*** يا اخواني هل يكفيني سنة لاجتياز اللغة ***( كلن يعطينا تجربته مع اللغة)

موضوع مهم ومفيد ومشكورين اللي اثروا الموضوع بتجاربهم ونصايحهم الله يجزاكم كل خير .

موضوع روووووووووعه << تحمست البنت

للرفع
ارجو من اصحاب الخبرة افادتك
الله يوفقك .........

موضوع رائع وفيه من الردود مايشجع
جزاكم الله خير

موضوع رائع
راح ابدا الكورس بعد اسبوعين انشاء الله ما اعرف في اي مستوى بس بابدء في حفظ الكلمات من اليوم
مشكورين على التشجيع ..

السلام عليكم

موضوع جميل ويحمس ويشجع

بس سؤالي كم تقريبا مدة المستوى الواحد في المعاهد الامريكية ؟
وهل يطلب منه المعهد اجتياز التوفل ولا هو الطالب يقدم عليه من غير مشورة احد ؟ ولازم يجتاز كل المستويات عشان يدخل التوفل ؟

بالتوفيق لللجميع

والله حمستوني وشجعتوني

الله يجزااكم كل خيير ماقصرتوا جميعا

وادعولي ان الله ييسر اموري واجيب قبول مشروط :(

:jump1::jump1::jump1::jump1:
السلام عليكم ورحمه الله وبركاته :-
اسعد الله اوقاتكم بكل خير وعافيه وصحة وادام الله علينا وعليكم نعمه الإسلام ...

عزيزي ابيك تركز مع كلامي 100% وماراح تحتاج تشوف باقي الردود ..
قبل كل شيء وماتوفيقك الا بالله طبعا .
قبل كل شيء اشكر كل الاعضاء الكرام على هالنصائح اللي كلنا استفدنا منها .

بالنسبه للمعاهد لاتفكر انهم يفتحون راسك ويحطون لك الانجليزي ويقولون لك خلاص صرت فنان المعهد يعطيك 30% من ناحيه القواعد والقراءه والكتابه فقط . .
واللي عليك تسويه ينقسم إلى قسمين قبل المعهد وبعد المعهد..

بالنسبه لقبل المعهد انك تدعي ربك انه يكتب لك التوفيق في دراستك ولا تنسى دعاء الوالدين لك الله يخليهم لك.
وفيه موقع مره مهم لازم تحفظ اللي فيه صم..كتبه لك احد الاخوان اللي هو
http://www.englishspeak.com/

الموقع هذا مره مميز وفيه اشياء كثيره مهمه ومعطيك اكثر من 1000 كلمه تستخدمها في حياتك اليوميه ومعطيك محادثات بشكل دروس تقريبا 100 درس طبعا بعد كل درس بتلاقي كلمات جديده عليك تعال وامسك ورقه ودفتر واكتبها واحفظ النطق حقها ولاتضغط على نفسك في الدروس خل كل يوم ساعه كافيه تاخذ فيها 5 دروس وتحفظ 10 كلمات بس .ومع الوقت تلاقي نفسك قاعد تتطور. وكثر من الكتابه بأكثر شيء تقدر عليه..
وتعود دايم يكون معاك مترجم فوري في جيبك ودفتر صغير حق تسجيل ملاحظات بحجم الجيب وكل مايواجهك كلمه جديده ترجم واكتب .

الطريقه الثانيه فيه كتاب من افضل الكتب اللي شفتها في طريقه التعليم اسمه .
Oxford Picture Dictionary

هذا الكتابه فيه صور ويعلمك الكلمات تقريبا وطبعا يحتاج كتابه لازم تكتب كل كلمه تصادفك وتعرف معناها


والطريقه الثالثه فيه موقع بعطيك اياه هذا لو فيه كلمه واجهتك وماعرفت النطق حقها بس حطها في المربع وقل له اقراها والله لو تحط فيه اسم شغالتكم ستي ولا خديجه قراه بالانجليزي مرررررره رائع وتقدر تحط فيه جملة كاملة بعد يقراها لك.

http://say.expressivo.com/


وبالنسبه بعد المعهد اكيد لازم تسكن مع عائله..وبالنسبه للسكن مع عائله فيه اشياء لازم تعرفها ياغالي..

احرص واهم شيء ان العائله يكون عندهم اطفال طبعا بتقول لي ليه ؟
العائله اللي عندها اطفال تلاقيهم مايطلعون كثير في ايام الاسبوع مما يعني انك بتلاقي اشخاص يسولفون معاك وترا اطفال الامريكان غير يعني تلاقيهم يتقبلون السوالف معاك واذا انت ذكي تكسبهم بصفك يعني تجيب لهم هديه ولا شيء تكشكشهم يعني تخليهم يخقون معاك ..وطبعا كل نهايه اسبوع تلاقيهم يطلعون من هنا ولا من هنا وياخذونك معاهم وانت بتكون جزء منهم وبتلاقيهم يعلمونك وانتم في الرحله..

والنقطه المهمه اصدقائك في المعهد حاول انك تكون علاقة معاهم وتتواصل معاهم مثلا بالماسنجر او اي شيء يتعلق بالمحادثات ..

وايضا التسوق حاول تروح لحالك لاتاخذ معاك احد يتكلم عنك وحاول تقنع البائع بالشيء اللي تبيه بأي طريقه لو مثلا لغة الاشاره + كم كلمه بسيطه تعلمتها من خلال الاشياء اللي قلت لك عنها .. يعني بكم السعر وابغى هذا وابي مقاس اكبر وحاول انك تطول الحديث معاه يعني انت شخص كويس والمحل حقكم ممتاز واسعاركم رخيصه والجو عندكم حلو في المدينه وبتشوف البائع قام يسولف معاك لانهم شعب يتقبل اي شيء لا تفكر انه بيقول وش يبي ذا هو ووجهه ترا هذي عندنا بس :jump1:

وارجع اقول لك لا تذاكر في ايام الاجازه لازم ترتاح وتتمشى وتوسع صدرك في الاجازه لايهمك اللي يقول لك راجع انا اقول لك ارتااااااااح لانك بذلت مجهود طوال الاسبوع وعندك اوقات فراغ في ايام الاسبوع ..

واكل العنب حبه حبه ترا وصدقني بيجي يوم وتقول يوووووه يازين هذيك الايام يوم اني اقول لهم تراني ميح في الانجليزي وماعرف شيء معقوله صرت كذا ...؟؟؟بس اذا ذكرت هذاك اليوم لاتحرمنا من دعواتك..

وبالتوفيق واسف للأطاله ياغالي وبالتوفيق لك ولجميع الطلبه ...

تقبل تحياتي وفائق احترامي ، ،،

ذاكر دروسك اول باول .........تنجح وتصير الاول

جزاك الله خير يااخ DeLcAtE

ممكن بس تساعدنا اول رابط مايفتح معي ابيه اذا ممكن