الأعضاء الإشتراك و التسجيل

الملتقيات
ADs

فضيحة جامعة الطائف

فضيحة جامعة الطائف


NOTICE

تنبيه: هذا الموضوع قديم. تم طرحه قبل 2875 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية جماال النفيعي
    جماال النفيعي

    مبتعث مستجد Freshman Member

    جماال النفيعي كندا

    جماال النفيعي , ذكر. مبتعث مستجد Freshman Member. من السعودية , مبتعث فى كندا , تخصصى فيزياء , بجامعة جامعة الطائف
    • جامعة الطائف
    • فيزياء
    • ذكر
    • الطائف, المملكة
    • السعودية
    • Dec 2009
    المزيدl

    January 31st, 2010, 12:43 AM

    أسعد الله أوقاااتكم بالخير والمسراااات
    ودي أبدأ بالسااالفة ع طول بمقووولة ( أبرقت وأرعدت ولم تمطر )
    معاناتي مع جامعة الطائف تكمن بالآتي :
    الدكتور الموسى الله يجزاه خير قال بالملتقى ان الوثائق الجامعية لابد أن تكون مختمة باللغة الانجليزية وحين سألت أحد الأخوات سعادته أن جامعة طيبة لاتمتلك أي ختم انجليزي فما الحل ؟؟؟ فأجاب أنه من المستحيل ألا تمتلك الجامعة ختم انجليزي وبينت الأخت أن الجامعة لم تقوم بختيم أوراقها بالرفض القطعي فأجاب أن تشتكيها ع مدير الجامعة ( إذا كاان خصمك القاضي مين تقااضي ) يعني أشتكي الجامعة ع نفسها ؟؟؟
    هذي الساالفة اللي صارت بالملتقى ... واليوووم نفس السنااريو يتكرر في جاامعة الطااائف .. هل يعقل جاامعة بأكملها لا يووجد فيها ختم انجليزي .. وبعد رووح وتعاال واطلع وانزل ويمكن تحصل ويمكن لا وأتوقع وما أتوقع وانتظر .. وبعد مالفيت الجاامعة بأكملها من السااعة 8 - 1:30
    بدينا من القسم وشحططة وملطعة على قلة فااائدة .. وبعد ما أستنفذو لياقتي البدينة بالمشاوير وبعد ماسمعت أنواع الأسئلة الموجهة لي كيف وليش ومن قال ومتى ومدري وشو اكتشفو الأخوان وبعد الصجة والرجة اللي صااارت الإكتشاف العظيم ان الوثائق ماتتختم من عندهم << قمة الذكااء .. بس اللي يقدرون يختمونها ختم نص انجلييزي التوصيات فقط مع الشرط التعجيزي أنه لايمكن وضع الختم الانجليزي ع ورقة مصورة ..طيب وبااقي الأورااق ؟؟؟
    روح ياعزيزي الطالب للقبول والتسجيل والأكيد انك بتحصل ختم انجليزي .توكلنا ع الله ورحنا للقبول والتسجيل وانتظر الموظفين الأفااضل يفضون ويجوونك عند الشبااك وبعد الإنتظااار يقوولك ماعندنا الا ختم عربي لكن روووح للمدير فووق يمكن لعل وعسى تحصل عنده << جامعة تعمل ع مبدأ التخمينات.. رحنا للمدير الفاااضل وقال ختم انجليزي ماااااااااااااااااااااافيه يمكن السنة اللي بعد الجاية يكوون فيه << إجابة شاافية وكاافية .. وبعد نقااش بيني وبينه حول كلاام الموسى والختم الانجليزي قاال رووح للعميد وقوله الموسى يبي ختم انجليزي يمكن يختم لك ويمكن تروووووووووووح تختمها من عند الموووسى <<< إجابة منطقية ..
    بعد هذي الحووسة وقلة الخااتمة شارو علي بعض الأخوان انه يوجد ختم انجليزي بقسم اللغة الانجليزية << كلام منطقي .. توكلنا ع الله ورحنا للقسم ولكن للأسف مثله مثل الأقساام اللي قبله ماااااافي ختم انجليزي .. وقال ان الختم العربي يمشيك ومعترف فيه .. وسألني سؤال شوي مهضوم .. والا انت تعتقد ان الجامعة للي انت رايح لها مافيها ناس يقرون عربي ؟؟؟
    يعني ماااافي أمل بالختم الانجليزي الذي أصبح هاجس هذا الطالب المبتعث <<< يكسر الخاطر
    هذي سالفة الختم ... أما سالفة السيرة والسلوك رحت وترجمتها ترجمة معتمدة من برا وطلبت من الأخوان يختمون عليها .. تفاجئت بالسؤال التاااالي اللي مايخطر على البااال :
    هل أنت متأكد من أن هذه الترجمة صحيحة ؟؟ << معقولة مسؤول ومايعرف
    المهم جاوبته لا لكن البركة فيك انت قال وانت مالك ومال الخسائر لللترجمة أنا أعطيك شي من عندي مترجم ومضمون << يصرف
    اعطاني الله يوفقه شهادة انجليزية لكن موضوعها بالعربي قلت حوله الموضوع انجليزي فماذا فماذا تتوقعون طلب مني ؟؟
    طلب الترجمة اللي كانت معاي ع شان ينقل الموضوع منها
    وبعد هاللفلفة والملطعة والشحططة رجعت محطم ومسكرة أبوواب الدنيا بوجهي ومكسرة مجااديفي
    ... اللي أبي أعرفه بس :
    الدكتور الموسى يطلب ختوم انجليزية ع أي أساس ؟؟ ويقول الجامعات عندها ختوم والجامعة تقول رووح ختمها من عند الموسى ؟؟؟؟ يعني هال الدكتور الموسى ماعنده خبر بالشي اللي صاير بالجامعاات أم هنااالك ختووم تعمل خلف الكواليس والا وش الساااالفة بالضبط ؟؟
    هذا بس تختيم ... أجل بكررة أنا رااائح لهم ع شاان يظرفونها بظرف رسمي وختم ع الظررف ... وش بيصير ؟؟؟؟ ياااارب سترركــ بس
    <<< خرج من الجامعة وهو يتخيل الختم الانجليزي ويغنيله :
    بيني وبينك طول البعد بالحيل *** متى يحين الوقت واقدر أشوفك
  2. هههههههههههههههههههههههههههههههههههههههههههههههههه
    والله همك ياااااااااااااااخوي مثل همي
    ونفس حكايتك مازدت ولانقصت شي
    والله كانك معي في ذيك الايام>>>>>>>>>>>>اله لايعودها
    كل شي يهون والتوصيات عقدتني في حياتي
    من كل قلبي ادعي لك الله يوفقك ويسمح دروبك
    بس قبل ماتطلع اشرب حبتين اسبرين
    اله يعينك
    جامعاتنا,كلياتنا,دوائرنا الحكومية...وجع قلب
    7 "
  3. الشحططة والمرمطة لازم منها اصلا اذا موضوعك مشى بدون تسحيب راح تشك انك مو في جامعة سعودية
    ومانصير طلاب جامعيين اذا ماتمرمطنا هههههههههههه
    تحيااااتي لك أخت بلدي
    ومشكووورة على الدعوة الحلووووة
    7 "
  4. الله يعيينك
    واحساسي ان كل جامعاتنا (بستثناء جامعه البترول) مش حالك

    معقوله ختم عربي وشهاده حسن سيره وسلوك عربي

    وبعدين انت متأكد انهم يبون شهاده حسن سيره وسلوك ؟!!! ياخي هذي نسيناها من ثالث ثانوي ماعاد لها طاري!!!!
    7 "
  5. الله يعينك أخ جمال, أضيف على كلامك معاناتي مع جامعة الملك فيصل:

    بسم الله الرحمن الرحيم


    معالي وزير التعليم العالي الدكتور/ خالد بن محمد العنقري حفظه الله
    السلام عليكم ورحمة الله وبركاته وبعد..
    أنا طالبة مرشحة للابتعاث إلى الولايات المتحدة الأمريكية في المرحلة الخامسة من برنامج خادم الحرمين الشريفين للابتعاث الخارجي, ومن المعلوم أن جميع الجامعات تطلب نسخة رسمية من السجل الأكاديمي باللغة الإنجليزية, ولكني لم أتمكن من الحصول عليه..
    لقد تخرجت عام 1429 هـ من كلية التربية للبنات الأقسام العلمية بالأحساء, التي انضمت مؤخرا إلى جامعة الملك فيصل وأصبحت كلية العلوم بالأحساء وعميدها الدكتور/ شار بن سعد الشهري.
    حصلت على سجل أكاديمي باللغة العربية وعندما طلبت من الكلية الحصول على سجل أكاديمي باللغة الإنجليزية رفضت طلبي.
    إن جميع الطالبات المتخرجات من عام 1429 هـ وما قبل من هذه الكلية لا يصدر لهن كشف درجات باللغة الإنجليزية بحجة أن الكلية قبل انضمامها لجامعة الملك فيصل ليس لديها نظام آلي للترجمة.
    لجأت إلى أحد مكاتب الترجمة المعتمدة بالدمام لترجمة السجل الأكاديمي وتم تصديقه من قبل الغرفة التجارية.
    توجهت بعدها إلى وزارة الخارجية لتصديقه لكنها رفضت تصديقه بدون وجود ختم الجامعة أو الكلية.
    ذهبت بعدها إلى الكلية وطلبت منهم ختم السجل المترجم والمصدق من الغرفة التجارية ولكنهم رفضوا أيضا, وأعطوني إفادة بأن الكلية يتعذر عليها اعتماد وختم الوثائق المترجمة باللغة الإنجليزية بختم الكلية حيث لا يوجد في الكلية نظام آلي لترجمة الوثائق كما لا يوجد أشخاص متخصصين في اللغة الإنجليزية لتدقيق المعلومات بعد ترجمتها من المكاتب المعتمدة.
    نحن خريجات هذه الكلية لا يمكننا الحصول على سجل أكاديمي معتمد باللغة الإنجليزية.
    لقد تشرفت بمقابلة معاليكم شخصيا في آخر يوم من المعرض الدولي للتعليم العالي وطلبتم مني إرسال خطاب بمشكلتي عن طريق الفاكس الخاص بكم, وقد أرفقت معه مستنداتي.
    أرجو من معاليكم التكرم بحل هذه المشكلة شاكرة لكم حرصكم وتعاونكم.
    الطالبة :
    البريد الإلكتروني:
    الجوال:
    7 "
  6. ﻻ تقلب المواجع وانا اخوك يا ما ضربنا مشاوير بين مدن المملكة طلباً

    في الحصول على ختم للسجل اﻻكاديمي وهتك يا تسحيب يا رجال صرت عارف

    كم عدد عيون القطط اللي في الخط السريع من جدة للرياض في سابقة لم يفعلها احد من قبل!

    وفي النهاية بناءاً على توصية احد اﻻخوان اخذت السجل وطلعت للغرفة التجارية وتم المصادقة على ختم

    المكتب وكمان طلعت لوزارة الخارجية وصادقت على الختوم كلها

    وعند وصولي لكندا ارسلتها للملحقية وارسلت معها نسخ وختموا لي كل ابو امها

    الله ﻻ يعديها ذيك اﻻيام .. المشكلة لما تحصل مسؤول وجاهل بنفس الوقت

    ما يعرف من اﻻنظمة اﻻ اسمها فقط.

    محدثكـ من البرنامج الثالث .. يعني من المفترض ان تكون الجامعات ملمة باﻻنظمة الخاصة باﻻبتعاث

    في هذا الوقت .. لكن ﻻ حياة لمن تنادي!

    وكان الله في عونك انت وجميع الزمﻻء
    .
    .
    .
    وبالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.