معـاهد ELS بجيمع فروعها في انحاء امريكا
السلام عليكم ورحمة الله وبركاته ..
اخباركم وش علومكم .. ؟؟
حبيت اكتب هالموضوع بخصوص معاهد اي ال اس .. وبصرااحه انا ودي اروح للملحقيه واقولهم وش تحسون به
انتم يوم انكم مخلين الطلاب يدرسون في معاهد ELS ..
انا درست فيه ووبصراحه فاااشل طبعا انا نقلت له بعد دراسه 7 شهور بمعهد اخرر ورحت له وشفت الفرق بين السما
والارض..
في هاذا الموضوع ابغاكم تتكلمون عن الايجابيات والسلبيات لهاذا المعهد .. وراح ابدء انا .. ::
سلبيات :
المعهد بـ إدارته زززززفت في الفرع الي درست فيه .. ومدرسينه ززفت مافيه الا ثنين يدرسون زين . .
كلاساتهم كثيره وطويله ولاتستفيد منها .. يخلطون المستويات مع بعض .
إجابيه :
يعطيك توصيه لكثير من الجامعات تدخلها بدون توفل وهاذا الي مصبر كل الطلاب عليه
هاذي الاجابيه الوحيده الي اشووفها في هالشركه النصابه المحتاله..
ولكم حرية الرأي
ابداعااااااااتكم
رد: معـاهد ELS بجيمع فروعها في انحاء امريكا
السلام عليكم
انا الحين مقبولة بالمعهد هذا لكن بمينيسوتا بسانت باول
و المعهد ملحق بجامعة سانت توماس طيب انا اقدر ادخل الجامعة هذه من غير توفل رغم انها جامعة غير موصى بها بالنسبة لتخصصي لكن بالنسبة لتخصصات اخرى اخرى موصى بها ؟
ثاني شي انت درست باي فرع ؟؟
رد: معـاهد ELS بجيمع فروعها في انحاء امريكا
انا معاك اخوي
اظن لوزارة التعليم العالي نسبة معاهم
تخيل هددتهم اني بانقل لمعهد ثاني
قالوا روح ماراح الملحقية تعطيك موافقه ولا راح تنقل لمكان ثاني
اتصلت على الملحقية عقدوها اتصلت بمقر عملي ويالله يالله وقع الملحق على اوراق النقل
اقووووووووووووووووووووووووووووووول لكم الملحقية لها نسبة ما احد صدقني
اكلم المشرف قبلها يقول اختار اي مكان فيه اي ال اس ننقلك بسرعة
رد: معـاهد ELS بجيمع فروعها في انحاء امريكا
انا درست في اي ال اس لفتره طويييله : وكنت مجتهد وما اغيب ودايم درجاتي عاليه جدا
معهد مادي جداااااا ومتعب جدا
يعني الدوام يبدأ من 8:30 ولازم اصحى على 6:30 لان المشوار بالباص نص ساعه
يخلص الدوام 3:30 و اوصل الشقه تعباااااان على الساعه 4
بعدها انام شوي ارتاح
بعدها اصحى من النوم واحل واجباتي اليوميه اللي اكتشفت انه مالها فايده
وبعدها اتعشى وتكون الساعه 11 يعني لازم انام علشان وراي دوام بدري
يعني يومي كله مشغول وتعب جسميا ونفسيا (تحس انك موضف ارامكو على غفله)
وماعندي وقت اقرا فيه الكتب اللي اشتريتها من زمان علشان اطور القراءه واستمتع عليها
وما عندي وقت انزل الشارع وامارس اللغة مع الامريكان .
وبعدها نقلت لمعهد جامعه
صراحه حسيت نفسي ما اعرف شي ودراستي في اي ال اس ما لها اي فايده :: يعني حسيت اني كنت اضيع وقتي على الفاضي
لكن بعد ما دخلت الجامعه كل شي تغير
لغتي صارت تتطور بسرررعه
الكتب اللي عندي خلصتها بسرعه واشتريت غيرها كثير
صار يومي جميل ونشيط
وصرت ادرس مع معهد يشوفني طالب وانسان مجتهد ..... ما يشوفوني دولار يمشي :)
بالتوفيق لكم اخواني
رد: معـاهد ELS بجيمع فروعها في انحاء امريكا
اقتباس:
المشاركة الأصلية كتبت بواسطة حسام88
انا درست في اي ال اس لفتره طويييله : وكنت مجتهد وما اغيب ودايم درجاتي عاليه جدا
معهد مادي جداااااا ومتعب جدا
يعني الدوام يبدأ من 8:30 ولازم اصحى على 6:30 لان المشوار بالباص نص ساعه
يخلص الدوام 3:30 و اوصل الشقه تعباااااان على الساعه 4
بعدها انام شوي ارتاح
بعدها اصحى من النوم واحل واجباتي اليوميه اللي اكتشفت انه مالها فايده
وبعدها اتعشى وتكون الساعه 11 يعني لازم انام علشان وراي دوام بدري
يعني يومي كله مشغول وتعب جسميا ونفسيا (تحس انك موضف ارامكو على غفله)
وماعندي وقت اقرا فيه الكتب اللي اشتريتها من زمان علشان اطور القراءه واستمتع عليها
وما عندي وقت انزل الشارع وامارس اللغة مع الامريكان .
وبعدها نقلت لمعهد جامعه
صراحه حسيت نفسي ما اعرف شي ودراستي في اي ال اس ما لها اي فايده :: يعني حسيت اني كنت اضيع وقتي على الفاضي
لكن بعد ما دخلت الجامعه كل شي تغير
لغتي صارت تتطور بسرررعه
الكتب اللي عندي خلصتها بسرعه واشتريت غيرها كثير
صار يومي جميل ونشيط
وصرت ادرس مع يمعهد يشوفني طالب وانسان مجتهد ..... ما يشوفوني دولار يمشي :)
بالتوفيق لكم اخواني
هههههههههههههههههههههههههههه
حلوة موظف ارامكوا
بصراحة ما ناي داري وش سالفة الملحقية مع هذا المعهد المفروض توقفه الوزارة والملحقية
الله يعين
والله ياحبايب ما ادري وش السالفة
رد: معـاهد ELS بجيمع فروعها في انحاء امريكا
الملحقية قفلت كثير من معاهدهم ...........
رد: معـاهد ELS بجيمع فروعها في انحاء امريكا
لانه كله سعوديين ماهو تأديبا لهم تقفل
رد: معـاهد ELS بجيمع فروعها في انحاء امريكا
ياخي حتى المدرسين خايسين ويحتقرون السعودي .. يعتبرون السعوديين جاهلين ومتخلفين
وعندنا مدرسه فرنسيه و مدرستين من سولفاكيا لهجتهم خربااانه يعني thing ينظقونها sing ونعم التعليم :)
ونسبة السعوديين في المعهد 60 بالميه .. يا حبيبي على الزحمه .
يعني لو مشوا السعوديين .جابت المديرة لوحه على باب المعهد وكتبت " للتقبيــل مع فيزة ثلاث معلمات :) "
رد: معـاهد ELS بجيمع فروعها في انحاء امريكا
السعوديين بعد في ELS لك عليهم ..
فيه سعوديين . الله يهديهم . خير سفراء للدين والوطن في الغش بالاختبارات و كثرة الغياب وتشويه لسمعت السعوديين .
لكن فيه سعوديين ماشاءالله رجال بما تعنيه الكلمه من افضل الناس خلق وتعامل وصوره مشرفه لنا وهم الاكثر الحمد لله
ماقول غير الله يقدرنا ونكون خير سفراء لديننا وبلدنا
رد: معـاهد ELS بجيمع فروعها في انحاء امريكا
السلام عليكم ورحمة الله وبركاته
انا احد طلاب معهد els
الحقيقه المعهد سئ جدا والمعهد مادي وليس تعليمي لي فتره طويله وانا ادرس فيه اقسم بالله ان لغتي زي ماهي مافيه تطور
وانا مستغرب من الملحقيه ليش مايقفلون المعاهد الماديه
معاهد الجامعات افضل منها بمليون مره