بعد العودة .. صبآح الخير جميعا بلا استثناء
ما ادري وين ابدا معك .. لكن ببدا معك بالامور المالية .. وهي اكثر شيء تهمك
انت تقول تقدر تمسك نفسك عن الطلعات .. وبنفس الوقت تقول امريكا كلها ويك اند .. فسر لي اياها ممكن ..
بـ ردي السابق قلت لك .. ان الشباب طلعاتهم يومين او ثلاث ايام بالشهر .. وباقي الشهر طفارى .. يمكن ما ركزت فيها زين هذي ..
انت تقدر تمسد عن الطلعات والوناسة شيء جايز ويحتاج لصبر مع ان فيه ناس اول ما يوصلون يحبون الفله والوناسة .. بصراحة أحييك اذا ما كنت منهم والله
.. بس تقدر تمسك نفسك عن الاكل + الشرب + مواصلات المعهد ..
المعهد بوسط المدينة .. واتحدى اي شخص يقولي فيه سكن بكاليفورنيا بوسط المدينة .. اقل من 700 دولار .. الا اذا كان ساكن مع مجموعة كبيرة من الطلاب بشقة ويتقاسمون الايجار
بالنسبة انت مسرف ولا لا .. الشباب العادي اللي موب مسرف .. طلعاتهم في الويك اند .. سوق ومطاعم وبعض الاحيان ملاهي و سينما
الشباب المسرف ... سهر آخر الليل للفجر .. وسفر من ولاية لولاية بغرض التمشي وتغيير الجو .. وشف هذي كم تكلف سكن وصرفيات و و و و .. وكل ما يخطر ببالك يسوونه .. بس طبعا مو بيوم واحد .. بالشهر مرة للسفر .. والسهر والاشياء هذي كل ويك اند
انا اتوقع ان اغلب الشباب اللي هناك من فئة اللي مو مسرفين .. اللي طلعاتهم خفيفة للسينما والمول والكوفي والسوق والملاهي .. فما بالك . شباب كاليفورنيا اللي اقولك عنهم نظامهم كذا .. ولا تكفيهم راتب البعثة
بتستغني عن السينما و المول والكوفي بغرض التوفير .. يعني بالعربي منت طالع من الشقة
يعني ما راح تتعلم الانجليزي .. لأن من اللي اشوفه .. طلعات الاسواق والسينما خاصة والكوفي .. وكثرة الاحتكاك مع الاجانب .. اهم شيء لتعلم اللغة
نروح لأمور المعهد وهل هو معترف فيه ولا لا
بالنسبة للمعهد اللي بروح له .. بالبداية هو معهد جامعة وليس معهد تجاري مع احترامي الكامل لطلاب ELS
معهد الجامعة قريبي اللي جاب منه القبول لي .. تخرج منه بكالوريوس .. ودعواتك له .. لأنه بصدد تقديم رسالة الماستر والتخرج ..
وفيه معاهد وجامعات كثيرة ..
لكن و الله مابي احطمك .. لأني بصراحة من جد ابيك ما تندم بعدين ..
اذا انت خلاص ما تبي تغير كاليفورنيا ومقتنع فيها .. سافر لها والله يوفقك
واذا ضبطت معك والتحقت وفلوسك كفت معك عطنا قصتك .. علشان الناس ما تخاف من غلاء كاليفورنيا
واذا رحت ورجعت بدون شيء لا قدر الله .. عطنا قصتك .. علشان الناس تتعظ .. ولا تغلط قبل السفر
مع اني والله ما بيك تكون انت القصة والعبرة لغيرك ..
متااابع برضوووا
الزعيم لامبارد December 12th, 2009, 01:22 AM
مدري ليـشَ آتركَ كآليفورنيـآ دآم آلسعــر وآحــد !
شرفتــي ونـورتــي
لـ : قلبــكِ ..