تغيير التخصص الى غير الموجوده في برنامج الملك عبدالله (TESOL)
تغيير التخصص الى غير الموجوده في برنامج الملك عبدالله (TESOL)
تنبيه: هذا الموضوع قديم. تم طرحه قبل 5173 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - any answers ؟؟؟7 "
- فيه تعهد وقت اصدار قرار الابتعاث انو انت مو موظف...لا حكومي ولا خاص واتوقع لازم تلتزم فيه...بس مدري والله في حالتك ايش حيكون وضعك...طالما انك اترشحت للبعثة يعني خلاص محد انتبه انك موظف...الله اعلم7 "
بس انا لفت انتباهي شي...دحين انت تقول انك طفشان من التعليم و ما تبغى هذا المجال انك تسويه للأبد...طيب لو اتخصصت TESOL هذا تقريبا حيكون مجالك...التعليم...ف ليش ناوي تتخصص تيسول؟؟
انا بالنسبة ليا عمري ما درست بشكل رسمي لكن كنت اعطي دروس خصوصية لووول بس لما حسيت بتجاوب البنات وانهم مررره قاعدين يفهمو وينجحو في الانجليزي في السنة التحضيرية في الجامعه حبيت المجال مررره عشان كده ناوية اتخصص تيسول ان شاء الله وادرس بشكل رسمي...
و بالتوفيق ان شاء الله - العفو قلبي ما سوينا الا الواجب ...7 "
بالنسبة للنقطة اللي اقلقتك فعلا حصلت لكثير منهم معلم مع احد الزملاء بعد ما طلع رجعوه و خسر الوظيفة و البعثة لأنه موقع على تعهد انه ما يكون موظف حكوميو انفصل طبعا من التعليم بعد الغياب و ممكن تكون بياناتك عدت عليهم علشان العدد الكبير لكن عاجلا او آجلا راح يكتشفون هالشي لأن مو كل اللي انقبلوا راح يطلعون و هالشي أكيد .. باين ان تعيينك لساه جديد و يمكن ما تحدثت بياناتك او انك ما غيرت المهنة في الأحوال المدنية و علشان هالشي قلت لك لازم تطلع ورقة من الأحوال تفيد بأنك متسبب وقت البعثة علشان ما يكون لأحد حجة عليك - هل ممكن تغيير التخصص .؟ لان الوزاره هذي مو صاحيه تبعثنا ماجستير بعدين تقول اللي مو امتداد تخصصه لازم سنه الى سنه ونص مواد تكميليه وماراح نصرف عليك الا سنتين للماستر !! وانا صار مددنا لك 6 اشهور وذا ماكملت اللي طالبين ورجعت للسعوديه بنعادلك الماجستير اللي من برا دبلوووووم ليش وجع الراس هذا طيب خلونا نختار تخصص امتداد شي عجيب7 "
- طبعا انا مو قصدي التعليم بشكل عام انا قصدي وزارة التربيه والتعليم7 "
انا ودي اكمل ماجستير وارجع محاضر في احد الجامعات او مراكز اللغه وافتك من المدارس ووجع الراس
فانا لقيت التيسول افضل تخصص في حالتي لانه اقرب شي لتخصصي بس انشالله اقدر احول عليه .. بس عندي سؤال .. هي اختك ايش اللي سوته بالظبط وغيرت تخصصها ؟؟ وهل هي من زمان غيرت ولا قريب ؟؟ لانو زمان كان عادي التغيير بس ذلحين صاروا متشددين شويه
الله يعطيكي العافيه ومستني ردك .. - حياك الله اخوي7 "
خليني اقول لك كيف قبلوني في البعثه
انا طبعا معلم جديد زي ما انت تفضلت .. وقدمت عالبعثه وترشحت لها وبعد ما قبلت في البعثه جاني التعيين وباشرت وما رضوا يصرفون لي راتب الا بعد ما اغير مهنه في الاحوال .. فعدلت مهنه بدون مايدرون في التعليم العالي لاني عدلت المهنه الى معلم بعد ما ترشحت في البعثه .. فما ادري ايش رايك في الحاله هذي هل راح يشيكوا مره ثانيه بعد ما اطلع هناك لانهم خلاص شيكوا علي في النظام من هنا وشافوا اني ماني موظف .. وياليت تقول عن زميلك اللي فصلوه من البعثه ايش اللي صار معاه بالظبط
لاني جدا خايف من الموضوع هذا .. انا جدا متمسك في البعثه وودي اطلع اكمل الماستر لاني جدا احب الانجليزي وودي اكمل فيه بس اخاف اروح هناك ويقولون ياالله ارجع انت موضف حكومي .. وتعرف بعدين نظرة الناس لمن يعرفون اني سبت الوظيفه وطلعت البعثه وفرطت في هذي وفي هذي
اتنى ردك اخوي
سلام.. -
7 " - طيب يااخوان هل ينفع انا مثلا درست ادبي وتخصصت لغة انجليزية بالجامعه وفجأه ابغى اكملMBA? وانا اصلا مادرست علمي؟؟؟ وخصوصا انو كثير جامعات تطلب الجيمات7 "
انا فقط معتمده على خبرة عملي بخصوص ادارة الاعمال والبزنس عموما .. يعني هل تنصحوني انو اختار شي يكون امتداد لتخصصي الرئيسي؟ - هلا بك اختي7 "
تقدرين تكملين MBA هنا فأمريكا مايشوفون علمي أو أدبي اللي يهمهم كورسات الرياضيات وكم مواد تطلبها الجامعه ففي حالتك ممكن يعطونك ترم او سنه تمهيديه قبل الماستر وبتدرسين فيها Math , Science . Algebra ,statistica ومن هالقبيل على حسب الجامعة
وبما أن تخصصك انجليزي فممتاز المفروض أنك تستغلين سنة اللغة اللي تعطيك اياها الوزارة بدراسة متطلب الجيمات لمدة شهرين في معهد كابلن وبعد ماتآخذين الدرجة تقدمين على الجامعه وتدرسين فصل دراسي المواد التكميلية هاذي وتبدين الماستر وتخلصينه في سنتين وبكذا ماتكوني خسرتي من وقت البعثة شي
بس اللي عليك انك تختبري التوفل ااو الايلتس قبل تجين أمريكا أو أول ماتوصلين هنا وتقدمينه للجامعة مع الجيمات
وبالتوفيق يارب
ما شالله باين عليك انك انسان مكافح وطموح .. الله يوفقك ويكتب لك مافيه الخير ..
صراحه انت ذكرت نقطه اقلقتني .. هل بيشيكوا عليه بعد ما اطلع اذا انا موظف حكومي ؟؟
لاني ناوي اطلع بعد ما اخذ اجازه بدون راتب صح انها صعبه يوافقون لي عليها بس بحاول وعندي امل انهم يوافقون
والله الوضع مزري لاني طفشان من التعليم ولاودي ابقى فيه على طول