المشاركة الأصلية كتبت بواسطة ahkhayyat
وعليكم السلام ابراهيم
خليني اخمن وضعك الحالي.... الان انتا بتقول في نفسك ( ياولد مالك ومال العشره عصافير اللي فوق الشجره.. كان مسكت على عصفورك اللي في يدك وكملت مدررس وخلاص؟)
اسمع مني.. كل ماتواجه صعوبات في الحياه دي كل ماانك راح ترتاااح ان شاء الله...
لذلك:
اللي سويته ابدا ابدا مو غلط ، بالعكس انت ان شاء الله رايح للاحسن واياك تحس عكس كدا ابدا..
بالنسبة لاسئلتك:
مدة الدراسه/ نعم زي ماتفضلت على حسب الجامعه ولكن بما انك متخرج من كلية فااعتقد انك تقدر تعادل مواد ويصير ان شاء الله تتخرج في تقريبا سنتين..او تبدا من جديد وتاخذ 4 سنوات غير اللغه ( من 6 اشهر الى سنه تقريبا)
مستوى الطلاب السعودين/ طبعا انا مااعرف مستوى الطلاب في الولايات ولكن خليني اعطيك متوسط مستوى الطلاب اللي عندنا في جامعه كاليفورنيا... ماشاء الله تبارك الله مستوى الطلاب فوق المتوسط اقل واحد اعرفه معدله 2.7 من 4 واعلى واحد اعرفه معدله 4 من 4 وله سنة الان على نفس المعدل ماشاء الله عليه... ولكن برضوا في ناس ماكملوا ورجعوا السعوديه.... اش تفهم من دا كله (صح كله يعتمد على الشخص نفسه ، او بالاحرى عليك انتا)
صعوبة الدراسه/ صعب اني احددلك بدون ماتعطيني قسم معين او كليه معينه على الاقل.. ولكن عامتا اقسام العلوم الطبيعيه والهندسه تكون صعبه والاقسام او الكليات الباقيه مثل كلية الاعمال تكون جدا سهله.....
معلومه اضافيه:
صح انا قلتلك الدراسه صعبه.. ولكن هذا مومعناته انها مستحيله..خلي في بالك هنا طريقة التدريس مختلفه تقريبا عن السعوديه ... يعني هنا صح تكون المادة صعبه لكنها ممتعه... مثلا الفيزياء فيها صعوبه وكل شئ لكن تلقى المدرس (او اغلب المدرسيين) يخلوا المادة ممتعه بانهم يدخلو امثله من الواقع الحي او انهم يسوا تجارب مضحكه ... بمعنى اخر.. راح تفهم يعني تفهم..
شئ مهم:
الصعوبه تعتمد عليك برضوا!! اذا ماتذاكر راح تجي الاختبار مانت فاهم شئ وبالمقابل راح تقول الدراسه صعبه.. والعكس صحيح
اخر سؤال:
هل ضيعت فرصه/ يااخي لالالالا انتا ربحت صفقة العمر... تحذير: بس ممكن تضيع هذه الصفقه اذا اهملت في الدراسه وتكاسلت!
اتمنى اكون افدتك ولو بمعلومات بسيطه ... واتمنى من الله ان يكتبلك التوفيق يارب..
