فضلا وليس امرا اقرأ مشكلتــي

والله انا اعرف ناس كثير زيك و باقي من المكافآة هذا المبلغ و عايشين عادي ، اتبهدل اول شهر و هناك دور على شئ ارخص اكيد بتلاقي و اذا ما لقيت اتحمل ثلاث شهور و حول ، انا مشكلتي اسوأ من مشكلتك انا ماني عارفة كيف حاسكن اول شهر الين تنصرف المكافأة حاطلع و ما معاي مبلغ زين لأن الآوضاع المادية اتأزمت و مدري ايش راح يصير *

الله يسهلك يارب وقت تروح هناك تلقى سكن ارخص

وانا اعاني من نفس المشكله

ليه ماتسكن مع عائله

ليت الوزاره تقدر هذا الشي وتعطي المكافآت حسب غلاء المكان

احس فيها ظلم في ناس تستفيد من المكافأه بالكامل وتزيد وبعضنا في اماكن غاليه كلها للايجار حتى اكله ممكن مايلحق عليه

اتمنى من الوزاره تدرس الوضع اكتر... لان الاغلبيه معتمد على المكافأه فقط

قلتله في ولاية انديانا قالي الواضح لدي بأنك في نيويورك الخمــت وقلـتله نيويورك أخت انديانا وامريكا وحدة والله واحد
مدري وشلوون اطلعت بس ماحبيت اني ارتبكـ علشان ما يرفض الفيزا ومشت الامور على كــذا ( عساكم تكرهون شيئا وهو خير لكم ) .
وش رايكــم وشو الحــل الان ؟ ولكم جزيــل الشكـــــــــر



هذي حلووووه ههههههههههههههههههه
اسمع وانا اخوك اذا كنت عزوبي ولادخن والله انصحك من جد في نيويورك الطفش ماتعرفه ابد صح ان الناس مش ولابد بس هناك تتعرف اكثر شي على امريكان مو من اصل امريكي انا جلست فيها مايقارب 7 ايام وااااااااااااو بس مشكلتي عدوي البرد بشكل ماتتوقع << يصعب الشرح
وفيه واحد من خوياي ساكن مع برازيليه ب 900 دولار صح الغرفه صغيره بس مايجي الا وقت النوم
وهو استفاد واستاجر عن طريق http://newyork.craigslist.org/

الله يوفقك انشالله واي احد تشوفه كويس ارسل له ايميل وانشالله انك تلقى واكون افدتك

لا تسكن في مانهاتن لأن أسعار السكن خيالية
اسكن في بروكلن أرخص وعندك السبوي يوديك للي تبي

انا صرحة باستطاعتــي أتحمــل شهـر ما عندي مشكلــة بس انا عارف نفسي أبصــرف لاني ما اعرف امسك الفلوس

والمبلغ اللي معاي ابغى اشتري فيه سيارة بالمستقبل ولا أبي اضطر اني العب فيــه وبعدين اشتري سيكـل

وبالنسبة لكي يا اختـي أهم حاجة تطلعين ومعاكي مبلغ اول شهـر يمشي حالك حتى لو تتسلفي سلف وتسدديه
أقساطـ ميســرة وبالتوفيــق ( ومن توكل على الله فهو حسبه )

هلا بكـ يالحبيب

المشكلة ان الكلام هذا على سكن العائلــة وانا مابي اسكن غير مع العائلة لان اللغة عندي ضعيفــة

واذا على الوزارة يارجـل ما نقول الا الحمدلله لان على ماسمعت ان المكافأة اول كانت 1400 وزادوها

50 بالميه الله يطول بعمر ابو متعــب وعلى فكرة انت بأي ولايــة يالحبيب .

حياكـ الله يالحبــيب

الوزارة مالها الا تقولكـ حول من الولاية هذي طبعا بعد ما تطفــر

وأنا أتمنـى من الوزارة صراحــة تكون تتحمل تكاليف السكن مثلما تتحمل مصاريف المعهد او الجامعـة ( طرار ويبي ثوب كبك ) هههههه

وجاري البحث وراح افيدكم بكل جديد وبالنسبة لسكنك صراحــة روووعـة يعني يمديك تجمع من المكافأة وتبني ناطحـة بنيويوركـ هههههههههههه

وبشرنا يالحبيب عنكـ وشلون أمورك مع الغربــة والحين صرت بلبل ولا على خفيف وعلمنا وش اللي نسيته تظمه
في شنطتكـ وأتمنى لك التوفيق

وجاري البحث عن سكن وراح افيدكم بكل جديد

حياكـ الله يالحبيب

اللي مهونها على اني عزوبي وبلحالي أدبر عمري

ثانيا سكن خويك على ما اعتقد نظام روميور وهذا حلو واريح للواحد بس انا ابي عائلة علشان أقوي لغتــي ومسألة
خويك مايجي الا وقت النوم وباقي اليوم وين يقضيـــه أجــل

وشكــر جزيلا على مشاركتكـ .