استفسار اللي وصل أمريكا .. ايش صار معاكم؟؟

ياليت احد يفيدنا بموضوع Hard disk
انا ابي اخذه وخايفه احد يفتشه لان فيه صور العايله؟؟؟
ياليت اللي يعرف يفيدني

ابد اسويلك قهوة يحبها قلبك مع تميرات سكري مكنوز خصيصا من مزرعتنا بالقصيم <<< طبعا بامريكا بسويها لك

تم ... تم .. تم

دخّلها وماجآآآك عندي ... وحط معها مخدرات .. وكليجا .. وحشيش .. ومطازيز .. << ما كأن عنده خلط معيشي ..

بالنسبة للقهوة دخلها مطحونه .. والطحّانه .. أتوقع عادي .. لأن مقص الأظافر دخل .. وش ذنب الطحّانه .. و ( المغوش ) .. << من راسه الأسم والا عنده طرف علم .. ماتدخل ..!

أطحن القهوة .. إحتياطا .. والباقي جيبها .. وأعقلها وتوكل ..

<< بيضمن القهوة ..


أنت في أي ولايه .. << ملزّم الأخووو ..
ترى عادي أستقبلكـ ..


تقدر تجيب معك (( ضب )) ..!!

حبيبي عنووفي<<تدليع لزوم التفصيل بالاجابه

استلم عفشي في واشنطن ؟ والا في بلد الدراسه ؟

واذا كان في واشنطن .. اقدر اقولهم يغيرونه لبلد الدراسه ؟

لاني بشيل شنطتين كبار+ لابتوب + هاند باق الشنطه اليدويه

وتنصحني احجز على اي خطوط السعوديه & القطرية ؟

وش رايكـ

مسار رحلتك كيف ؟
اذا السعودية واشنطن - ولايتك .. العفش بيدز على ولايتك بس لازم ينزل في واشنطن وتستلمه علشان الجمارك والامقريشن وبعدين تسوي له check in مره ثانية على ولايتك ..

واللي يرحم والديك .. في اي ولاية انت ؟؟
اقسم بالله اني متعذب بدون قهوة .. شريت لي بن برازيلي واحاول اتخيل انها قهوة عربية ..

اذا على الطاحون لا تجيب لأنه متوفر هنا وعشان تبعد عن القلق والتفتيش الزايد مع اني اتوقع انه عادي

جب معك زمزميتك وفناجيلك والعدة كلها وكثر قهوه انا فداك ..

دبل كيك .. للموضوع .. ولي رجعه ..

عادي .. خليه فالشناط الكبار ..

هآآآآآه << ماهو وجه دلع خخخ

تستلمه في امريكا .. << جواب اللي مايدري ..








من غير قصور في أخوي اللي جاوبك ..
بالنسبة لي وللأخوان اللي كانوا معي .. كلن نزّل عفشه معه .. وراح للفندق .. وخلص أموره فالملحقيه .. ورجع شال عفشه للمطار ومشى لديرته ..
هذا اللي فهمته من سؤالك ..!!


شيل اللي تبغى .. بس إنتبه للوزن .. وكلها عادي نزّلها معك ..

والخطوط السعوديه جيت عليها .. طيّبه .. ودايركت واشنطن 13 ونص .. فالسماء .. وسلامه تسلمك ..