فيه احد جاب قبول معهد لنفسه وطنش المكاتب المتآمره وراح اخذ قرار الابتعاث

السلام عليكم ورحمة الله وبركاته
ياجماعة الخير فيه أحد جاب قبول معهد لنفسه وصدرت فيزته على قبوله وطنش قبول المكاتب وراح اصدر قرار الابتعاث بدون أي مشاكل
والا فيها حووووووووووووسه الله لايقول
تراني اخذت فيزتي على القبول اللي انا جايبه قبل مايوصلني قبول المكتب وكان موعد مقابلة السفارة قبل تاريخ وصول القبول من المكتب وصرت قدام الامر الواقع
مدري اذا فيه احد قد اصدر القرار يفيدنا الله لايهينه
وجزااااااااكم الله كل الخير والله يوفق الجمييييييييييييييع:sleep3:

لا حبيبتي عادي ما في اي مشكلا كملي وراقك و الله يوفقك

اهلا حبيبي

انا الان صار لي ادرس شهر

وكل شئ انا بنفسي مسويه .. وماكلمت مكاتب ولا شئ

شريت راسي :D

وبالنسبه للقرار انا صدر قراري في 9 ايام تقريبا :D

بالتوفيق :)

مشكورييييييييييين وانشاالله يارب الله يسمع منكم
لكن على قولة عبدالمجيد عبدالله هذاك أول ،،،،، والحين بعد التشديد والصراخ من موظفي ادارة الابتعاث وخاصة مدير البرنامج هذا الحربي اللي معقدها كنه دافع شي من جيبه يقول ماراح يعتمدون قبول غير مختوم من المكتب المكلف باحضار القبولات ،،،، لكن الله يقوينا ويعيننا عليهم وعديها على خيييييير ،،،،،،،، بأجلس شهر الين ما اطلع اخذ القرار وكل يوم جالس اوسوس والافكار تروح وتجي ،،،،، وحسبي الله على كل من يتعب نفسية الناس

تعجبوني *_^

موفقين يااااارب :)


:kitty:

يا جماعة بعد ملتقى الرياض مباشره أعطيتهم معروض وكتبت فيه عده أسباب لم أختلقها من نفسي بل كانت موجوده في المعهد الموجه من قبل الوزاره وسوء منطقه الدراسه (الولايه)

وجلست أنتظر لأنهم كانوا مشغولين مع ملتقى جده وملتقى الدمام وما أحد رد علي.

اليوم جاتني رساله في الإيميل على أن تم قبول طلبي للتغيير الولايه والمعهد مع العلم أن مع تقدييمي للخطاب أو المعروض أعطيتهم نسخه من I-20 للمعهد اللي أبغى أدرس فيه.

أي واحد يحتاج نفس الشي وعنده أسباب مقنعه لا يتردد أنشالله تمشي أموره بدون واسطه ولا شي

موفقين