الأعضاء الإشتراك و التسجيل

الملتقيات
ADs

تحذير بخصوص الوزن الزائد ونصيحة للعائلات

تحذير بخصوص الوزن الزائد ونصيحة للعائلات


NOTICE

تنبيه: هذا الموضوع قديم. تم طرحه قبل 2859 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية دوح البلابل
    دوح البلابل

    مبتعث مجتهد Senior Member

    دوح البلابل الولايات المتحدة الأمريكية

    دوح البلابل , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى EER , بجامعة KSU
    • KSU
    • EER
    • ذكر
    • الرياض, الرياض
    • السعودية
    • Jan 2010
    المزيدl

    February 20th, 2010, 06:03 PM

    ثلاث نقاط حبيت انبه عليها الاخوان علها تفيدهم في رحلتهم

    أولاً :
    وصلنا واشنطن. واستقبلنا سواق الملحقية

    ورحنا للفندق

    سلمنا سواق الملحقية النماذج. وقال عبوها الان. واخذها منا, رجع ثاني يوم العصر وسلمنا اوراقنا: التامين الصحي+الضمان المالي+تعريف الراتب

    ومافيه اي حاجة لروحتنا للملحقية, ثاني يوم رحنا الملحقية, اللي كان عنده اوراق ناقصة واللي مبعثين من زمان وعندهم مشكلة جايين عشانها هم اللي استفادوا. اما احنا جالسين على الكراسي بدون فائدة, ولا محاضرة ولا بطيخ, وان كان فيه محاضرة فهي محاضرة وحدة

    المختصر اتجه على ولايتك ولا تبهذل نفسك. وارسل اوراقك من هناك بالفيدكس. اول ما تصل واشنطن خذ النماذج من سواق الملحقية. عبيها وارسلها بالفيدكس من ولايتك

    امر مهم اخر

    ثانياً :

    الوزن الزائد

    لو الوزن الزائد شي بسيط اعرف انهم بيدفعونك 125$ عن كل حقيبة وزنها زائد. مهما كان الوزن. ما يفرق كيلو ولا عشرة, وهالمبلغ كبير جداً وحرام صراحة, يعني موب يحاسبونك على الكيلو الزائد, لازم ما تتجاوز الحقائب 23 كيلو (50 باوند)
    وعشان ترتاح وتاخذ عفشك كامل اقول لك وش تسوي

    احجز من الرياض الى واشنطن. وبعدها باربع خمس ساعات الى ولايتك. في هالحالة لو معك 100 شنطنة وزنهن زايد مارح ياخذون منك شي. يعتبرونها كونكتن فلايت وانها رحلة دولية, وتمر حقائبك بدون تعقيد

    ثالثاً وهو الأهم :

    الخطوط السعودية تقدم خدمة حلوة وهي تحديد المقعد مسبقاً

    اذا عندك اطفال اتصل على رقمهم قولهم انا عندي حجز وابي احدد المقعد, واطلب المقعد 30 عند الشباك. اطلب المقعد اللي خلف الفاصل مباشرة.
    بتكون قدامكم مساحة كبيييرة تقدر تحط فيها شنطة متوسطة وتخليها مفتوحة على طول وفيها اغراض اطفالك طوال الرحلة, وتكونون بسعة وراحة, وتقدر ترقد في هالمساحة او تجلس انت او المدام او الاطفال يجلسون بالارض. واذا عندك رضيع بيجيبون لك سرير له يثبتونه بالفاصل
    اللي جنبنا شوام معهم شنطة كبيرة حاطها هناك. وكل اغراض طفله ملابسه بالشنطة, الصراحة كانوا مرتبين نفسهم وارتاحو.

    انا حجزت على واشنطن اخترت المقعد الامامي قبل شهر. شباك. وبعدين كنسلت الحجز. وتكاسلت في الحجز الجديد ما اتصلت على الخطوط الا قبل اسبوعين من الرحلة. قال لي مقاعد الشباك الامامية كلها مسحوبة. ويالله حصلت مقعد امامي بالوسط. احرص انك تتصل عليهم بدري بدل ما تحشر نفسك وزوجتك وعيالك بالمقاعد الثانية.
    طبعاً المقاعد اللي عند مخارج الطواريء ما تصلح للعائلات ابد ابد.

    كتبت الموضوع على عجالة, المهم ان تصل الفائدة.

    هذا الشي اللي ببالي وحبيت انبه عليه والله يوفقكم ويسهل لكم رحلتكم
  2. المشاركة الأصلية كتبت بواسطة دوح البلابل
    ثلاث نقاط حبيت انبه عليها الاخوان علها تفيدهم في رحلتهم

    أولاً :
    وصلنا واشنطن. واستقبلنا سواق الملحقية

    ورحنا للفندق

    سلمنا سواق الملحقية النماذج. وقال عبوها الان. واخذها منا, رجع ثاني يوم العصر وسلمنا اوراقنا: التامين الصحي+الضمان المالي+تعريف الراتب

    لنفترض إنكم وصلتوا العصر الى واشنطن يعني جلستوا إلى اليوم الثاني وبعدين جاكم السواق وسلمكم الأوراق؟؟؟

    يعني نجلس في واشنطن يومين

    لأني أنا إن شاء الله وصولي بكون العصر يوم 5/5

    ومسافر إلى مدينتي يوم 6/5/2010 الساعة 5 العصر


    السؤال: هل يكفيني أخلص أموري في الملحقية من بداية الدوام إلى الظهر؟؟؟
    7 "
  3. المشاركة الأصلية كتبت بواسطة alhaime
    لأني أنا إن شاء الله وصولي بكون العصر يوم 5/5

    ومسافر إلى مدينتي يوم 6/5/2010 الساعة 5 العصر


    السؤال: هل يكفيني أخلص أموري في الملحقية من بداية الدوام إلى الظهر؟؟؟
    بيستقبلونك. وياخذون منك النماذج بعد ما تعبيها. بنفس الليلة, ثاني يوم تستلم اوراقك وتطلع المطار. لو ما خلصت مثلاً لو لقوا ورقة ناقصتك ولا شي, سافر على ديرتك ويرسلونها لك
    7 "
  4. اول شي الحمد لله على السلامة
    اتمنى تكون مرتاح نفسيا على طول

    عندي كذا سؤال اتمنى تجاوبنا عليها
    كيف فتحتو حساب في البنك عشان الصرف؟ ومتى قالو بيصرفولكم المكافاة ؟
    وكم سعر الليلة في الفندق اللي حطوكم فيه ؟ وهل يشمل الانترنت ؟ او في نت مجاني في الفندق ؟ وكم يبعد الفندق عن الملحقية قريب ولا يحتاج اروحه تكسي ؟

    اتمنى تفيدنا بهذه الاسئلة اللي تهمنا كمبتعثين جدد مثل حالتك عشان نحسب لها حساب
    7 "
  5. مشكور اخوي ع النصائح
    عندي سؤال مهممم
    كم شنطة مسموحه للشخص الواحد ؟
    وكم الوزن المسموح لكل شنطة من مطار هنا السعوديه لواشنطن للشخص الواحد ؟.. وكنت على اي خطوط ؟
    هل ياخدوا هنا ع الوزن الزايد وإلا عادي يتغاضوا ؟
    والرحلات الداخليه اتذكر ان كان في عضو هنا يقول ان لو ظليت بواشنطن يومين او اقل وطلعت على الرحلة الداخليه وقلت لهم انك جاي من رحلة دولية ووريتهم التذكره ما راح ياخدوا عليك وزن زائد.. !!
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.