تحذير بخصوص الوزن الزائد ونصيحة للعائلات

امس رحنا البنك وفتحنا حساب. طبعاً ستيودنت اكاونت. طبعاً لازم اثبات انك طالب "قبول المعهد" وماكان معنا وتغاضت الموظفة عن هالشي
لازم بطاقتين اثبات هوية, عطيتهم البطاقة اللي سلمتنا اياها الملحقية مع جواز السفر
وسلمتنا بطاقة مؤقته ودفتر شيكات مؤقت
اليوم ارسلت على فاكس الملحقية شيك صورته وكتبت على الورقة اسمي ورقمي الطلابي واسم الموظف المسؤل عن هالشي
قالوا لنا بالملحقية ان المخصصات المستحقة تنزل خلال يومين من ارسالنا للشيك. ما تتأخر ابد
سألناهم عن متى ينزل اول راتب ؟ توقفوا وقالوا الامور المالية ما ندخل فيها لان لها ادارة خاصة وتختلف من طالب للثاني. فيه طالب مكتوب في قرار ابتعاثه يبدأ الصرف عليه من تاريخه, وفيه طلاب من تاريخ دخوله لامريكا. وفيه من تاريخ بدء دراسته. وما اخذنا منهم لا حق ولا باطل في هالموضوع مع الاسف
الفندق سعره كان 77 دولار
وتناقشنا معه حول السعر الغريب لان الفنادق المجاوره له فيه 60 دولار واقل. قال السعر مسألة تجارية مالنا تسعيره اذا خفنا نخسر الزبون والفندق فاضي اجرناه بـ 57 وان كان الفندق مليان والوضع زين لنا قلنا له 89
ميزة الفندق انك تكون مرتاح مطمئن عارف كل شي, لان السعوديين كلهم فيه وموظفين الملحقية يجونه باستمرار. وفيه جو اخوي بين السعوديين هناك
وهو بعيد عن الملحقية. جداً. وسواق الملحقية ينقلكم من الفندق للملحقية. ومافيه حاجة لروحتك للملحقية, والفندق نفسه ينقلك الى المطار بالفان حقهم. مجاناً. فيه انترنت مجاناً وايرلس
فيه جهازين كمبيوتر وانترنت للي يبي يدخل
فيه فطور مجاني. الفطور ممتاز
فيه قهوة وشاهي دايم في اللوبي


وزن الشنطة على الخطوط الظاهر 25 او 30. ويتخاضون حتى لو كانت 35 كيلو. حبيبين خصوصاً للي رايح لامريكا عارفين انه مبتعث
كنت على السعودية وحقائبي وزنها 30 كيلو
الرحلات الداخلية يسمحون لك 23 كيلو. حقيبة وحدة والحقيبة الزايدة الاولى 25$ والثانية الظاهر 35$. اذا الرحلة في نفس اليوم او 5 ساعات عن الرحلة الدولية تعتبر رحلة دولية. اكثر من كذا بيحاسبونك على الوزن الزائد
كلام العضو فيه لبس. انا سمحوا لي بحقيبتين لاني جاي بتذكرة دولية. ويوم حاولت فيهم بالوزن وفيه موظف سوداني تعاون معي الله يجزاه خير ويرزقه من موظفين خطوط الطيران الامريكية قالوا لي مستحيل لان الرحلة غير متواصلة, طبعاً السوداني من الاساس قال مستحيل يسمحون لك, وفي الاخير اشتريت حقتئب من المطار. وتعرفين سعرها اكبر كثير من الاسواق اللي برا. شريت حقيبة صغيره سعرها 75$. وشلنا من شناطنا وحطينا بالشنطة الجديدة الين وصلنا للوزن المطلوب.
ومشت امورنا بحقيبة زيادة لكل شخص. حقيبتين لاننا رحلة دولية.

عشان لا تتعبي بالوزن وعدد الحقائب. كان معاي 3 شنط وزنها زائد. تخيلي بياخذو مني حوالي 375$ والله كثير.انتي مارح تستفيدي من جلوسك بواشنطن. نصيحة اطلعي على طول على ولايتك. لو رحلتي متصلة كان ما تبهذلت بهالشكل. وخذي النماذج من موظف الملحقية وارسليها لهم بالدي اتش ال. والله نااادم اني ماسويت كذا. هم ما يبونك تجين للملحقية اصلاً. يقولون خلك بالفندق والعلاقات العامة يخلصون اوراقك ويجيبونها لك.



الله يوفقكم ويسهل اموركم

دوح البلابل
ماقصرت معلومات مفيدة الله يرزقك الجنة يارب

كيف اخد الاوراق من موظف الملحقية؟
يعني انزل في مطار واشنطن وماروح الملحقية بس لخد الاوراق من الموظف اللي يستقبلنا في المطار
واكمل خط سيري الى ولايتي؟؟؟
عندي سؤال الك؟؟
انا راح اروح مع عيلة يعني 5 افراد 2 كبار و3 صغار
هل كل واحد مسموح له شنطتين؟ولو زاد شنطه يدفع بدلها ادا كان سفره مش متواصل يعني يوم ثاني
وادا كان متواصل مايدفع عن الزايد>>>كده فهمت منك
ووزنها مايتعدى 23 في امريكا علشان ماندفع بدل زيادة الوزن؟

اخالفك الرأي اخي الفاضل...

المرور على الملحقية شي مهم جدااااااااااااااااااااااااااا

فماله داعي البهذله وتروح لولايتك وتراسلهم وتنتظر وتجلس ومدري ايش عشان كلها انتظار يوم ولا يومين في مدينة واشنطن الاكثر من رووووووعه

بالنسبة لوزن الامتعه

برضو انا اخالفك الرأي

طبعا بعض شركات الطيران ياخذون فلوس على العفش بس كلها من 10 الى 20 دولار

وطبعا هم اخذوا منك زيادة على قولتك عشان الوزن الزائد... لو انك قايل لهم ان رحلتك دولية وتوريهم التذكرة وكل شي ما اخذوا منك هالمبلغ

سووري أخوي ما فهمت عليك مره .. يمكن لانك ما وضحت هل كان الوزن الاجمالي لاغراضك 30 كيلو بشنطه وحده لو بشنطتين ؟
وهل لو كان عندي شنطتين وزن الوحده منهم 20 كيلو يعني المجموع الكلي 40 .. هل راح يحصل لي مشاكل في المطار الدولي والداخلي وإلا لا !
لان سمعت المطار الداخلي اهم شيء عندهم وزن الشنطة الوحده ما يزيد عن 23 كيلو ويسمحوا للشخص بششنطتين !

^^^^^^^^^^^^^

حتى انا ابي اعرف عن الشنط

يعني او اخذت شنطتين كل وحدة وزنها 23 كيلو وشنطة صغيره 7 كيلو هذا المطلوب ؟؟

وهل يفرق نوع الخطوط الي جيت فيها مثلا الامارتيه بسمحون ب30 كيلو والسعودية الظاهر 20 كيلو يفرق هناك ولا احاسب على الوزن الزائد

صراحة موضوع مهم يعطيك العافيه

انت يوم تنزل وتخلص الاجرائات وكل شي, بتطلع من الصالة, وتحصل موظف الملحقية بانتضارك, طبعاً قبل لا تطلع من الصالة اسال عن خطوط الطيران اللي انت بتروح عليها تحصل لهم مكتب هناك لاستلام الحقائب. طالما رحلة دولية مارح يحاسبونك على الوزن اذا بتفس اليوم والانتضار موب طويل. خذ الاوراق من موظف الملحقية وارسلها لهم. وانا اتحمل مسؤولية كلامي وانا اعطيك ارقام اللي يتابعونها لك هناك
كل فرد مسموح له شنطة وحدة 23 كيلو. ولو دولية يسمحون بثنتين وحدة صغيرة تكون معك بالطيارة. ولا المفروض الشنطة الزيادة يدفعونك عليها 25$

اقول توكل على الله هالموضوع للبالغين فقط وانا رجال مشغول ومانيب فاضي للبزران
وبرد فقط عشان تتضح الصورة للي يقرأ هالكلام
واشنطن الان كلها ثلوج وبرد موب طبيعي ولا احد يقدر يتمشى فيها.
بالنسبة للوزن الزائد ادخل على موقع ينايتد اير لاينز بعدين تعال تكلم. ولا ماتفهم ولا حرف لو دخلته ؟ اترك عنك الفلسفة, وترى الجهل موب عيب وانا اخوك ولكن نشر المعلومات الخاطئة هو العيب
موقع يونايتد اير لاينز موضح هالشي. ويوم كلمت الموظفة قالت هالشي. ويوم سألت واحد من الشباب بامريكا قال لي نفس كلامك. وانا اعتمدت عليه قلت الموظفه ماعندها سنع والموقع مبالغين. معقولة عشان كم باوند ادفع 125$ والنتيجة تبهذلت والسبب فلسفت امثالك اللي لازم يحشرون انفسهم ويفتون وهم ما يدرون
يعني بالله مثل الاخ اللي فوق اللي بيجي بعائلة كبيرة والله ان يخسرون فوق 3000 ريال على كم يوم بواشنطن بس. وش اللي يحدهم على هالشي ؟ انا اقولك. الناس الداجة اللي لا اسلوب ولا معلومات صحيحة

وبخصوص اظهار التذكرة نظامهم واضح في هالموضوع. بيمشون لك موضوع حقيبتين بدون رسوم طالما دولية. والوزن بيقولون لك معليش هذي ميب كونكت فلايت ويرفضون

لز انك ختلف معي بالراي كان احترمت رايك. لو اختلفت معي بموضوع المرور على الملحقية. ولكن انت بأسلوب مدري وش يبي تتكلم عن انظمة توي مريت بها وتهاوشت معهم بسببها وتقول اخالفك

اقول رح ارقد واللي يرحم والديك ولا توهق الناس بهالفلسفة والله ياشكلك ما طلعت من منفوحة وتكلم عن امريكا

المفروض حقيبتين كل وحدة 23 كيلو. ووحدة صغيرة 10 او 7 كيلو داخل الطائرة
لو الرحلة الدولية بنفس يوم الداخلية ما يدققون على الوزن لانها رحلة دولية وهم عارفين النظام زين


في الرحلات الداخلية لو ماكانت متواصلة بيحاسبونك على الوزن الزائد

لذلك انا انصح بعدم البقاء بواشنطن. العائلات عفشهم كثير ولو راحوا مباشرة لولايتهم بيرتاحون في العفش بدون بهذله وتكاليف.


اعذرونا اذا عصبنا واتنرفزنا الواحد مشغول وحالته حاله ويبي يعطي الزبده ويمشي وموب فاضي للكلام اللي ينرفز

الحمدالله على السلامه

طيب بالنسبة للاب توب فتشوه ؟

ومسموح تشيله معاك مع الشنطة الصغيره ولا بدون الشنطة الصغيره

الله يعطيك العافيه ...

الله يسلمكم اخواني وعسى الكلام المكتوب فوق ينفعكم. والله اني حرصت انزله ما ابي اتاخر اكثر حتى وان كان موب منظم وملخبط المهم ان الفائدة تصل

ما فتوشه ولا اعرف احد فتشوا لاب توبه وانا دخلت مجازف واللاب ملغم

ولكن المسألة انتقائية ممكن بعد سنة يفتشون لاب توب شخص واحد اتمنى ان لا يكون انت. المغامرة شينة ( رغم اني دخلت بجهازي وهو مليان مخالفات) الا اني كاخ اقول لك احتاط وخل غيرك عبرة بدل ما تكون انت عبرة لغيرك. وبكيفك.
ما احد اعرفه فتشوه من اللي راحوا قبلي.

داخل الطاشرة شل شنطة صغيرة للعفش. ولاب توب. وشنطة ثانية وثالثة ورابعة. صحيح العدد محدد لبعض الشركات. ولكن ما يدققون ومن تجربة مع خطوط اوروبية اخرى ايضاً. المهم ما تكون ثلاث حقائب اربع كلهن حجمهن كبير