تغيير التخصص الى غير الموجوده في برنامج الملك عبدالله (TESOL)

السلام عليكم ..

انا تخصصي هندسه وابي ادرس MBA ..علما ان ال MBA ليس من تخصصات البرنامج ....فهل تقبل الملحقيه ذلك ؟؟ ياليت تفيدوني

اقتباس:

---

المشاركة الأصلية كتبت بواسطة mohdvancouver

حياك الله اخوي
خليني اقول لك كيف قبلوني في البعثه
انا طبعا معلم جديد زي ما انت تفضلت .. وقدمت عالبعثه وترشحت لها وبعد ما قبلت في البعثه جاني التعيين وباشرت وما رضوا يصرفون لي راتب الا بعد ما اغير مهنه في الاحوال .. فعدلت مهنه بدون مايدرون في التعليم العالي لاني عدلت المهنه الى معلم بعد ما ترشحت في البعثه .. فما ادري ايش رايك في الحاله هذي هل راح يشيكوا مره ثانيه بعد ما اطلع هناك لانهم خلاص شيكوا علي في النظام من هنا وشافوا اني ماني موظف .. وياليت تقول عن زميلك اللي فصلوه من البعثه ايش اللي صار معاه بالظبط
لاني جدا خايف من الموضوع هذا .. انا جدا متمسك في البعثه وودي اطلع اكمل الماستر لاني جدا احب الانجليزي وودي اكمل فيه بس اخاف اروح هناك ويقولون ياالله ارجع انت موضف حكومي .. وتعرف بعدين نظرة الناس لمن يعرفون اني سبت الوظيفه وطلعت البعثه وفرطت في هذي وفي هذي
اتنى ردك اخوي
سلام..

---

وضعه بالضبط زيك المشكلة انه ما فيه تحديث للبيانات بين الوزارات الحكومية و هذا ممكن يسبب لك مشكلة عويصة مستقبلا و ممكن تلغى بعثتك حتى و انت على وشك انهائها بسبب هاذي النقطة و التعهد اللي بتوقع عليه هو محور موضوعك ... و بالنسبة للراتب ما عليك منهم كلام فاضي انا ما غيرتها الا بعد 4 شهور وقتها لكنهم يبون يضمنون انك ما تتنقل بين الوظايف و كل الشغلة هو ان ( بدل التعيين ) اللي يعادل راتب كامل هو اللي ما بينزلونه لك و ما تقدر تطالب به الا بعد تغيير المهنة و بالنسبة للعازب هم يغيرونها لك اما المتزوج يحتاج يروح بنفسه يغيرها اما الراتب هم ملزمين ينزلونه لك لأنك أنهيت اجراءاتك في الديوان و باشرت في وظيفتك و قدمت لادراة التعليم ما يثبت ... و مثل ما علمتك من الأول قدم استقالة ( بعد استلام قرار الإبتعاث + بعد اصدار التذاكر ) و اسحب عليهم 15 يوم و بعدها سيتم فصلك في الأسبوع الثالث روح للملف الخاص و اطلب منهم ورقة تفيد انك ما عدت معلم عندهم و وديها للأحوال و خذ منهم برنت ( بيكون كبير مرة ) انك متسبب و ما عندك وظيفة و بعدها روح و لا يردك الا ديرة الإبتعاث .. و طبعا قبل ما تطلع وكل احد اقرباءك في المحكمة انه يخلص امورك و انت خارج المملكة ولو تأخرت اجراءات تغيير المهنة هو عنده وكالة يراجع عنك ...

و بالنسبة للمعلم اللي صارت له المشكلة و رجعوه هو معلم بمدرسة مع أحد الزملاء و علاقتي به مش قوية لكني اعرفه من بعيد و كان متحمس بس ما حسبها صح و رجع و ما بقى واسطة ما جابها و ما قدر يرجع الا بعدها بأكثر من 6 شهور و بطلوع الروح لكنهم رجعوه في قرية في جازان على ما اظن و انقطعت اخباره عني ..

اقتباس:

---

المشاركة الأصلية كتبت بواسطة mohdvancouver

طبعا انا مو قصدي التعليم بشكل عام انا قصدي وزارة التربيه والتعليم
انا ودي اكمل ماجستير وارجع محاضر في احد الجامعات او مراكز اللغه وافتك من المدارس ووجع الراس
فانا لقيت التيسول افضل تخصص في حالتي لانه اقرب شي لتخصصي بس انشالله اقدر احول عليه .. بس عندي سؤال .. هي اختك ايش اللي سوته بالظبط وغيرت تخصصها ؟؟ وهل هي من زمان غيرت ولا قريب ؟؟ لانو زمان كان عادي التغيير بس ذلحين صاروا متشددين شويه
الله يعطيكي العافيه ومستني ردك ..

---

اووو اوكيه فهمت عليك...
لأ اختي توها مالها ولا كم اسبوع...اصلا هما هناك ما يسموه تغيير تخصص يعني they dont care as long as the specialization is m3trf beeh يعني الواحد لما يخلص لغة وفي حالتنا ان شاء الله محنحتاجها اصلا بس مجرد ريفرش وتجيب قبول جامعي في احد التخصصات المعترف بيها في الجامعه المعترف بيها وخلاص هما يعتمدوه بغض النظر عن تخصص البعثة اللي جيت عليه...بس هيا المرحلة التالتة! ف الله اعلم لو اتغيرت الأمور بس ان شاء الله لأ..

اتوقع تغيير التخصص اللي يتكلمو عليه اللي هوا بعد ما تباشر وتبدأ في دراسة معينة...نفترض انك بديت فال MBA وبعدين بعد سنة ماعجبك التخصص وتبغى تغير accounting مثلا...هنا يبغالك تسوي اجراءات التغيير لأنك قد يديت...فهمت؟؟
هذا اللي اختي تقول عنو..
والله اعلم

انا تخصصي لغه انكليزيه بس مو حابه التخصصات الاداريه ابدا واخترت من البرنامج تجارة الكترونيه!

اقتباس:

---

المشاركة الأصلية كتبت بواسطة Umdahomi

هلا بك اختي
تقدرين تكملين MBA هنا فأمريكا مايشوفون علمي أو أدبي اللي يهمهم كورسات الرياضيات وكم مواد تطلبها الجامعه ففي حالتك ممكن يعطونك ترم او سنه تمهيديه قبل الماستر وبتدرسين فيها Math , Science . Algebra ,statistica ومن هالقبيل على حسب الجامعة
وبما أن تخصصك انجليزي فممتاز المفروض أنك تستغلين سنة اللغة اللي تعطيك اياها الوزارة بدراسة متطلب الجيمات لمدة شهرين في معهد كابلن وبعد ماتآخذين الدرجة تقدمين على الجامعه وتدرسين فصل دراسي المواد التكميلية هاذي وتبدين الماستر وتخلصينه في سنتين وبكذا ماتكوني خسرتي من وقت البعثة شي
بس اللي عليك انك تختبري التوفل ااو الايلتس قبل تجين أمريكا أو أول ماتوصلين هنا وتقدمينه للجامعة مع الجيمات
وبالتوفيق يارب

---

اللع يعطيك العافيه اختي

يعني انا علي هنا امتحن توفل وايلتس بس ؟ وهناك اكمل الباقي عشان ادخل برنامج الام بي اي؟
سؤال معهد اللغه تحدده لي الوزاره؟

حياك أختي

طبعا انتي اختبري التوفل أول ماتوصلين أمريكا عشان الملحقية تعوضك عنه أو في السعودية
وبالنسبة للمعهد أتوقع ان الوزارة تختارة لكم بس في حالتك ممكن تجيبين قبول من معهد في نفس الجامعة اللي تبين تدخلينها عشان يوفر عليك الوقت

ام دحومي...الله يعطيكي العافية....لو امتحنت التوفل هنا قبل ما اسافر يعوضوني الملحقية عليه ولا لأ؟؟

طيب كيف نختبر التوفل لما نروح هناك وقيدنا سجلنا ف المعهد؟ انا نفسي اختصر الوقت لانو زي ماقلتو احنا مانحتاج لغة لفترة كبيرة ...

اصلو المعهد لازم منو...حتدخليه بس فتره بسيطه احتمال شهر او كم اسبوع بعدين طبعا تتخرجي منو على طول وتمتحني توفل وتبدأي تشوفي المتطلبات التانية زي جي آر اي وزي كده او اذا تخصصك ما يبغالو شي تقدري على طول تقدمي بدرجة التوفل....
انا اختي لما راحت المعهد عملولها امتحان تحديد مستوى واتعدت على طول قالولها ما تحتاجي المعهد بس اعطولها بدالو كورسات توفل 3 اسابيع عشان يوروكي كيف طريقة الامتحان وبعدين امتحنت وخلاص...
وشكلو دا اللي حسويه ان شاء الله... بس مدري اذا كورسات التوفل تدفعها الوزارة ولا لأ في امريكا؟؟ عشان انا اختي ف كندا وتقول القرارات تختلف من دولة ل دولة والله اعلم...اللي يعرف يفيدنا من دي الناحية..