اخوي وصل امريكا امس تاريخ 7 يناير
السلام عليكم ورحمة الله وبركاته ,,,
اخواني اللى يقول في تشديد في مطار واشنطن وخاص للسعودين ترا وربي كلام فاضي
انا اخوي وصل امس تاريخ 7 يناير مطار واشنطن عن طريق الخطوط السعوديه وعلى حسابه
الخاص ويقول اول مانزل من الطياره كان في زحمه بالمطار وجلس ساعتين بالمطار واللى اول
مره يدخلون امريكا يدخلونهم في صاله خاص وخلصون امورهم بدون اي تفتيش حتى تحسف ان
ماخذ معه دخان لكن قالي في شغله مهم بقولها لك اذا جيت انتبه تحجز قبل ماتروح الرياض وتدخل
على الوزير اذا فتح باب مكتبه وتكلمه يعطيك امر اركاب طياره وجاهم المصري ووداهم للفندق
يعني امورهم بسيطه وعقبالي وعقبال جميع الاخوان المبتعثين..
لكن بيني وبينكم انا ماعرف ايش يعني امر اركاب طياره ...؟؟
رد: اخوي وصل امريكا امس تاريخ 7 يناير
الحمدلله على سلامة اخوك
.. واتمنى احد يفيدنا في السؤال ؟؟
رد: اخوي وصل امريكا امس تاريخ 7 يناير
أمر إركاب يعني صرف تذكرة
الله يوفق أخوك ,,,, بس أخوك جاء عن طريق واشنطن ,,, المشكلة مطار نيويورك
رد: اخوي وصل امريكا امس تاريخ 7 يناير
اقتباس:
المشاركة الأصلية كتبت بواسطة Clinical Pharmacist
أمر إركاب يعني صرف تذكرة
الله يوفق أخوك ,,,, بس أخوك جاء عن طريق واشنطن ,,, المشكلة مطار نيويورك
الله يوفقك الجميع يارب
انا ابي توضيح مفصل اذا ماعليكم امر بالنسبه امر اركاب
وش الفرق بين صرف التذكره من الوزاره و التذكره اذا طلعتها من عندي بدون ماروح الوزاره ...؟
رد: اخوي وصل امريكا امس تاريخ 7 يناير
حبيبي امر الاركااب هوا تذكرة مجانيه تاخذها من الوزارة مختوووم عليها
واناشاء الله اللي بياخذ امر اركااب امووره في اللحاق بالبعثة تقدر تقول سهاااله
والله يوووفق الجمييع يارب
رد: اخوي وصل امريكا امس تاريخ 7 يناير
اهاا يعني مو اكيد اقدر احصل عليها من الوزارة
بالعربي انا من اهل الشرقية وموعدي في 10 /01 /2010 بالظهران باذن الله اذا تم الموافقه
على الفيزا اروح الرياض للوزير اذا
فتح بابه او ماتعب نفسي انا نسبتي داجه يعني بشوف الشهاده بيطردني من المكتب خخخخخ
وانتو عارفين ان هالامور اللى مثل كذا يبيلها واسطه وانا مسكين ملحط واسطتي ربي ماعندي
غيره ولا ابي غيره بعد
شوركم اروح الرياض او احجز على حسابي واتوكل ع الله والباقي اكمله هناك ...؟
رد: اخوي وصل امريكا امس تاريخ 7 يناير
الحمد لله على سلامة اخوك وعقبال الجميع بالبعثة
وبالنسبة للاجراءات الحمد لله طمنتنا
رد: اخوي وصل امريكا امس تاريخ 7 يناير
اخوي اذا جتك البعثه على حساب الدوله فبدل إركاب على كلفة الدولة !!!
اما على حسابك الخاص فالاركاب على حسابكم الخاص
بدل إركاب يمنح للموظفيين الحكومين للدورات والبعثات والانتدابات وحصوله امر سهل يؤخذ من إدارتك او الوزارة ويصادق عليه من الخطوط السعودية بتكلفة الطيران من الى الى ...
ويعتمد من الجهه مباشره ولكل ادارة حكومية ضابط إتصال مع الخطوط لايقبل إلا منه شخصياً بالتوقيع
وفقك الله بالبعثه وندعوا لك قبل غروب شمس هذا اليوم ان يوفق جميع المسلمين وييسر بعثاتهم والله الموفق ,,,,,
رد: اخوي وصل امريكا امس تاريخ 7 يناير
يا جماعه الله يعطيكم العافيه ياليت احد يعطيني معلومات عن لوس انجلوس جاني قبول فيها وما اعرف عنها شئ والله محتارة يقولو مرررررره غاليه ياليت احد يطمني
رد: اخوي وصل امريكا امس تاريخ 7 يناير
والله انا سامع من أعضاء كثير إن نائب الوزير (الدكتور العطيه ) يعطي أوامر إركاب للدارسين على حسابهم الخاص