استفسارات عن دفع رسوم المعهد & التوفل
السلام عليكم و رحمة الله
ارجوا ممن يعرف الأجابة على استفساراتي
حاليا مقدم على جامعة اوريجون لدراسة البكالوريس University of Oregon و تمت معادلة ساعاتي بأجحاف و لكن لابأس "مؤهلي دبلوم معهد الادارة" و سأتوجه بأذن الواحد الاحد للولايات المتحده بشهر مارس و سأكون هناك لمدة شهرين على حسابي و أقدم أوراقي بالملحقية و من ثم أعود للسعودية و لعملي بأنتظار الأنضمام للبعثة
وضعي حاليا أنتظر القبول و أرسال الـ i-20 ومن ثم موعد السفارة نهاية يناير
طبعا زوجتي راح تكون معاي بأذن الله و لن تدرس
أردت الأستفسار عن الرسوم بمعهد الجامعه و ارسلوا لي صفحة الرسوم بموقع معهد اللغة
American English Institute, University of Oregon: Estimated Costs per Term for IEP
ما أردت الاستفسار عنه هو الآتي
مبلغ دراسة فصل مكثف لمدة 9 أسابيع هو 2395 $ هل بأمكاني دفعه مقسم على دفعتين أي شهرين
هل لو دفعت نصف المبلغ لدراسة نصف الفصل و من ثم أردت العودة للسعودية هل سأحصل على أفادة أو شهادة من معهد اللغة تفيد بدراستي لتلك المدة ؟
مبلغ التأمين الطبي 349 $ هل سيلزموني بالتأمين على زوجتي
مبلغ الآي تونتي و باكيج القبول مع ارساله بالبريد السريع يكلف 110 $ هل هو الآي تونتي الخاص بي فقط أم أنه الأثنتي لي و لزوجتي و هل يرسلوني لنا آي توني واحد أو لكل منا آي توني خاص به
الشي الثاني أشوفهم يتكلمون عن الـ
Living Expenses و Housing و Homestay Program
و مالقثيت شي يقول أختياري ، هل سيلزموني بأي شي منهم علما بأني سأسكن بشقه خارج نطاق الجامعه
ماذا عن التوفل ؟
لغتي الأنجليزية ممتازه و أريد أن أختبر التوفل بعد مرور 8 أسابيع من تواجدي بأمريكا ، ماهي الاجراءات ؟ هل لابد من التسجيل بأختبار التوفل مبكرا وهل لابد من دورة خاصة للتوفل و كم هي تكلفتها و كم هي رسوم اختبار التوفل ؟
أكثرت عليكم الأستفسارات أعزائي و لكنها ضرورية لضبط الميزانية لي وليستفيد غيري
رد: استفسارات عن دفع رسوم المعهد & التوفل
هلا بك اخوي
من ناحية هل تستطيع انك تدفع المبلغ على دفعتين مااحد يقدر يفيدك الا المعهد نفسه ، من موقع المعهد دور ايميل المحاسبه بالمعهد و راسلهم ، و نفس الشي بالنسبه انو لو قطعت دراستك و مشيت هل يرسلون لك شهاده او اي ورقه تفيد بالفتره اللي درستها انا اعتقد انو لا لانك ما تقدر تقطع كذا على كيفك لازم تسحب ملفك من السمستر و حتى لو اخترت انك ما تسحب الملف بعد غيابك عن الدوام فتره معينه هما يفصلونك و هذا الشي يأثر على وضعك من ناحية الاميقريشن بس مثل ما قلت لك تواصل مع المعهد يمكن يكون عندهم مرونه في مدة الدراسه و تقدر تختار اللي يناسبك
بالنسبه للتأمين الطبي اعتقد بس مو متاكده انو راح يدفعونك لزوجتك ايضا
بالنسبه للاي توني راح يرسلون واحد لك و واحد لها و كلها بنفس الباكيج يعني بتدفع بس حق التوصيل الدي ايش ال
بالنسبه للهوم ستي و الاشياء هذا اذا انت تبي تسكن بشقه خاصه انت تدورها بنفسك ما عليك من هذا مو الزامي ولا راح يدفعونك شئ
و بالنسبه للتوفل تقدر الحين تدخل على موقع التوفل و تسوي لك حساب فيه و تختار الوقت اللي يناسبك و المكان اللي يناسبك بس كل ما بكرت كل ما كان افضل عشان تلقى لك امكانيه يعني مثلا لو دخلت الحين على موقعهم بتلقاهم فاتحين التسجيل بشهر ديسمبر و جانيوري و يمكن فبروري و الرسوم 170 دولار و مافيه دورات الزاميه ولا شي
اتمنى اكون افدتك و موفق اخوي
رد: استفسارات عن دفع رسوم المعهد & التوفل
^^^^^
يعطيك الف عافية أفدتيني كثير
اقتباس:
لو قطعت دراستك و مشيت هل يرسلون لك شهاده او اي ورقه تفيد بالفتره اللي درستها انا اعتقد انو لا لانك ما تقدر تقطع كذا على كيفك لازم تسحب ملفك من السمستر و حتى لو اخترت انك ما تسحب الملف بعد غيابك عن الدوام فتره معينه هما يفصلونك و هذا الشي يأثر على وضعك من ناحية الاميقريشن
طيب أنا أشوف الكثيرين يعودون بعد شهر أو أقل أو أكثر
عموما الأفضل لي دراسة فصل كامل و بآخر أسبوع اسوي أختبار التوفل
يعطيك الف عافية أختي
رد: استفسارات عن دفع رسوم المعهد & التوفل
عموما انت قبل تخطي اي خطوه لازم تجلس مع الاميقريشن ادفايزر بالمعهد اللي تدرس فيه بس عشان تتطمن ان وضعك كويس و في السليم طبعا انا اتكلم لما تخلص السمستر و ترجع ... ماادري بس انا حب اكون حريصه بالاشياء لان الغياب و سحب الملف و السفر اشياء تأثر على الوضع و هما هنا حاطين عيونهم على السعودين ماادري ليه ، وانا قلت لك مااتقدر تسافر كذا على كيفك من واقع تجربه انا السمستر الماضي اضطريت ارجع السعوديه بين ليله و ضحاها لامر طارئ ماامداني حتى ولا فكرت اني امر المعهد المهم بعد اسبوعين من غيابي ولان وضعي كويس مع مدير المعهد هما سوولي سحب ملف مو فصل ، ولما رجعت لامريكا بالمطار سالني الاميقريشن ليش سافرتي بوسط الترم الدراسي و كان معاي الاوراق اللي تضبط وضعي .
عشان كذا اقولك تأكد لانهم يدققون بهالاشياء
عموما اخوي موفق والله يكتب لك اللي فيه الخير
رد: استفسارات عن دفع رسوم المعهد & التوفل
يعطيك العافية أكيد باخذ نصائحك بعين الاعتبار
ياليت لو يتسع صدرك لأستفسارات أكثر لي من خلال هالموضوع
http://www.mbt3th.us/vb/forum8/thread145369.html
رد: استفسارات عن دفع رسوم المعهد & التوفل
رد: استفسارات عن دفع رسوم المعهد & التوفل