الأعضاء الإشتراك و التسجيل

الملتقيات
ADs

معقول جامعتنا مو معترف بيها ؟

معقول جامعتنا مو معترف بيها ؟


NOTICE

تنبيه: هذا الموضوع قديم. تم طرحه قبل 3962 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مبتعثة من جده
    مبتعثة من جده

    مبتعث فعال Active Member

    مبتعثة من جده المملكة المتحدة

    مبتعثة من جده , أنثى. مبتعث فعال Active Member. من السعودية , مبتعث فى المملكة المتحدة , تخصصى اجتماعيات , بجامعة University of Nottingham
    • University of Nottingham
    • اجتماعيات
    • أنثى
    • Nottingham, Nottingham Yorkshire
    • السعودية
    • Jan 2007
    المزيدl

    February 12th, 2007, 11:16 PM

    اول حاجة سلام لكل اصحاب دا المنتدى وبشكركم من كل قلبي لانكم بتجابوا وما بتخصروا احد وربنا يجزيكم خير يارب ماابغى اطول عليكم عندي سؤال :
    هل معقول جامعة الملك عبد العزيز في جده مو معترف بيها ؟؟؟طيب اذا مو معترف يا ترى ايش اسوي ايش الاجراءات عشان اخليها معترفة بيها عند جامعات امريكا ولو انه الفاس طاحت في الراس وقيدنا ارسلنا اوراقنا وطابقوا الصور بالاصول ..
    طيب انا سمعت انه عشان تسير الشهادة معترفة لازم تتدخل في الموضوع وزارة الخارجية والغرفة التجاريه وكلام مني فاهمته صراحة فياريت لو احد يعرف يقولنا ايش اعمل ؟
    وربي مايحرمني منكم

    ايوا صح قبل مااروح بالله اغير من امريكا ولا لا كتير ناس يقولوا غيري البلد مو كويسة حتتعبي فايش رايكم وايش الاجراءات حقت التغيير لانه برضنا ودينا اواقنا وطابقنا الاصول
    :004:
  2. هلا مبتعثة..
    بأجاوبك باللي أقدر عليه
    طبعا إنت ما وضحت مو معترف بيها عند مين
    شي طبيعي إن أي جامعة في العالم ما تعترف بيها كل الجهات..لكن لو راجعت موقع الوزارة توجد قائمة بالجامعات الأمريكية المعترف بها لدى وزارة التعليم العالي و اعتقد أن العكس أيضا صيح..يعني يستحسن تختاري جامعة من القائمة
    و بخصوص الدراسة في أمريكا
    من ناحية قوة التعليم ما في جامعات في الدنيا أحسن من جامعات أمريكا ..لكن مع سوء المعاملة اتجه الكثير لدول أخرى
    من ناحية المعاملة في البلد نفسها ممكن تجاوزها بس كثير يخافوا من اجراءات الفيزا يعني يشتكي البعض من صعوبة تجديد الفيزا بعد عودتهم للسعودية في الإجازات
    و بخصوص معاملة الشعب ..أنا دايما أقول إن الشعب الأمريكي أقرب الشعوب للشعب السعودي..نفس الطيبة و حسن النية .. و العنصرية نادرا..أخويا في أمريكا و لنا أصدقاء كثير هناك ما شفت منهم إلا كل خير ..و يتميزوا عننا بالتواضع كمان..العنصرية موجودة لكن المثل يقول ..أمشي عدل يحتار عدوك فيك..و يا غريب كن أديب..لو عندبعثة في أمريكا ما أنصحك تتخلي عنها ..و لو في نفسك شي..
    عندك كندا ثم أستراليا ثم دول الشرق..إذ يقل سوء المعاملة في هذه الدول على الترتيب.
    و استخيري و استشيري و الله يقدم اللي فيه الخير.
    7 "
  3. السلام عليكم ...
    اختي مبتعثة طبعا جامعة الملك عبد العزيز و الملك سعود و الملك فيصل و الملك فهد معترف فيها في امريكا و باقي الدول <<< والدليل انه معظم المبتعثين لأمريكا متخرجين من هذ الجامعات و هي اكبر جامعات المملكة ..
    الشي الثاني بالنسبةلأمريكا او اي مكان في العالم<<<< اذا كنتي في حالك و تدفعي فواتيرك اول بأول و ماشية على النظام و اوراقك نظامية مافي داعي تخافي من شي ..
    ووالحمد لله الأمور تمام بس اهم شي تكوني نظامية و اوراقك كاملة ..
    والصراحة امريكا حلوة و وناسة وانتي استخيري اولا و اخيرا
    وطبعا توجد ولايات حلوة في امريكا و توجد ولايات كئيبة و سكانها عنصريين كما هو الحال بالنسبة لأستراليا <<< انتي اسالي و شوفي .. وبالتوفيق
    :114:
    7 "
  4. أنا بجاوب على السؤال اللي يخصني و أعرفه :

    ايوا صح قبل مااروح بالله اغير من امريكا ولا لا كتير ناس يقولوا غيري البلد مو كويسة حتتعبي فايش رايكم وايش الاجراءات حقت التغيير لانه برضنا ودينا اواقنا وطابقنا الاصول
    ياجماعة انتو ليش ما تبغوا تفهموا :101: ؟

    ما في بلد رح تبتعث لها أحسن من أمريكا لثلاث أسباب :

    1- اللغة .
    2- أفضل جامعات بالعالم .
    3- أسلوب لحياة و طيبة الشعب عموما .

    أمريكا إذا تبغي تروحيها لازم تكون عندك خلفية واسعة عن :

    1- قانون الولاية .
    2- المواد الدراسية و قوانين الجامعة .
    3- المدينة اللي بتروحيها .

    لأنه في مدن شعبها سئ و ماحد يقدر يعيش فيها زي ديترويت مثلا أخوي قعد فيها أسبوعين و فقع .... و اسمعوا مني مرة ثانية لاحد يندم على اختياره ... أنا كنت عايش بأمريكا لمدة طويلة و عيلتي من قبلي و بعد مارجعت للسعودية سافرت لأمريكا مليوووووووووووووووووووووووون مرة ... صدقني هي شوية حاجات لازم تعرفها و تجتاز مراحل التفتيش و التأشيرة و القوانين و بعدها تمشي و لا حد يسألك ثلث الثلاثة كم ؟
    7 "
  5. الاخت مبتعثه من جده .... استفسارتك بسيطه جدا .... الاول : جامعة الملك عبد العزيز معترف بيها في امريكا لا تخافين ثانيا: موضوع تصديقها من وزارة الخارجيه هذي روتين عادي عشان ترسلي اوراقك وتجيبي القبول يطلبوا تصديق من وزارة الخاريجه ومن السفاره الامريكية بس هذا خلاص كان زمان في الدفعه الاولى لما كانوا يجيبوا القبول بنفسهم الان الوزاره هي الي حتجيب القبول يعني ما يحتاج وانتي خلاص سلمتي اوراقك للوزاره يعني هم الي حيتكفلوا بالموضوع ثالثا: موضوع تحويل البعثه من امريكا الى احد الدول التاليه استراليا او كندا او نيوزلندا عادي وبسيط جدا ممكن تتصلي بالوزاره وتطلبي منهم انك ترغبي بالتحويل للدول السابقه اي وحده فيهم او انك ترسلي فاكس على مركز القبول وتكتبي فيه رغبتك بالتحويل انا عن نفسي اتصلت فيهم وقالولي خلاص وارسلة فاكس برضه وارسلت الاوراق الاصول برضه وعلى كلامهم خلاص تم التحويل والي اعرفه انه اخر موعد كان للتحويل هوه السبت الماضي لكن جربي كلميهم وشوفي .
    7 "
  6. اشكركم كلكم من كل قلبي الله لا يحرمني منكم بس او اي ام حسيته معصب عليه وشوية يضربني انا اسفة لو زعلت احد انا بس حبيت استفسر عموما مرة شكرا واسفة
    اسفة او اي ام اولا وتانيا مرة شكرا على اجابتك المهم اني لقيت ناس عبروني
    7 "
  7. أو أي أم (أسامة) هذا إنسان طيب و يحب المساعده لكن هو كان خايف إني أجي و أقولك أيوه حولي من أمريكا على اليابان ... عرفتي ليه كان معصب ...؟؟ ^ّ_^ّ

    أستخيري يا أختي و ما خاب من إستخار و لا ندم من إستشار < يمكن قلبتها لكن المعنى نفسه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.