الأعضاء الإشتراك و التسجيل

الملتقيات
ADs

-----------------------

-----------------------


NOTICE

تنبيه: هذا الموضوع قديم. تم طرحه قبل 2881 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة رائد ,, 1987
    ال i20 قطعته امس الحمدلله ..
    والله انتم منتو متخيلين الراحة النفسية اللي حسيت فيها خلال بس الساعات من امس حتى الحين .. اكتشف اشياء كثير
    اكتشفت اني مبرمج نفسي على حياة الغرب وعايش عليها من زمان ..
    اكتشفت اني مقصر بحق والديني ,, اليوم اول مره اروح اصلي الجمعه مع الوالد من خمس سنوات (الحمدلله اصلي كل الصلوات)بس مو شرط مع والوالد ..
    اكتشفت عندي اهل واقارب ,, اقدر اجلس واطلع معهم ..
    ياجماعه ترا حياتنا احسن من حياة الغرب بألف مرة ,, حياتهم مرض..

    هذي الاشياء غلطتك انت مقصر فيها من زمان

    ليش يعني الواحد لما يكون مبتعث يعيش زي الغرب ؟؟؟؟ ويقطع بااهله واقاربه ؟؟؟؟؟

    مو معناته اننا بنروح عندهم بتتغير حياتنا ............ حياتنا بتبقى زي ماهي ان شاء الله وغربتنا بتضيف لنا اشياء افضل وليس العكس
    7 "
  2. اخوي انت قاعد تحطم نفسك بنفسك.. وعااااادي هذي الدراسه برا.. ولا ليش الي يرجع ومعه شهاده من برا .. اهله يرفعون راسهم فيه؟؟؟

    لأنه كرف وتحمل لما اخذها... شدعوه.. امانه شلون جالك قلب تشقه.. يعني لو رحت واخذت لك لغه واذا ما قدرت تكمل ترجع.. بس كذا مرة وحده تكنسل كل شي!!!!!!!!

    الحمدلله ان طموحي اكبر من طموحك.. و قوة عزيمتي اكبر..
    7 "
  3. السلام عليكم ورحمة الله وبركاته

    اخوي ماكتبت لك هالرد الا اني حاس باللي تحس فيه الان
    نصيحتي لك اخوي لاتستلم ابدا توكل على الله وثق بأن الله عزوجل لن يضيعك
    ياخي كلنا نعرف ناس راحوا لامريكا وهو مايعرف A,B,C والحين ماشاء الله دكاترة بأعلى الدرجات بفضل الله تعالى

    اخوي لاتجعل اول عقبة تواجهك تقف عندها بالعكس اجعلها دافع اقوى لك لكي تكمل تعليمك
    صدقني الواحد منا لوكان له هدف بيحققه بإذن الله لو ايش ماصار
    يعني انت الحين عشان الجيمات بتوقف البعثة؟؟؟؟
    وكيف الناس اللي قبلك مشوا في دراستهم وكملوها وعدوا اختبار الجيمات...هل فيه فرق بينك وبينهم؟؟؟
    اخوي كلنا شايلين هم هالاختبار ولكن اللي سمعناه في بعض المعاهد تعطي كورسات تأهلية للجيمات
    وانت من الحين ابدا في البحث من خلال النت عن الاختبار وعن نوعية الاسئلة وامثلة من الاختبارات عشان تجهز نفسك من بدري

    انت الحين ركز على اللغة وخلي تركيزك كله في الفترة القادمة انك تتمكن بقووووووووة من جانب اللغة
    لانها الخطوة الاولى للنجاح ومواصلة الدراسة بإذن الله تعالى

    صدقني واحد مثلك ماراح يوقف الجيمات في طريقه لانك ان شاء الله بتعديه وبأعلى الدرجات وترجع سالم غانم بأعلى الشهادات
    وراح تكون هالايام مجرد ذكريات وتقول الحمد لله اني مااستعجلت ورفضت البعثة!!

    استعن بالله ولاتعجز

    تمنياتي لك بالتوفيق والنجاح ونشوفك بأقرب وقت في أمريكا....
    7 "
  4. المشاركة الأصلية كتبت بواسطة رائد ,, 1987
    ال i20 قطعته امس الحمدلله ..
    والله انتم منتو متخيلين الراحة النفسية اللي حسيت فيها خلال بس الساعات من امس حتى الحين .. اكتشف اشياء كثير
    اكتشفت اني مبرمج نفسي على حياة الغرب وعايش عليها من زمان ..
    اكتشفت اني مقصر بحق والديني ,, اليوم اول مره اروح اصلي الجمعه مع الوالد من خمس سنوات (الحمدلله اصلي كل الصلوات)بس مو شرط مع والوالد ..
    اكتشفت عندي اهل واقارب ,, اقدر اجلس واطلع معهم ..
    ياجماعه ترا حياتنا احسن من حياة الغرب بألف مرة ,, حياتهم مرض..
    ممكن خيره لك اخوي والحمدلله على كل حال ...,

    لكن يبقى الابتعاث حلم للجميع وكذلك هو امر ارغم عليه البعض ممن لم يجد له في رؤب وطنه فرصة لكي يكمل تعليمه فيكون الابتعاث احد الخيارات المطروحه امامه ..
    كما انت شعرت براحه عندما مزقت الاي تونتي فالكثير شعر بالراحه عندما حصل عليه ولكن هي ارزاق واقدار
    نسأل لنا ولكـ التوفيق هنا او هناكـ....,
    7 "
  5. حالتك صعبه

    اسمحلي صحيح اللي تقول عليه
    بس مشاءالله شكل هدايتك جت يوم حسيت انك بتروح عن
    اهلك وخصوصا والديك
    وانا مع اختيMs.optimistic
    ومع الاخوان اللي ردو قبلي
    حتى كثير ملتزمين رايحين يدرسون
    وماقالو مثل ماقلت انت؟؟؟؟؟؟

    هذه حياتك وانت اعرف
    وراجع حسابتك
    وبر بوالديك
    ورجع قبولك اصرف
    ترى كلها لغه ماراح تضرك
    7 "
  6. صراحه احسن قرار اتخذته لان من اللي فهمته من شخصيتك انك انسان ضعيف وتستسلم بسهوله

    يعني لو رحت هناك ايش حتسوي حتنتحر مثلا لانك ماتتحمل شي وتنصدم بسرعه

    بالله عليك الجامعات اللي جات بالمعرض كلها قويه يعني اكيد طالبين درجات عاليه

    وامريكا مافيها غير هالجامعات ؟؟؟؟ طبعا لا

    وبالنسبه للحجاب مين قالك اننا بنشيل الغطوه والعبايه اصلا

    انا عن نفسي وكثييييييييييييير اعرفهم وراحوا لامريكا ومحد كلمهم عن حجابهم بلا بالعكس يحترموهم ويقدروهم

    غير كدا المطار والطياره ياخي قبل امس صحبتي سافرت وماصارلها شي لامن تفتيش ولا شي

    اجرات عاديه وكمان جابولها حرمه بالمطار عشان تكشف وججها قدامها وبغرفه لحالهم

    بس مااقول غير الله يكتبلك اللي فيه الخير

    وياليتك ماكتبت هالموضوع عشان اللي ضعاف زيك مايتراجعوا ويخافوا ويبطلوا من البعثه بسبب الخوووووووووووف

    الله يهديك بس
    7 "
  7. السلام عليكم ورحمة الله وبركاته ..

    أخوي رائد .. أنا اقدر أتفلسف لك ألحين .. وأتكلم معك بلغة عربية فصحى .. وأجيب لك من الأمثال والحكم ما يشد من عزيمتك ( على المفترض ) .. بس في مث حالتك هذي .. صدقني ما ينفع معك إلى الاسلوب اللي راح أتبعه ..

    يا طويل العمر .. أنا حالياً ابي أناقشك .. و بالأصح أبي أسولف معك ( آخذ وأعطي ) .. وعدني واحد من أخوياك راكب معك رديف بالموتر .. وماسكين الدائري الشرقي .. وأنواع الزحمه .. وبما إن السير واقف .. فكل تركيزك وإهتمامك صاير على النقاش والحوار ..


    رائد .. حالياً .. أنت خريج محاسبة من جامعة الملك سعود .. قدمة على البعثة بالمرحلة الخامسة وما بقى لك إلا القليل .. اللي حطمك وخلى دمعتك تنزل هي الجيمات وتعامل المطارات ..!! معقوله ..

    يا أخي أنا أبي أعطيك رايي بالموضوع .. كيفك باللغة ..!!؟ حلو .. وإلا من جنبها ...!!؟

    طيب .. وش رايك تطلع .. تدرس لك لغة في معهد .. منها تستفيد كسياحة على حساب الدولة ( في حدود المعقول ) .. ومنها تاخذ لغة .. حلو .. على كلامك .. إن العقبة هي الجيمات .. موب التوفل .. طيب .. التوفل في حد ذاته يعتبر مطلب كبير وأساسي لكل واحد طموحه كبير .. مثل ما قلت لك .. أنت رايح تكسب سياحه ولغة وتوفل .. والجيمات الله أكبر .. أنت ما فيك نقص .. تجيبها وبكل بساطه .. بس اللهم شوية جهد .. وغير هذا .. صدقني راح تستفيد من اللي تدرسه .. ولو كان خارج نطاق التخصص .. وبإذن الله .. راح تكون هالمعوقات طريق ممهد لك للجامعة .. بعدها تدخل الجامعة وتكمل الماستر وأنت مهيأ بشكل أفضل من الناس اللي سبقوك .. ولو لا قدر الله وما مشيت .. يكفيك اللغة والسياحة .. والتوفل إن حصلت عليه ..

    يعني الموضوع ما يحتاج كل هالحجم .. الأمور بسيطه .. والتوفيق بيد الله .. وخل ثقتك فيالله كبيره .. أنا ما أشوف فيه فروقات كبيره .. إذا كنت واثق في نفسك سابقاٌ إنك تجيب التوفل .. فما أعتقد إن ثقتك هذي راح تخونك مع الجيمات ..

    وغير هذا .. أنت حالياً تتكلم على وجهة واحدة من وجهات العلم .. يا أخي روح خذ لك لغة وإدرس المعهد في أمريكا .. وأطلب تحويل بعثة لكندا مثلاً .. وللمعلومية في جامعات ما تطلب الجيمات .. يعني الخيارات متاحة يا طويل العمر .. ما لك اي عذر إنك تتكاسل وتتراجع ..

    وفيه نقطه مهمه حبيب قلبي .. مثل ما قلت .. أنت حالياً في المراحل الأخيرة بالنسبة لتعاملات البعثة وبرنامج خادم الحرمين الشريفين .. وهذا يعني إن أبوك امك الله يحفظهم لك .. صار أملهم فيك كبير .. خصوصاً إن ولدهم بيروح يدرس في أمريكا .. وبيرجع بالماستر .. وراح يكمل الدكتوراه من بعدها .. بيوم وليله تحطم آمالهم .. وتبقى خريج بكالورويس جامعة الملك سعود .. وأمسك سراااا مع المحاسبين اللي يدورون وظايف...!!

    انا أقول .. تعوذ من إبليس .. وأستخر .. وشد حيلك بس .. ولا عاد تطري عليك مثل هالأفكار .. وتراني شخصياً أنتظرك تكتب موضوع بعد كم سنه هنا .. تبشرنا بالماستر ...!!


    أتمنى لك التوفيق .. وارجوا إنك تراجع نفسك ...!!


    أخوك/ أحمد ..!!
    7 "
  8. يااخي انت لا تحبط نفسك بنفسك حاول تجتهد واتدرس اللغه وتتيسر عليك الامور من قال ان هناك الامور مقعده بس لمن تطلع هناك حتشوف اشياء ويتغير فكرك عنها بس ان اعطي نفسك الدفعه القويه وتوكل على الله تجده امامك واتمنى الك التوفيق

    معلوم ان احد لن يحقق هدفه ما لم نخط باتجاهه ولو خطوه واحده فرحلة الاف ميل تبدا بخطوه والمقصود باخطوات هي
    العادات التي إن كنا واقعيين في اختيارها وتحديد اوقاتها فسوف نصل الى اهدافنا بسهوله ان شاء الله

    تقبل تحياتي
    اخــــــ الراهب ــــوك
    7 "
2 من 4 صفحة 2 من 4 123 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.