الأعضاء الإشتراك و التسجيل

الملتقيات
ADs

هام جداً : تبي تتقضى الموضوع راح يفيدك

هام جداً : تبي تتقضى الموضوع راح يفيدك


NOTICE

تنبيه: هذا الموضوع قديم. تم طرحه قبل 2952 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية amrk-3jib
    amrk-3jib

    مبتعث مستجد Freshman Member

    amrk-3jib الولايات المتحدة الأمريكية

    amrk-3jib , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى هندسة حاسب , بجامعة Oregon State University
    • Oregon State University
    • هندسة حاسب
    • ذكر
    • Corvallis, Oregon
    • السعودية
    • Nov 2009
    المزيدl

    December 26th, 2009, 03:43 AM

    السلام عليكم ورحمة الله وبركاته
    مبروك للي وصلوا وهاردلك للي جالسين بالبيت يصلحون الخربان ويخربون الصلحان أمثالي وجالس ينتظر المكتب يجيب له قبول صار له شهرين
    ..............
    لكل المبتعثين اللي يسألون عن أماكن بيع الملابس الرجالية علشان يتقظون قبل ما يروحون حبيت أخدمكم بها شيء بما اني لي خبره متواظعة في هالمجال وبما اني جالس اتقضى الحين
    (طبعاً الموضوع خاص بالرجال لأن الحريم ما شاء الله مو بحاجة هالمواضيع لأن لديهم خبره في هالشيء)
    بسم الله نبدأ /
    أولاً : البناطيل :
    -1-

    أنصحك فيه وبقوووه وخصوصاً أن ستايلاته شبابية لكن اللي يعيبه ما عنده مقاسات كبيرة
    فروعه بالرياض:
    1-شارع العليا العام (بعد المملكة بجانب ALDO)
    2-مجمع لوكلايزر بالتحلية

    -2-

    غني عن التعريف وهذا للبتاع كلووووه
    فروعه بالرياض (ترى بس فرعين اللي فيهم رجالي اللي هم):
    1-شارع العليا العام (قبل جرير)
    2-مجمع لوكلايزر بالتحلية

    -3-

    جداً قووووي ورايق بس الله يعينك على الأسعار ( غآآآلي )
    ما أعرف له إلا فرع واحد بالرياض اللي هو : بمجمع غرناطه (مخرج 9)
    -4-

    ما عليه يجي منه يجيب أحياناً أشياء حلوه
    الموقع : مجمع لوكلايزر
    -5-

    بطل وحلو بس نفس الحركة (غويلي)
    الفروع :
    1-شارع العليا العام (بجنب Pull and Bear)
    2-مجمع لوكلايزر (انتبه ترى ما تقدر تدخل للمحل من داخل المجمع) صاير برا له بوابه خاصة
    ..............
    الحين نجي لأصحاب المقاسات الكبيرة واللي مب راعي ماركات واللي يبي اشياء اسعاره مقبولة عندك :
    1-سبلاش شارع العليا العام (مقابل جرير)
    2-سنتربوينت
    الفروع :
    بكل زاوية .... لكن بذكر اللي أعرف :
    1-خريص (بعد خريص بلازا)
    2-مخرج 9 (قبل غرناطة وأنت متجه غرب)
    3-طريق الملك عبدالله (قبل العليا العام وأنت متجه غرب)
    5-اذكر فيه واحد بالدائري الجنوبي إذا منب واهم ...
    __________
    3- مركز الشعلة : هذا تلقى عنده المقاس اللي برأسك.
    ثانياً : البلايز (T-Shirt) :
    -1-

    عنده أشياء جداً حلوه بس شبااااابي بزيادة نادر ما تلقى عنده أشياء رسمية
    -2-

    زارا زي ما قلت للبتاع كلوووه يعني اللي برأسك بتلقاه شبابي-رسمي-...
    -3-

    جامد بقوه بس مشكلته غاااااالي بس الحين مسوي تخفيضات 80% والمخفض مو مره حلو بس يمشي الحال
    الفروع :
    له ثلاث فروع وكله بالعليا العام
    اثنين قبل إشارة شارع الأمير سلطان بن عبدالعزيز وأنت متجه شمال و واحد بعد الإشارة
    -4-

    عندة أشياء رايقه وأسعاره حلوه
    الفروع :
    1-مجمع لوكلايزر
    2-مجمع غرناطة
    ألخ
    -5-

    أغلب اللي عنده رسمي والآن عنده تخفيضات
    الفروع: اللي أعرف فيه رجالي واحد في شارع العليا العام بعد إشارة التحلية (وأنت متجه شمال)
    -6-

    مثل mexx أغلب اللي عنده رسمي
    الفروع:
    1-كارفور (طريق خريص)
    2-مركز النمر (طريق العليا العام)
    ألخ
    -7-

    عنده أشياء حلوه بس الأسعار نآآآر
    الموقع : طريق العليا العام قبل إشارة التحلية (وأنت متجه جنوب)

    واللي ما يبي الماركات البلايز مو مشكله مثل البناطيل يعني بأي مكان ممكن تحصل اللي يعجبك ستي ماكس-سنتربوينت-البقالة اللي جنب بيتكم-....
    ثالثاً : الجزم (الله يكرمكم) :
    -1-

    تلقى عنده أشياء حلوه وأسعاره مناسبة ومثل ما قلت اللي برأسك بتلقاه هناك
    -2-

    لا تعليق أعجز عن وصف هالمحل
    -3-

    غني عن التعريف ...
    الفروع :
    1-مجمع لوكلايزر (انتبه ترى ما تقدر تدخل للمحل من داخل المجمع) صاير برا له بوابه خاصة مثل *celio
    2-شارع العليا العام (بجانب Pull and Bear)
    3-العثيم مول (الدائري الشرقي بين مخرج 14 و 15)
    4-خريص بلازا
    ألخ ألخ ألخ
    -4-

    ما عليه
    الفروع :
    1- هايبر بندة (شارع التخصصي)
    2-كارفور (خريص)
    ألخ ألخ ألخ
    -5-

    عنده أشياء رايقه وأسعاره ما عليه
    الفروع : ما أعرف إلا فرع واحد بخريص بلازا
    ـــــــــــــــــــــــــ
    بالنسبة للجزم الرياضية :
    -1-

    *للأمانة الصورة منقولة من موقع العروض

    عنده جزم رياضية حلوه وترى الحين مسوي تخفيضات 70%
    -2-

    غني عن التعريف بس الأسعار نآآآآآر
    الفروع : ما أعرف إلا واحد : طريق العليا العام (قبل إشارة التحلية وأنت متجه جنوب)
    -3-

    عنده أشياء حلوه وأسعاره غويلية
    الفروع:
    1-مارينا مول (طريق العليا العام مقابل الرياض غاليري)
    2-مجمع غرناطة
    ألخ
    -4-

    *للأمانة الصورة منقولة من موقع العروض

    عنده أشياء حلوه وأسعاره معقولة خصوصاً أن عنده الآن عروض
    .............
    وأرجع وأقول اللي ما يبي شيء غالي عليه بسيتي ماكس وسنتربوينت و آخر فرصة و سماء وغيره ....
    رابعاً : الجاكيتات :
    -1-

    حلوه و عنده أشياء رسمية
    -2-

    عنده اشياء حلوه وأسعاره مناسبة
    -3-

    بطل بس الله يعينك على الأسعار
    الفروع :
    1-الرياض غاليري (طريق الملك فهد)
    2-طريق العليا العام (بجانب Pull and Bear)

    ومثل ما قلت اللي ما يبي شيء غالي عليه بسيتي ماكس وسنتربوينت و آخر فرصة و سماء و الشعلة وغيره ....
    ــــــــــــــــــ
    أما باقي الأشياء مثل الآيس كاب والكاب والجوارب والبوكسر (عزكم الله) والأحزمة تقدر تشتريهم من أي محل من اللي ذكرت ...
    وفي النهاية اتمنى من اللي يبي يشتري يجرب الشيء قبل ما يشتريه لأن فيه محلات ما ترجع فلا توهق نفسك لا تشتري شيء إلا أنت مقتنع فيه ومجربه ( خذ كل اللي برأسك وجربه واللي يعجبك ويجي عليك خذه ) ولا تنسى تتأكد من مدة الترجيع والتبديل ...
    =========================
    طبعاً هذا العمل بعد توفيق الله جهد شخصي مني لكي أخدم الكثيرين من اللي يتسألون بالمنتدى عن أفضل أماكن بيع الملابس الرجالية فاتمنى من إدارة المنتدى تقدير ذلك بحيث يكون مرجع
    ولم أضع هذا الموضوع ليكن دعايه لأحد المحلات أو ما شابه...
    وفي النهاية أرجو التثبيت
    دعواتكم لي وتقبلوا تحياتي ...
  2. ترا في أمريكا ماحد يهتم بالماركات,, خصوصاً انك بتدرس في معهد أكثره من جنوب شرق آسيا ما عليهم الا خلاقين
    حتى الأمريكيات مايهتمون, أشوف بنات الجامعة وحتى المدرسات تلقى عليها نفس اللبس أسبوع كامل وماحد داري عنها
    وإذا ملزم على الماركات هنا أرخص, أتكلم عن مدينتي الي أنا فيها.. فيها محلات outlet تبيع دايركت من المصنع وبأسعار أقل من السوق
    7 "
  3. المشاركة الأصلية كتبت بواسطة xeen
    ترا في أمريكا ماحد يهتم بالماركات,, خصوصاً انك بتدرس في معهد أكثره من جنوب شرق آسيا ما عليهم الا خلاقين
    حتى الأمريكيات مايهتمون, أشوف بنات الجامعة وحتى المدرسات تلقى عليها نفس اللبس أسبوع كامل وماحد داري عنها
    وإذا ملزم على الماركات هنا أرخص, أتكلم عن مدينتي الي أنا فيها.. فيها محلات outlet تبيع دايركت من المصنع وبأسعار أقل من السوق
    مشكور على المرور أخوي بس السعودي أو الخليجي طبيعته يحب يكشخ هنا وإلا هناك
    بعدين بالسعودية ما عندك زين إلا الماركات يعني مو مثل الوضع بامريكا ممكن تحصل أشياء حلوه باسعار رخيصة ...
    تقبل مروري ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.