موقف صار لي فـ احد المطاعم العربيه فـ واشنطن ..
طبعا احنا 5 .. وكنا نتعشى .. شويات وجاتني صبيه قالت هاي ام ..... قلت هاي ام كرستي نايس تو ميت يو وثم قالت كم كلمه ومبتسمه ومسكت يدي ومشت .. انا سئلت الشباب وش تقول ذي ..
قالو تمدح ساعتك ويضحكون .. قلت يا اخوان هذي ما تمدح الساعه .. هذي تبغي تعلمني ان ساعتني وقـتها غلط .. < حاطها على توقيت السعوديه
طبعا احنا 5 .. وكنا نتعشى .. شويات وجاتني صبيه قالت هاي ام ..... قلت هاي ام كرستي نايس تو ميت يو وثم قالت كم كلمه ومبتسمه ومسكت يدي ومشت .. انا سئلت الشباب وش تقول ذي ..
قالو تمدح ساعتك ويضحكون .. قلت يا اخوان هذي ما تمدح الساعه .. هذي تبغي تعلمني ان ساعتني وقـتها غلط .. < حاطها على توقيت السعوديه
January 6th, 2010, 07:30 AM
الله محـــيي الشــــــــبـآب
ماطول عليكم هذي تفااصيل رحلتي .. طبعا من الرياض لـ بـآريس 8 ساعات .. ومن باريس لـ واشنطن 9 ساعات
كانت رحلتي الساعه 1وخمس دقاائق والحضور الساعه 10 .. طبعا اخوكم كرست ماراح إلا الساعه 11 عشان اعتزال الفتى الذهبي
طبعا على الخطوط آلـفـرنسـيـه .. المسموح شنطتين لازم الوزن مايكون اكثر من 23 .. الاولى صارت 25 والثانيه 30 .. طبعا انا وازنها فـ البيت .. فـ اضطريت اني اقلل الوزن على حساب شنطه ثالثه وبدفع الفرق .. انا شخص مهاجر عموما دفعونـآ اكثر من 1000 ريال .. تحديدن 1035 ريال ..,, ركبت الطياره نسبه السعوديين فيها 60% والباقين اجاانب .. طبعا المضيفين والمضيفات فرنسيين .. انا كنت متوقع انهم سعوديين او عرب ..
المهم وصلت الساعه 8 بتوقيت ساعتي .. اللي اهي بتوقيت السعوديه قابلت شب سعودي كان معاي فـ الطياره طالب رايح يكمل ماستر .. ودلني على بوابتي ع واشنطن وصار اهو برضو نفس رحلتي الله يعطيه العافيه .. جلسنا 3 ساعات وصلينا الفجر طبعا بالنسبه للقبله صلينا بالنيه .. وبعدين قالو يلا استعدو لـ ركوب الطائره واعطونا النموذج I-94 واحنا ننتظر يفتحو البوابه عبيناها انا والشب السعودي فـ المطار .. طبعا اهو له 4 سنوات يدرس فـ امريكا .. فـ اهو اللي عبى لي النموذج ..اقلعت الطياره الساعه 2 الظهر بتوقيت ساعتي يعني السعوديه ,, اخوكم كرست ركبت جنبه حرمه عمرها فوق آلـ 30 واللغه عندي مش ولآ بد .. تهاوشنا انا وياها شوي .. وثم قالو وش تشربون .. خذت الحرمه وزوجها خمر انا ببسي .. كانت تبي تسوي معايا هي ويا زوجها بالكيساان طرااااخ .. بس اخوكم رفض وقلت لهم انو من عاداتنا وتقاليدنا هذا ممنوع .. .. الموووهيم .. كنت جايب معاي حبه بنادول اللي كرتونه اخضر .. عشانه ينوم اول ما اتـزنـت الطائره اخذتها .. وماصحيت إلا على الحرمه اللي جنبي ترفع الكرسي بتاعي تقول يلا صحصح عشان بتهبط الطائره ..
قبل لا تهبط لعبت فينا الطياره لـعب ماغير تخمخمت بطونا .. الحمد لله وصلنا .. ركبنا باص .. وكان جالس جنبي فـ الباص الشب السعودي صاحبي اللي تعرفت عليه .. كنت وراه فـ السرى .. الكونتر الاول اعطيته الجواز والقبول .. سآلني كم سؤال بس قلت له ماعرف انكليزي ..بعدها استلمت شناطي وعلى فكره اهي اللي اخرتـنـي وثم رحت الكونتر الثاني .. اهو المشكله .. اذا اُعجب فيك يقول يلا امش .. واذا ماعجبته يقول لــف يمين ..على التفتيش الخاص طبعا يوم دخلت .. حصلت طالب سعودي حاله من حالي ..بعدها اكتشفت انو السعوديين لهم معامله خاصه .. اعطيت اوراااقي الشرطي .. قال روح اجلس مع صاحبك .. " عشان جوازاتنا لونها آخضر " المهم الشرطي اعطى اورااقي للشرطيه زميلته .. عشان اهو بيخلص امور الشب الثاني .. نادت عليـ مستر ........... قلت لها سوري ام كرستي ضحكت .. طبعا قلت لها جست جوكنق .. كانت مبتسمه وعسل سآلتني .. اي مدينه بتدرس فيها .. قلت مارتن .. قالت اي ولآيـه قلت تينيسي .. قالت يلا دخل عفشك فـ الجهاز .. دخلت العفش .. طبعا اللاب توب كان فـ ظهري .. طبعا اللاب بتاعي ملياان اغااني وفديوهات كرستيان وصور قالت دخل اللاب مع شناطك واستلمها من ورى .. وفعلا يوم رحت ورى حصلت شناطي سـآبـقـتـنـي واشوى مافتشو اللاب توب ولا الشنط .. مجرد على الجهاز .. حطيتها فـ العربيه ومشيت .. اول ماطلعت ع الصاله .. حصلت اخوي وصااحبه فـ وجهي ... يآشرووون بيديهم .. سلمت عليهم .. قلت ها باقي تفتيش ثااني قالو خلاص انتا الان حــر .. شويات ويجيني مصري تبع الملحقيه .. اعطااني ظرف وقال عبي البيانات وروح الفندق الفلاني يبعد 10 دقاايق عن المطاار .. وفعلا رحنـآ للنفدق .. وعبينا كـل حاجه واعطيته سودااني .. قال خلاص مايحتاج تروح للملحقيه .. انتظر ايميل منهم .. وتحصل فيه رقم .. عطه اي احد فـ الرياض عشان يوديه الوزراه .. طبعا عمي شغال فـ الوزراه .. واذا جاني الرقم بعطيه
مــلاحظه للآخ الزعيم لآمبرد / ياحبيبنا انا ماتدفيت .. ورطتني تقول الجو مثل جو الرياض .. كنت مسوي قصه الديك فـي شعري بالجـل .. وطارت مع الهواء .. درجه الحراره مدري البروده 4-
وآي سؤاال انا موجود ..
والعذر والسموحه على اللهجه ..
مـلآحظه ثانيه / ابغي ردود لو ان شاء الله صفحه فاضيه < لا تصدقون
باقي على دراستي اكثر من 10 ايام .. وانا الان جالس مع اخوي فـي مدينه تبعد عن واشنطن ساعتين .. اخوي طبعا جاي دوره تبع الحرس الوطني
مع السلام عليكم