*** يا اخواني هل يكفيني سنة لاجتياز اللغة ***( كلن يعطينا تجربته مع اللغة)

يعطيكم العافيه..

موضوع جيد



ولازلنا متابعين


وفق الله الجميع

حلو ماشاء الله

بالتوفيق

ياصديقي

مافيه شي اسمه توفل في 4 اشهور التوفل يجي بعد اجتياز المستوى 12 .. هذا الى سمعناه بالمعهد

الى اعرفه ان معهد ELS تجيب المستوى 9 وتجتازهـ

تدخل اطلق جامعه امريكية .. ماعدا الماستر يكمل الى L12

اما لغه في 4 اشهور يمكن خويك دخل المعهد من المستوى 5 وفوق



طبعأ اخوى ترى اللغه تعتمد على المعهد

عندك انا المعهد حطنى في المستوى الثالث

وانا اختباري حق تحديد المستوى الثاني

عاد تفاهمت معهم وقالوأ اذ نجحت بنرجعك الثاني

طبعأ حاول تاخذ معهد ذو سمعة طيبة عشان

ماتتوهق مثلي كل اسبوع في ليفل يقطونك ..


تحياتى

يعطيكم العافية


من افضل المواضيع

ياسر لك ودي ولكن اخالفك الراي
80% مجهودك الشخصي و 20% المعهد

والاحتكاك والتعود والتلفزيوووووووووووووووووووووون

عموما في سنه ممكن تجيب اللغه بس حط في بالك اللغه مو سنه بس تجيب التوفل اذا اجتهد وشديت على نفسك بس لايغرك التوفل لان اللغه كل يوم تتعلم جديد .

التوفل على مااظن صعب يجيبه الواحد في سنة .......... بس انا اقصد اني استطيع التحدث مع الناس وامشي اموري

واخذ واعطي معاهم وافهمهم ويفهموني ......

على حسب مجهود الشخص واتمنى لك التوفيق

بس صدقني اخوي كل المسألة على حسب اجتهاد الشخص ومدى جهده في الدراسة و حفظ الكلمات .

السلام عليكم ورحمة الله وبركاته


انا طالب ادرس بمعهد انجلش بهيوستن وبقول لكم قصة لاحد زملاء اخوي الكبير

المهم اثنين ابناء عم جايين والله مايعرفون شي بالانجلش ابداً ابداً

المهم اتفقوا من يوم الدراسه ان اللي يتكلم عربي باي وقت يدفع للثاني دولار
وبداو يحفظوون كلمات يومياً فوق 30 كلمة ويطبقون وصار اي واحد يتكلم عربي يدفع للثاني دولار

الشاهد بالموضوع انهم دخلو الجامعه بعد 7 شهوور فقط يعني اجتازو الانجلش

وشخض ثاني برضو قصته قصه مايعرف ولا كلمة انجليزيه مدري شلون دخلوه الايمجريشن امريكا خخخخ

المهم الولد يحفظ يومياً لايقل عن 60 كلمه وانا اشهد له بيعدي الانجلش زي السلام عليكم وبيدخل الجامعه

مافي شي صعب ترا كل شي سهالات

شدو حيلكم ولا تخاافون وعليكم بحفظ الكلمات


90% كلمات انجليزيه جديده
10% جرامر
الباقي speaking and writing



كثرو من القراءة اي شي جديد اسالو عنه احفظ اي كلمة تعجبك تلقاها بالشارع باي مكان مايهم سجلها لو بجوالك وشوف وش معناها


الله يوفقكم ويسر اموركم

ادعو لي اخلص اللغه بسرعه وادخل الجامعه وافتك

الأخوة الكرام شكراً لإثرائكم الحديث
والحقيقة أني استفدت كثيراً من آرائكم وأقول لكم:
استمتعوا بدراسة اللغة الإنجليزية
استمتع وسترى نتائج مبهر
ودائماً ما أنصح خذ وقتك في دراسة اللغة حتى تتقن ما بعد اللغة
ولي موضوع سبق وكتبته في المنتدى في الرابط الآتي:
http://www.mbt3th.us/vb/forum8/thread167154.html
وشكراً لكم