شرح لأهل الإتيكيت في اللباس الأمركي فقط

احب هالنوع من الأسئله عشان كذا قررت أجاوبك

طبعا المسألة مسألة أذواق في النهاية لكن انت من سؤالك واضح انك تبغى تعرف اللبس الرسمي أو مايسمى كاجوال في موعد

الدراسة أو الذهاب للمطار

طبعا أخوي قبل كل دا لازم تحط في بالك أنو لازم يكون عندك جينزات مختلفة الألوان عشان تقدر تاخد راحتك

ولأن الجينز أريح شئ للبس ولبس شائع

طبعا و انت رايح المطار الأفضل يكون لبسك كاجوال مثلا

بنطلون جينز او أي خامة غير قطنية المهم+قميص بأكمام طويلة أو تي شيرت شيك لو كان لبسك سبور او من النوع الفانكي+

جاكيت الأفضل بالنسبة لي للجاكيتات يكون ألوانها غامقة مثلا اسود كحلي بني رمادي و ممكن كمان بيج

على حسب ماتحب أو ممكن تلبس بالطو ( كوت ) بنفس الألوان

طبعا لو تحب تدخل التي شيرت أو القميص جوة يفضل انك تلبس حزام غالبا يكون بنفس لون الشوز ( الحذاء) أما لو تطلعوا برى

فالخيار لك تلبس أو ماتلبس بس كمان الأفضل تلبسوا+ بالنسبة للحذاء بنظري أشيك أحذية للكاجوال هي الأحذية الجلدية أو

الشامواه و لاتنسى خدها بنفس لون الحزام اللي حتلبسوا دا حيغير جدا بمظهرك ولو حتلبس سبور في سكوتشات ( أحذية قريبة من الشكل

الرياضي تقريبا ) بس مو رياضية انتبه اتمنى أحد يحط لك صورتها مع أني اتوقع انو اكيد تعرفها بس يعني لو ماتعرفها اتمنى احد يساعدك

نجي بعد كدا للسكارفات السكارف لو حتلبس فرضا قميص باللون الأبيض وجاكيت باللون الكحلي السكارف حاول يكون خليط من الألوان

مثلا يكون كاروهات كحلي و أبيض ومثلا معاه لون أصفر أو رمادي عشان تكسر اللونين الغامقة ( دا مثال ) حاول لما يكون لبسك ساده

تخلي السكارف او الايس كاب اللي حكلمك عنو بعد شويه فيه الوان منسقه ومختفله شويه عشان تعطي نفسك مظهر مميز و مختلف وبعيد

عن الجديّة يعني ماتكون مره سيريسلي.

نجي للايس كاب أنا بنظري هيا احلى شئ يتلبس للي يبغى يلبس كاب مع أن فيه قصات شعر لكم انتو الاولاد ولا اروع

الايس كاب فيه منها كتيرررررررررررررررر موديلات وبعضها تجي طقم مع السكارف والقلوفز ( الايشارب والقفازات )

دي حتكون اشيك طبعا.

طبعا ماتنسى الساعه و النظاره لأنها تعطي منظر غير شكل للوك حقك

بديك نصيحه حلووة للنظارات

لو كنت أسمر النظاره افضل تكون سوده

ولو كنت أبيض التظارف أفضل تكون بني أو عسلي

ولو حنطي عاد انتا حر تختار اللي تبغى

بس أنا اشوف النظاره السوده اشيك نظاره

اممممم ايش كمان !!!

تقريبا دا الشئ اللي عندي

بس انتا خط في بالك انو ذوقك خاص فيك لو بعدت عن البهرجه الزايده وتخبيص الألوان

خليك معتدل بستايلك

وشد حيلك عشان توري الشباب الغربي اناقة الشاب السعودي

أتمنى اكون أفدتك

هلا أخوي مووووضوع حلو بس خل نكون صريحيــــــن مادري فيه واحد بالزمن هذا مايعرف يتشيك لو تروح أمريكا بتشوف أفضل الي لابسين سعودين أنا أقولك رحت وشفت في المطار همج كثير نادر تحصل سعودي مو متجنتل والله الامريكان همج يعمي شد أحلى جنز عندك واحلى تيشيرت ودق عليها جكت وأرفع يدق

نصيحه أخوي لا تحط التيشريت جوة الجينز ........ بليــــــــــــز

شكرا وشوفلك أي بنت تسألها الينات يحبو الكلام هذا ((( الملابس والأكسسوارات )))

سي يو

عجبني موضوعك لووول.. اكيــــــــــــــــــــــــد من المناظر اللي شوفنها لما نسافر خلتنا نتكلم في هذا الموضوع
اعتقد هي مسألت ذوق قبل كل شي.. وكيف الواحد يعرف يلبس !! كيف يختار ملابسه واهم شي يكون مناسب للشخص !!!!
بس المساله جدا سهله ممكن يحاولو يسالوا الناس القريبين منهم اش رايك في اللبس هذا مناسب ليا ؟ّ... تحس لونه حلووو عليا!!! فاكيــــــــــــــــــــــــد نظرة الناس هي الناقد للشكل الخارجي ويقدر يلبس اللي يبغاه ...بس كل لبس ليه مكانه اعتقد هذا الكلام في ناس متخصصه فيه ..فاللي يلبس لبس الصيد اكيد مو مكانه جامعه وهي صرح علم فكل واحد و ذوووووووووقوا

بعض الشباب ماقصروا في ردودهم يعطيهم العافيه

لكن ياخوي تطمن الوضع اسهل مما تتصور بكثييير

اكيد اللباس يرجع للذوق يعني ممكن تلبس شي يعجبني ويعجبك بس مايعجب غيري لكن خذ بعد النصائح اللي ممكن تفيدك

ألزم البساطه في اللباس وعدم التكلف
اذا كنت خايف من عدم تنسيقك للألوان فركز على اللون الاسود و الابيض
حاول تبتعد عن التيشيرتات او القمصان اللي فيها خرابيط ورسومات كثير فأفضل خيار لك الساده يصلح في كل مكان

وترا السالفه كلها جينز ازرق وتيشيرت يبو وسع صدرك