الإلحاق بالبعثة و قرار الإركاب

أعتقد لو كنت مسجل باسم بنت كان حصلت 24 رد مو 12 مشاهدة

الله يوفقك ياخوي ..

واذا انت تعتقد هذا الشيء .. فأرجع واطرح الموضوع بأسم بنت ..ما فات الا الشر .,,

لو عندي معلومه - ولا تزعل - ما راح اقولك لانك اتهمت كل من في المنتدى بأنهم -في اعتقادك - لا يردون الا على بنات ..

بالتوفيق ..

وتلقى من يتكرم بالرد عليك .

أخوي نينو ..

قبول المعهد مو شرط يكون تابع لـ جامعة بس شرط يكون " معتـرف " ..

قبول مشروط في لوس انجلوس .. ناس قبلك دورت قبول مشروط بـ لوس انجلوس وماحصلوا وأولهم " أنـا " ..

لأن : الجامعات بـ لوس انجلوس مرة قوية فـ مستحيل يعطونك قبول مشروط ..

ونسبتك الثانوية كويسة ماشاء الله تبارك الله .. وإذا أنت على حسابك القدرات والتحصيلي مالها داعي ..

في جامعات في كاليفورنيا تعطي قبول مشروط مو لازم لوس انجلوس .. وإذا مرة نفسك بـ لوس انجلوس ..

عادي : جيب لك قبول مشروط من أي جامعة وادرس اللغة ويوم تخلص من معهد اللغة وبإذن الله جبت المعدل المطلوب بـ التوفل ..

وقتها روح بنفسك لأي جامعة تبيها بـ لوس انجلوس وتقبلك طوالي وتبدأ الفصل الدراسي . وتسحب على القبول المشروط الي اخذته أول ..

تسألني الحين طيب وش فايدة القبول المشروط الي معي ؟!

الفايدة : تحصل على أمر اركاب .

شروط الحصول على أمر الاركاب /
1- قبول جامعي مشروط من جامعة معترفة .
2- تخصص معترف .
3- قبول لغة من معهد معترف .
4- التأشيرة أو الفيزا .

يوم تكون أوراقك كاملة بهالشكل روح للعطية وأعطيه أوراقك وقوله ابي أمر اركاب وبيعطيك إن شاء الله دام أوراقك كاملة والكمال لوجه الله سبحانه وتعالى ..

ومميزات أمر الاركاب /
1- يصفونك مع المبتعثين في الملحقية .
2- يرسلون ملفك طوالي للرياض .
3- سرعة الإلحاق بإذن الله .

يعني بالكثير 6 شهور وأنت منضم للبعثة إن شاء الله بس أنت اعمل حساب حق سنة .. عشان تكون بالمضمون ..

والصرفية هذا الموضوع يكبر ويكبر وماتحصل له إجابة .. الصرفية هذا يرجع لك أنت شخصياً أنت وصرفيتك ..

وكاليفورنيا غالية .. إذا أنت شخص فلاوي حق طلعات أنصحك تغير الولاية لأنها ماتناسبك كونك دارس على حسابه الخاص ..

والله يوفقك ويسهل أمورك ويقويك يارب العالمين ..
دعواتك لي بتيسير أموري وإن الله يرزقني ويرزقك أمر الاركاب إن شاء الله ويوفقنآ ..

اللهم آمين ..

أعتقد لو إني ما كتبت كذا كان مارديت حتى أنت

ولاني بحاجت معلوماتك يالغالي الله خلق في الناس من هو أكرم منك

وشكراً

أخوي سرآب حلم والله ماني عارف كيف أشكرك لكن الله يعطيك ألف عافية ويفقك
وإن شاء الله يجيك أمر إركاب وإلحاق بالبعثة في أقرب وقت
قول آمين

طيب أخوي ايش رايك أجيب قبول لغة في ولاية رخيصة وبعد ما ألتحق بالبعثة إن شاء الله وأخلص لغة أرجع كاليفورنيا

وإلا ماينفع

بسم الله الرحمن الرحيم

تقول لو مسجل بأسم بنت كان شفت الردود عشان كذا اسمح لي ما اقدر افيدك بأي معلومه وفيه اشاء انت غافل عنها كثير ولا تطرقوا لها الشباب
فأعتذر من عدم افادتك بأي معلومه

سلام

زي إللي يقول ترجاني

إللي عندك خليه في جيبك يمكن تنقطع خط وإلا شي


البعض يحاول يكسب ود مشرفين المنتدى وأعضائة بأرخص الطرق

بعدين أنا ما جمعت كل إللي بالمنتدى لا تسوي شريف وفلسفة

دامك ما بتفيد ليش ترد وتتعب نفسك

وتضيع وقت الثمين المفروض تستثمرة في إنقاذ أرواح الآخرين وحل مشاكل الأمة تراى الأمة في حاجة للشرفاء أمثالك

سلملم