ياأخوان ادخلو الله يرحم والديكم

حياك اخوي ...
انا راح اجاوبك على حسب ما قريت من الاخوان هنا
بالنسبة لارخص الولايات عليك بولايات الوسط والشمال غالبا تكون هي الارخص.
الدراسة تختلف من معهد لمعهد ومن جامعة لجامعة وهذي النقطة واسعة جدا يعني فيه جامعات سهلة وفيه جامعات صعبة.
متوسط تكاليف المعهد بالشهر 2000 دولار تقريبا. وبالنسبة لكم يستغرق تحويلك فهذي تعتمد على الواسطة اولا واذا ما عندك واوراقك جاهزة وكاملة حسب التخصص واعتبارات اخرى.
اتمنى اكون افدتك باللي اقدر عليه...
دعواتك

الله يجزاك خير ويرحم والديك ماقصرت يالغالي


وبإنتظار بقيه الاعضاء الطيبين

+

اتمنى يعطوني رأيهم في فرجينيا وافضل معهد واسهل جامعه لتخصص اداره ماليه


واكون شاكر لكم

اخوي اولا هل تعرف لك اصدقا في امريكا اذا الجواب لا

شف اي معهد رخيص مره وقبول الجامعه مشروط اي واحد يجيبه لك لين تنضم

سالفت سهل وصعب محد يحكم ممكن انا اشوفها صعبه لكن سهله عليك

بيني وبينك يبيلك شدة حيل ودراسه عشان تمشي امورك في السليم

وش بعد .......

ايه الله يوفقك انشالله والامور سهالات انا جيت امريكا ولا اعرف احد ومشت الامور

أمن يجيب المظطر اذا دعاه

ادع ربك واكثر من الاستغفار ورضا الوالدين من اسباب التوفيق
ياليتني عند اوميتي الحين


<< قلبها نصايح

اهلين اخي الكريم بالنسبه لي انا
انا ادرس في مدينة سياتل وتعتبر من اغلى مدن امريكا واجملها وافضلها ولكن
غاليه للشخص اللي يحب التسوق والاثاث و و و و واسعار الشقق
انا ساكن مع عائله الشهر 600دولار الحمد لله اكل وشرب ونوم وغرفه خاصه وغسيل ملابس باي وقت
ونت وكل حاجه يعني مايحتاج تشتري ولاعوود
بالنسبه للاسعار المعهد انا ادرس في معهد جامعه واشنطن من اقوووى المعاهد بامريكا وافضلها
وانا الاحضها الصراحه اختبارات ووجبات يوميه و و
وسعره 3521دولار ثلاث الاف وخمس مئة دولار شامل الدراسه والمواصلات والتامين لمده عشره اسابيع
وهذا اللي عندي والله والله يوفقك ويوفق المسلمين
وادعووو لي تكفون بان الله يسهل امورنا ويفتح علينا ابواب رحمته ورزقه
والله هذا اللي ابيه فقط

اولا اخوي لا تدرس في معهد تجاري و ادرس في معهد تابع للجامعة وبالنسبة للأسعار الرخيصة يقولوا مشيجن و اوريجن واوهايو و ميني سوتا من ارخص الولايات و اعمل حسابك ان تكلفة الدراسة والسكن و المعيشة تقريبا 2500-2800 دولار شهريا تغطيك وبالنسبة لقوة و صعوبة الجامعات تختلف من شخص لاخر لا تعتبرها مقياس , انا مرة سألت طالب عن معهد يدرس فيه كيف مستوى المعهد قالي زفت و لما سألته ليش قالي مافي وقت اخرج طول اليوم و انا احل واجبات و لا يكفي فالمسألة نسبية من شخص لاخر.و بالنسبة للالتحاق بالبعثة انشاء الله امورك تتسهل بسرعة اذا كان ملفك كامل و اهم شي قبول الجامعة و انا قرأت خبر في المنتدى انه ما صار مسموح بالانضمام قبل مرور 3 شهور على دخول البلد و بالتوفيق يا رب.