الأعضاء الإشتراك و التسجيل

الملتقيات
ADs

فكرت انتحر ولانه حرام قلت اروح اجاهد أفكار جتني بسبب قبول

فكرت انتحر ولانه حرام قلت اروح اجاهد أفكار جتني بسبب قبول


NOTICE

تنبيه: هذا الموضوع قديم. تم طرحه قبل 2862 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ماجستير إحصاء
    ماجستير إحصاء

    مبتعث جديد New Member

    ماجستير إحصاء السعودية

    ماجستير إحصاء , ذكر. مبتعث جديد New Member. من السعودية , مبتعث فى السعودية , تخصصى master , بجامعة مدري
    • مدري
    • master
    • ذكر
    • مدري, مدري
    • السعودية
    • Feb 2010
    المزيدl

    February 13th, 2010, 03:07 PM

    بسم الله الرحمن الرحيم
    أتمنى أن أجد من يساعدني وأقسم بالله له مني الدعاء العظيم
    أنا معيد في أحد الجامعات
    ولي سنه ابحث عن قبول ولم أجد
    طبعا رفضت من 3 جامعات بسبب معدلي ضعيف في مواد التخصص الرياضيات
    ومعدلي العام 3.95
    وأبي قبول ماجستير العلوم في الاحصاء هذا اللي طالبينه من الجامعه الي انا اشتغل فيها
    بدأت معاناتي مع المكاتب حتى فقد الثقه
    والان وانا اراسل بنفسي
    احيانا اراسل جامعه وادفع الابلكيشن فيز ثم تطلع ماتعطي قبول مشروط أو ماتقبلني
    تعبت ثم تعبت ثم تعبت
    انا طلبت من جهة عملي الجامعه اروح ادرس لغه وابحث عن قبول في امريكا
    فكان قرارهم الموافقه بشرط في خلال سنة اللغه تحصل على قبول مدري هل استطيع الحصول على قبول
    واكيد راح يكون التوفل مطلوب ويمكن الجي ار اي ولادري هل استطيع اجتيازها
    أنا راح أسافر بعد شهر
    وبسبب عدم حصولي على قبول أحس بعدم ثقه بنفسي وأحس بأني ماراح أدرس زين في اللغه
    أنا تضايقت نفسيا واجتماعيا والله العظيم الأكل أني يمر الثلاثه ايام ما أكل إلا وجبتين
    والله اني احيانا ادعي ربي يريحني من هالحياه اللي تعبتني وتصعبت أموري
    أنا الحمد لله محافظ على صلواتي واذكاري ولكن أحس اموري تتعقد
    أنا بين مطرقة جامعتي وسندان جامعات أمريكا
    أنا مهما كان لازلت مسلما وأملي في الله كبير بأن يساعدني
    وأملي في أهل الخير الذين يعرفون احد في امريكا يقدر يساعدني
    أرجوكم ساعدوني
    فقد خسرت الكثير من اموالي البسيطه وخسرت وقتي وضعف بصري في التنقل من موقع جامعه الى جامعه لكي أبحث عن قبول واصبحت تراودني أفكار غريبه وسيئة
    علما أن لغتي ضعيفه

    انتظر الفرج من ربي سبحانه ثم منكم
  2. السلام عليكم ورحمة الله وبركاته

    كيف حالك يا طيب .. ؟

    صلي على النبي .. وماتضيق الا تفرج صدقني ..

    وانت جالس تطلب علم .. والله يوفقك ويوفق كل من طلب العلم

    يعني افهم من كلامك انه تقدر تطلب سنه لغه وخلالها تجيب قبول جامعي .. ؟

    طيب بحول الله وقوته تقدر تسوي ذا كله .. وعلى اقل من مهلك ..

    تزيد ثقتك بنفسك لمن تتعلم اللغه وبكل جداره .. وحبه حبه تجيب قبول لنفسك .. ومن هناك تقدر تبحث عن جامعات ماتطلب الـ

    GMAT or GRE

    وصلى الله على سيدنا محمد ..

    وهذا حاصل مع بعض المبتعثين ولا تشيل هم .. بعدين بقلك حاجه ..

    فكر في النعم الي انت فيها ..

    ماشاء الله عليك موظف بجامعه .. معيد يعني .

    متعلم وصاحب شهاده وعمل وراتب ..

    ومسلم في الاول والاخير .. ومحافظ على صلاتك ..

    ماشاء الله تبارك الله

    اي نعم اشهد انه العلم نور ودرجات ورفعه .. لصاحبه ..

    والله يوفقك ويوفق طلاب المسلمين اجمعين في جميع انحاء العالم ..

    والدنيا ماراحت ياطيب

    هدي نفسك .. إبلع ريقك كذه وخذ نفس جامد .. وخرج كل شي موجود بصدرك .. وابتسم من جديد وكأنها الفكره جاتك وابدأ حبه حبه

    وارسم لنفسك مسار مخطط .. وروح خاطب جامعتك .. وروح ادرس على الاقل شهرين لغه .. وقبلها انت حاصر الجامعات من هنا

    اطرح موضوع .. والكل راح يفيدك بحول الله وقوته

    هذا الي اقدر اقوله لك .. والله ييسر امور الجميع
    7 "
  3. أقول من أفضل الحلول عندك


    صلح قائمة بالجامعات اللي تخرجوا منها زملائك الدكاترة ( لا تنسى الحين هم زملائك)

    وإدأ أدخل مواقع الجامعات وصنفها

    إلى أن تجد مبتغاك


    وأنا متفائل لك


    ياخي ناس معدلهم مقبول في البكالوريوس ومشت أمورهم

    فكيف أنت 3.95 يعني ممتاز إلا حاجة


    وذا نويت على الجهاد خلنا نتخاوى
    7 "
  4. الله يفرج همك من حيث لاتحتسب

    أخوي بقولك شئ يمكن يريحك شوي أغلب المبتعثين الآن من برنامج الملك لمرحلة الماستر رايحين بقبول اللغة ومعهم سنة لغة يحصلون فيها قبول جامعي يعني فرصتك أن تختار الجامعة وأنت على بينه تروح وتزور الجامعة بنفسك


    استخير ثم استخير ثم استخير والله يوفقك يارب
    7 "
  5. أولا .. حاول تختار جامعات تعطي قبول مشروط وتأكد من هذا الشيء من موقع الجامعة أو من طلبة يدرسون فيها .. يعني اختار جامعة اكد لك الطلبة إللي فيها أنهم أخذوا منها قبول مشروط.. واستعين بالخوان الاعضاء في المنتديات ما راح يقصرون معك .. وممكن تدخل لمواضيع تجمعات طلبة الجامعات .. وبتلقاها بمسميتها بالمنتديات ..


    ثانياً .. استعين بشخص ضليع في الانجليزي..



    ثالثاً .. أدخل على الويب سايت الخاص بالتخصص المطلوب وشوف قائمة الاساتذة وحاول تراسل منهم أحد وتشرح له كل ضروفك .. وتسأله هل تستطيع تأخذ مواد تكميلية لو ساعات حتى تتجاوزا النقص بالدرجات المطلوبة للرياضيات .. وسأله عن مسألة القبول المشروط..

    كثير منهم يقدم المساعدة للطلبة .. وأن شاء الله تلقى أحد يتعاون معك..

    رابعاً.. لا تيأس أبداً ..

    ترى أنا صاري لي سنة وثلاثة شهور أدور قبول وأبحث في الجامعات وفي كل الدول إللي ممكن أكمل فيها .. وبروح أدرس على حسابي وتقريباً معظم أموري معقدة من كل النواحي ولكن واثقة بأن الله بيسر لي أمري وماراح أتنازل عن تحقيق حلمي وأن شاء الله سوف أصل لمبتغاي .. صحيح تعبت من مواقع الجامعات ولكن كل مرة كنت آخذ استراحه بسيطة ومع الوقت تطورت خبرتي بالمواقع ما كنت أفهم إللي مدون بالمواقع والحين الحمد لله .. أقدر أسوي كل شيء بنفسي..

    أهم شيء تواصل وما تيأس ..

    وبالتوفيق لك أن شاء الله..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.