدك استخدم واحد منها.
وش تسوي به؟ ترسله فاكس على الملحقية ، أو صورة بالإيميل.

والله يحييك

الي اعرفه ان اول ما توصل الملحقيه في امريكا يعطونك شيك المكافئه بس مدري اذا غيرو نظامهم ...

مشكور اخويا وضحتلي اشياء كثيره الله يعطيك الف عافيه