الأعضاء الإشتراك و التسجيل

الملتقيات
ADs

اسأل أحمد خياط

اسأل أحمد خياط


NOTICE

تنبيه: هذا الموضوع قديم. تم طرحه قبل 2851 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة محد غيرك بقلبي
    السلام عليكم ورحمة الله


    مدري صباح الخير مدري مساء الخير
    بس الوكــــــــــاد بوجهك الخير كلــه

    نسأل الله لك وللمسلمين التوفيق
    عز الله بيض الله وجهك,,

    أخوي أحمد

    في البداية اوضح لك تخصصي :بكالوريس محاسبة
    ورايح اطلع ماستر في الاقتصاد بناء على طلب العمل

    #المشكله القبول المشروط#

    بصراحه جلست اراسل بنفسي بعض الجامعات وبعد ماسوي كل شي وادفع رسوم الابليكشن

    اتفاجاء بعد كم يوم ان الجامعه تقبل غير مشروط .

    لذالك بسألك اول شي عن جامعة NC State University في نورث كالورينا

    لاني قدمت عليها والا الان ماردو هل قبولهم مشروط او لا؟ طبعا تخصصي عندهم

    ثانياً بسألك عن أفضل معهد يكون تابع لجامعه في ولاية نورث كالورينا مع مراعاة المدينة (طبيعتها والمعيشه فيها).

    لانه في الحقيقه انا مابي غير نورث كالورينا والمشكله الان ان مكتب القبول جاب قبول في أسوء مدينة في أمريكا ((ديترويت)) بجامعة ويني ستيت وهل تواقني الرأي في ذلك من ناحية سوء تلك المدينة .

    ثالثا / لو قلنا في اسوء الضروف ماحصلت قبول غير حق ويني ستيت ورفعت ذلك القبول .,,, في ذي الحاله لو أخذت مثلا اللغه في نورث كالورينا هل أقدر أغير فيما بعد جامعة ويني ستيت بديتروت الى اي جامعه اخرى وهل التغيير سهل او معقد بالنسبة لمعاملات الملحقيه هناك لان عملي ماعنده مشكله بعدين ان شاء الله (( لان لو مقدرت اغير جامعة ويني ستيت مستحيل اكمل فيها بناء على المعلومات اللي جمعتها عنها))


    أخيراً جعل من أرثك في الجنه والمسلمين,,



    وعليكم السلام ورحمة الله وبركاته..

    بالنسبه لجامعه NORTH CAROLINA STATE UNIVERSITY :
    في معلومات القبول الموجوده على موقع الجامعه بخصوص القبول لدرجة الماجستير ، مافي اي شئ عن القبول المشروط.. لكن كاتبين انه ممكن تاخذ قبول مشروط اذا عندك نقص في الاوراق المتعلقه بادارة الهجرة ، اعتقد زي الفيزا او الاي تونتي وكدا (على مااعتقد) . اضغط هنا
    لكن:
    هذه معلومات الاتصال بهم وتقدر تسالهم بايميل اذا كان يعطوا قبول مشروط او لا.. بما انهم موكاتبن في الموقع..

    بالنسبه لافضل المعاهد في الولاية المحدده:
    بحثتلك عن افضل الجامعات في الولاية (اغلبها يكون لها معهد تابع لها ، وتكون في مدينه كويسه) وهذه افضل 3 جامعات في الولاية مرتبه بالافضل:
    1- Duke University
    2- University of North Carolina at Chapel Hill
    3- NORTH CAROLINA STATE UNIVERSITY

    وهذه قائمة بافضل 54 جامعه موجوده في الولاية. اضغط هنا

    بالنسبه لشروط التحويل الخاصه بالملحقيه الثقافيه بواشنطن:
    راجع صفحة 18 الرد #175

    المصادر:
    - www.4icu.org
    - www.ncsu.edu


    اتمنى لك التوفيق ولجميع المسلمين ، والله يختارلك اللي فيه الخير يارب...
    7 "
  2. المشاركة الأصلية كتبت بواسطة golden boy 2009
    السلام عليكم ورحمة الله وبركاته

    الله يعافيك ويجزاك كل خير على هذا الجهد الرائع

    بسألك عن جامعة ديلاوير بولاية ديلاوير بمدينة نيوارك

    تخصص ماستر نظم معلومات الجامعة معترف فيها لكني ماحصلت البرنامج

    تقدر تطلع البرنامج الخاص بالماستر

    وكيف دراسة الماستر سهل أو صعب

    وكيف الجامعة والمدينة من ناحية الأمن وهل تنصحني بالذهاب اليها

    اللهم وفق جميع المسلمين لما تحبه وترضاه

    وعليكم السلام ورحمة الله وبركاته...

    بالنسبه لتخصص Information Systems في جامعه Delaware State University:
    صراحة القسم غير موجود تحت الاقسام المتوفره لدرجة الماستر في موقع الجامعه. اضغط هنا ، ولكن متوفر فقط لدرجة البكالوريوس. اضغط هنا ...لكن احتمال التخصص يكون موجود للماستر في الجامعه لكن مو موجود في الموقع!

    بالنسبه لصعوبه الجامعه:
    بناءا على مستوى الجامعه.. اعتقد ان الدراسه راح تكون جدا سهله..

    بالنسبه لمستوى الجامعه:
    بناءا على البحث البسيط اللي سويته عن الجامعه، مع الاسف (اعتقد) ان الجامعه مستواها ضعيف... وذلك لكونها مدرجه من (الفئة الرابعه) في تقيم الجامعات الامريكيه وهذا تقيم ضعيف بالنسبه للجامعات. اضغط هنا

    بالنسبه لمستوى المدينه:
    في الغالب مستوى الجامعه يعطيك خلفيه عن مستوى المدينه ، لذلك قد تكون المدينه في نفس مستوى الجامعه..

    نصيحه:
    انصحك انك تشوف جامعه افضل في الولاية. وهذه جامعتين مستواهم افضل من الجامعه المحدده في الولاية نفسها:
    1-University of Delaware
    2-Wilmington University


    بالنسبه للتخصص المطلوب في جامعه University of Delaware:
    التخصص موجود وهذه تفاصيله:

    بالنسبه للقبول:
    - تحتاج تكتب الابليكيشن الخاص بالقبول في الجامعه. اضغط هنا
    - تعطيهم شهادة درجاتك في التوفل (600) والجيمات (550) وفي جي ار ايه كمان. اضغط هنا
    - طبعا شهادة جامعه (بكالوريوس) اعتقد اقل شئ يكون معدلك 2.75 من 4
    - 3 خطابات من دكاتره في جامعه (من البكالوريوس) خطابات تزكيه يعني..
    - سيره ذاتيه حاليه.

    بالنسبه للمواد:
    هذه قائمة بالمواد وشرحها . اضغط هنا

    بالنسبه للمده:
    اعتقد انها 3 سنوات تقريبا . اضغط هنا

    معلومه اضافيه:
    مستوى الجامعه يعتبر من الفئة الاولى على مستوى امريكا ، وترتيبها ال 68 على مستوى امريكا. اضغط هنا

    بالنسبه للصعوبه:
    بناءا على معلومات القبول ، والدرجات اللي طالبينها (مثلا التوفل 600) اعتقد ان الجامعه راح تكون الدراسه فيها صعبه شويه.. لكن ماراح تكون مستحيله! وهذا دائما يكون الثمن لمن تدرس في جامعه ترتيبها عالي.. لكن طبعا هذه راح تكون افضل لك وراح تتعلم وتستفيد...



    المصادر:
    - http://www.udel.edu/
    -www.usnews.com
    -Delaware State University
    -Your guide to a high school diploma or GED, college degrees & diplomas, and career research for after graduation

    *اعذرني اذا كانت الاجابات غير ساره.. لكن حبيت اكون صريح معاك..


    اتمنى لك التوفيق والله يكتبلك والمسلمين كل خير يارب..
    7 "
  3. المشاركة الأصلية كتبت بواسطة نوريتا
    بسم الله
    الف شكر لاحمد خياط من جديد

    الاخ احمد
    انا عندي حساب جاري يعني حساب عادي في البنك السعودي الامريكي هنا في السعودية ( في السامبا )
    وبعد اسبوع مسافرة الى امريكا

    حسابي فيه مايقارب الخمسين الف ريال
    هل يسمح لي باستخدام البطاقة هناك؟
    على الاقل بداية وصولي الى امريكا

    لان الاراء تتضارب
    ناس تقول مو مسموح يكون في حسابك هذا المبلغ
    مع ان هذا شي لايدخل العقل

    يعني انت شرايك بالموضوع
    تحيتي واحترامي



    اللهم ثبتنا على صراطك يوم تزل فيه الاقدام واجعل سعينا فيما يرضيك عنا
    اللهم اغننا بحلالك عن حرامك يا رب
    بالنسبه لاستخدام البطاقه:
    اعتقد تقدري تستخدمي البطاقة في امريكا .. لكن راح يحسبوا علىكي رسوم (مااعرف كم بالضبط) بالاضافه الى فرق صرف العمله.

    شخصيا:
    جربت صراف Bank Of America وسحبت من الحساب السعودي (بالبطاقة السعوديه) وكل شئ كان تمام..

    بالنسبه للمبلغ المتوفر:
    زي ماتفضلتلي هذا شئ مايدخل العقل.. مافي اي شروط على كم يكون الحد الادنى او الاقصى في حسابك السعودي!

    نصائح:
    - انصحك تبلغي سامبا انك مسافره دولي عشان لا يوقفوا بطاقتك اذا استخدمتيها في امريكا.
    - اذا جربتي من صراف ومانفع معاكي شوفي صراف حق بنك تاني ، لانه بعض البنوك ماتكون تتعامل مع بنوك دوليه (غالبا تكون البنوك الصغيره)
    - انصحك تاخذي مبلغ بسيط في يدك ( مثلا 3000$) الى ان توصلي بالسلامه وبعد كدا تسويلها ايداع في اي حساب امريكي تفتحيه..


    المصدر:
    - تجربة شخصيه.


    اتمنى لك رحلة سعيده والله ييسرلك والمسلمين كل الامور يارب...
    7 "
  4. المشاركة الأصلية كتبت بواسطة يالله الخيره
    السلام عليكم ورحمه الله وبركاته

    الله يوفقك من حيث ما وليت وجهك ويرزقك عنا خير الجزاء

    سؤالي طال عمرك هو انا طالب مبتعث حاليا وتخصصي اداره اعمال باكالوريس ولا زلت في الشهر الثاني من تعليم اللغه فالمعهد
    وانا حاصل على شهاده ثانويه ادبي بس سؤالي هو هل اقدر ادرسه هندسه ؟؟؟ ماهي الاجراءت ؟؟؟
    الله يوفقك ويوفق اخواني المبتعثين في كل مكان وان يجعل لهم من كل هم فرجا ومن كل ضيق مخرجا وان يرحم
    اخاوننا المسلمين في كل مكان الاحياء منهم والاموات....امين
    وشكرا....
    وعليكم السلام ورحمة الله وبركاته..

    بالنسبه لدراسة الهندسه:
    نعم تقدر تدرس اي تخصص (احيانا يعتمد على درجات الثانويه) لكن مااعتقد راح يفرق اذا كنت ادبي او علمي...

    بالنسبه للاجراءات:
    تحتاج انك تختار جامعه اولا.. وبعد كدا تقدم عليها... طبعا هذا يفرق من جامعه لجامعه..

    لكن:
    اختار الجامعه اللي تناسبك .. وانا ان شاء الله اساعدك في طريقة التقديم على الجامعه واعطيك طلبات القبول بحسب الموجود في موقع الجامعه...

    نصيحه:
    بما انك في المعهد الان.. اذا كان تابع لجامعه .. انصحك تروح لاحد الدكاتره في قسم الهندسه وتستفسر عن القسم..خذ فكره عن المواد اللي راح تدرسها.. شوف (بحسب المواد) اش افضل تخصص هندسي مناسب لك...واطلب من الدكتور الخطه الدراسيه وراجعها.... ((صدقني هذه الخطوه مهمه وكثير من الناس يهملوها!))

    اتمنى لك التوفيق يامهندس المستقبل والله يختارلك والمسلمين كل اللي فيه الخير...
    7 "
  5. المشاركة الأصلية كتبت بواسطة solaf
    السلام عليكم
    وفقك الله لما يحبه ويرضاه

    حابه اسأل عن الجامعات الي يدرس فيها تخصص نانوتكنولوجي او البايونانوتكنولوجي للماستر

    وحابه كمان استفسر عن معهد els في ولاية كاليفورنيا مستوى المعهد وبأي مدينة تنصحني

    اللهم اصلح شباب المسلمين

    لااله الاانت سبحانك إني كنت من الظالمين
    اللهم اغفر للمؤمنين والمؤمنات والمسلمين والمسلمات الاحياء منهم والاموات
    اللهم اجعل اخر كلامنا في الدنيا شهادة أن لاإله إلا الله وأن محمد رسول الله
    وعليكم السلام ورحمة الله وبركاته..

    بالنسبه للجامعات اللي فيها تخصص:
    هذه بعض الجامعات اللي توفر التخصص حول العالم. اضغطي هنا


    بالنسبه للمعهد:
    معهد ELS يعتبر معهد عالمي وله اكتر من فرع حول العالم بصفة عامه ، واكتر من فرع في كاليفورنيا بصفه خاصه ، واعتقد انه منتشر في كاليفورينا اكتر من اي ولاية. اضغطي هنا لذلك اعتقد ان المعهد ممتاز بالاضافه لانه عندهم سنوات خبره طويله..


    بالنسبه للمدينه مناسبه في كاليفورنيا:
    طبعا كاليفورنيا في مدن مناسبه كتير.. لكن شخصيا انا اشوف هذه المناطق مناسبه من حيث مستوى المعيشه ومستوى الجامعات المتوفره.
    - irvine (اامن مدينه في كاليفورنيا ، واعتقد في امريكا كلها كمان. اضغطي هنا)
    - san diego
    - santa barbara
    وغيرها الكتير...


    المصدر:
    - http://www.wikipedia.org/
    - www.ocmetro.com

    اتمنى اكون افدتك والجميع والله يختارلك والمسلمين كل اللي فيه الخير يارب..
    7 "
  6. المشاركة الأصلية كتبت بواسطة Alex Gangesta
    السلام عليكم ورحمة الله وبركاته ..

    أستاذ أحمد انا محتار جداً ومحتاج المساعدة العاجلة .. حالياً أنا اذهب لأمريكا - بإذن الله - تخصص صيدلة إكلينيكية Pharm.D ..

    ونظراً لمحدودية الجامعات المعترف بهابكل ولاية أنا محتار حالياً بين كاليفورنيا للجامعات التالية :


    WESTERN UNIVERSITY OF HEALTH SCIENCES في مدينة Pamona ..

    UNIVERSITY OF CALIFORNIA - SAN FRANCISCO ..

    UNIVERSITY OF CALIFORNIA - SAN DIEGO

    LOMA LINDA UNIVERSITY

    UNIVERSITY OF THE PACIFIC


    فـ ياليت تعطيني إذا ما يكون هناك إزعـاج لك ماتعرفه عن الجامعات ومدى جودتها وسهولتها وايضاً سهلوة القبول + المدن " سان دييجو
    سان فرانسيسكو + بامونا " ..

    ايضاً أنا افكر بـ نيويورك ونيوجيرزي .. هل تنصح بها ؟


    الله وفق جميع المسلمين والمسلمات لما يحبه الله ويرضاه ..
    وعليكم السلام ورحمة الله وبركاته...

    بالنسبه لجامعه Western University of Health Sciences:
    مالقيت تقييم محدد للجامعه في المواقع المعروفه..اضغط هنا ، ولكن لقيت هذا التقيم. اضغط هنا

    بالنسبه للمدينه Pomona:
    المدينه في مقاطعه Los Angeles وتعتبر 5 اكبر مدينه في المقاطعه...، عدد سكانها تقريبا 160 الف نسمه...

    بالنسبه لجامعه University of California- San Francisco:
    في التخصصات الطبيه ، الجامعه ترتيبها الخامس. اضغط هنا وتعتبر من جامعات الفئة الاولى..

    بالنسبه للمدينه:
    طبعا المدينه من المدن المشهوره في كاليفورنيا ، وذلك لوجود الجسر المشهور فيها Golden Gate Bridge ولقربها من مواقع مشهوره برضوا زي Silicon Valley وغيره...

    بالنسبه لجامعه University of California--San Diego:
    الجامعه من فئة الدرجه الاولى وترتيبها 35 على مستوى جامعات امريكا كلها..

    بالنسبه للمدينه:
    المدينه من اجمل مدن كاليفورنيا ، وغالبا مايقصدها السياح لان فيها شواطئ رائعه والمدينه ككل تعتبر جدا رائعه (رائ شخصي)

    بالنسبه لجامعه Loma Linda University:
    صراحة مالقيت لها تقيم. اضغط هنا لكن اعتقد ان مستواها اقل من الجامعات اعلاه..

    بالنسبه للمدينه:
    انا اسكن قريب من هذه المدينه..ولكن مقارنه ب سان فرانسيسكو او سان دييجو. اعتقد مافي مقارنه والمدينه هذه تعتبر الاقل حظا بينهم...


    بالنسبه لجامعه University of the Pacific:
    ترتيب الجامعه على مستوى اميريكا هو 115 ، لكنها تعتبر من قائمة جامعات الفئة الاولى..

    بالنسبه للمدينه:
    اعتقد ان الجامعه موجوده في شمال كاليفورنيا في مدينه اسمها Stockton وهذه المدينه قريبه من سان فرانسيسكو.. يعني تقريبا الكلام اللي قلته عن سان فرانسيسكو ينطبق على هذه المدينه..

    بالنسبه لنيويورك او نيوجيرسي:
    هذه الولايات غالبا يكون فيها ثلوج (من ناحية الجو) ، لكن فيها جامعات قوية في نفس الوقت (من ناحية التعليم) ، لكن اذا سالتني عن رأي شخصي.. راح افضل كاليفورنيا ، اولا الجو افضل ، الولايه اكبر وفيها تنوع ثقافي كبير بالاضافه الى تنوع الجامعات واللي تعتبر من افضل الجامعات في اميركا..


    المصادر:
    - www.4icu.org
    - www.usnews.com
    - www.wikipedia.org


    اتمنى اكون اعطيتك فكره بسيطه تساعدك على اتخاذ قرارك ، واتمنى لك وللمسلمين كل خير يارب...
    7 "
  7. مراحب اخوي احمد
    لاهنت ولد عمي يدرس حاليا بجامعه الملك سعود بالرياض قسم نظم معلومات
    تقريبا خلص 50 ساعه دراسيه والوضع مو عاجبه هنا بالرياض
    وناوي يكمل بجامعه برا
    برأيك وش افضل له من ناحيه معادله الساعات كندا ولا امريكا
    وهل الجو راح يختلف معاه من ناحيه المناهج والجو الجامعي ولا عادي ممكن يتأقلم
    علما انوو درس سنه تحضيريه في برنامج لغه مكثف ثمان ساعات بالاسبوع
    يعني ممكن يخش بالدراسه ع طول وما يحتاج لغه؟؟
    الشي التاني,,,,سمعت انوو اغلقو الالحاق بالبعثات هل هالشي صحيح؟؟مع اني سمعت هالكلام السنه الماضيه بردو وطلع اشاعه
    والف شكر
    والله يهون علينا وعليك وعلى كل المسلمين
    اخوك ماضي,,,,,طب بشري جامعه كان ميرلو ,,فرنسا
    7 "
  8. المشاركة الأصلية كتبت بواسطة هيثم النقيب
    رغم انك مارديت ع استفساراتي ماحبيت اكون ناكر للخير وانكر مساعدتك لاخواني واخواتي في المنتدى
    عشان كذا احب اقولك عسا ربي يفتح ابواب الخير بوجهك مثل ماجاوبت على الاخوان والاخوات
    بس مجرد همسة بسيطة لا كثر ( لاتجبر الاعضاء يدعو ترا اغلبهم يسوي نسخ ولصق والنية ماتكون صادقة في الدعاء تلاقيه فقط كتبها مجرد كتابة عشان تساعده ) خلي ربي يعطيك على قد نيتك اذا انت نيتك دعوة او فائدة للمسلمين والمسلمات تاكدت ان كل شخص تجاوب عليه وتساعده ربي بيعطيك الاجر بدون تطلبه وبدون لاحد يكتب دعوة مو طالعه من قلبه او مجبور انه يكتبها


    وصدقني لو ماحبيتك في الله بسبب جهدك الواضح من خلال متابعتي لبعض مواضيعك مثل موضوع الاتصالات بامريكا وغيره ماكان كتبت هالكلام

    وارجع اقولك عسى ربي يوفقك ويسعدك ويفرج همك وهم كل مهموم ومبتعث يا اكرم الاكرمين ( تطمن الدعوة من القلب ) اتمنى ماتحسب ردي هذا ( تملق ) عشان تجاوبني لاتطمن الاجابات ع اسئلتي ان شاء الله بوصل لها بطريق آخر بس حبيت ما انساك من الدعاء لانك بتساعد باقي الاخوان في الموضوع

    تقبل تقديري واحترامي
    اخوك
    هيثم النقيب

    حبيبي هيثم..
    انا اكثر من مره كتبت انه "قبل ماتكتب اي سؤال اقراء الصفحه الاولى" وصدقني لو قرات الصفحه الاولى راح تعرف انه لي هدف من كتابة الموضوع ككل..(وزي ماتفضلت في طرق اخرى الواحد يقدر يوصل لاجابات على اسئلته) لكن انا حبيت اني ابتكر طريقة الكل يستفيد منها بقيمة بسيطه وهي "دعوه للمسلمين!"

    الصفحة الاولى:
    تعتبر بمثابة عقد بيني وبين السائل... يعني اللي موموافق على الشروط انا مااجبره على انه يكتب شئ ابدا! وفي النهائيه انا مجرد شخص اعطي رائيي الشخصي في الاسئلة وهذا لا يعني انه راح يكون جوابي صحيح 100% او خالي من اي خطأ او حتى يستاهل الانتظار ، لكن دائما احب اني اقدم اللي عندي مهما كان ، قد تكون معلومه بسطيه ويستفيد منها العشرات..

    بالنسبه للدعوة:
    صدقني ياهيثم حتى لو كان الاعضاء يعملوا نسخ ولصق للدعاء ، انا ماعندي اي مشكله ( كل واحد ونيته) لكن تخيل معاي...لو فرضنا 100 شخص قراء السؤال-اي سؤال- (مع الدعاء) هذا يعني انه 100 شخص دعا للمسلمين (حتى وان كان نية السائل من كتابة الدعاء تكملت الشروط!) وهذا راح يحقق احد اهداف الموضوع...والله كتابة (او نسخ ولصق الدعوه) ماياخذ اكثر من دقيقه ، ولكن راح تظل الدعوة في الانترنت سنين ان شاء الله ويدعوها عشرات/مئات الاشخاص..وماتدري قد تكون هذه الدعوه سبب في فك كرب عن مسلم او غيره...(وبعدين هذه كانها اجرة خدمة الجواب اللي تحصل عليه على سؤالك.. بس بعمله افضل بكثير من العمله المتداوله بين الناس!)

    هيثم النقيب:
    اتمنى انك تقبل كلامي بكل صدر رحب ، وماتزعل مني اذا كان في شئ في الكلام ضايقك او شئ ويعلم الله اني مااقصدت من الكلام الا التوضيح فقط....

    اتمنى لك التوفيق والسعاده في اكل امور حياتك والمسلمين اجمعين...

    اخوك احمد خياط..
    7 "
  9. السلام عليكم ...
    شخبارك أخوي .. / ولا هنت ع الموضوع البطل
    حبيت أساألك / إن شاء الله راح أكمل ماستر بأمريكا MBA وحابب أعرف أفضل الجامعات بمدينة شيكاغو ومدينة سياتل وافضل المعاهد الي فيها .. وبالنسبة للجامعات يكون مستوى الدراسة فيها متوسط .. وبالنسبة للخبره ما عندي للأسف ..
    واذا فيها شروط ثانية / ممكن اذا ما عليك أمر ...
    7 "
  10. المشاركة الأصلية كتبت بواسطة هيثم النقيب
    في البداية اقدم شكري وتقديري لشخصك المميز اللي نادرا مانلاحظ شخص يعطي اخوانه من وقته خصوصا لو كان مبتعث لكثرة انشغاله لاخوانه واخواته
    تاكد سواء دعينا لك او مادعينا لك فعند رب العباد ما يضيع حق احد ولا يضيع حقك ان شاء الله

    انا وزوجتي ان شاء الله مبتعثين الاثنين لنفس المعهد ونفس المدينه ( بوسطن )
    من المعروف غلاء المدينة حيث انها تعتبر ثاني اغلى مدينه في امريكا

    حبينا نحجز سكن شقة هناك لكننا محتارين في عدة اسئلة اذا قدرت تجاوبنا عليها
    1- هل تفضل اننا نحجز اول شهر شقة من هنا وخلال هالشهر ندور لنا على شقة افضل او اذا نفس الشقة ناسبتنا واستمرينا عليها ؟
    2- معهدنا هناك اللي راحين ندرس فيه ان شاء الله اسمه oise فرع بوسطن ( oise boston ) ما رايك في المعهد لاني بحثت على معلومات عن المعهد لكني ماوجدت المعلومات الكافية والمطلوبة من ناحية قوته وماشابه ذلك
    3- هل بالامكان ايجاد شقة صغيرة لا تتجاوز قيمتها 1100دولار بجانب المعهد ؟ لاني شفت اسعار سكن المعهد في نفس موقعهم ووجدت انه في الاجازة اعتقد او في شهرين معينه يطلعونك من السكن مدري ليش وانا احب الاستقرار مافيني كل كم شهر من شقة لشقة
    4- السؤال الاهم بحثت كثير في مواقع حجز السكن في بوسطن لكني محتار وش هو اكثر موقع موثوق التعامل معاه للبحث عن الشقق والغرف وماشابه ذلك ؟

    شكرا مقمدما لمساعدتك لنا
    وجعلها ربي في موازبن حسناتك
    وتذكر ان الدال على الخير كفاعله
    (((هديه للغالي هيثم النقيب))) اللهم ألف بين قلوب المسلمين اللهم امين..

    بالنسبه لحجز الشقه:
    اعتقد اكثر الشقق يكون عندهم عقود نص سنويه او سنويه .. واذا اتوفر لديهم عرض شهري راح يكون غالي جدا جدا (عشان يجبروك على توقيع عقد معاهم) .. لذلك اذا لقيت سكن يعطيك شقه بعقد 6 اشهر.. انا افضل انك تروح معاهم ..لكن بالخطوات التاليه:
    1- اطلب منهم صور للشقة نفسها اللي رايحين تسكنو فيها (لان بعضهم يعطيك صور لشقة العرض ، وغالبا ماتكون مؤثثه ومجهزه افضل تجهيز ولما توصل تتفاجأ ان شقتك مختلفه تماما)
    2- تكون جاهزه من اول يوم توصلوا ( بعضهم يقلك تجي توقع العقد وتستلم الشقه بعد اسبوع مثلا .. وهذا رح برتب عليك مصاريف زايده بالنسبه للفندق وغيره)
    3- خذ العنوان وشوف الموقع وبعده عن المعهد عن طريق جوجل. اضغط هنا
    4- اذا كل شئ تمام ...اعتقد بامكانك انك ترسلهم بيانات (ايميل او فاكس) وراح يعملوا لك الحجز..
    معلومه اضافيه:
    - تقدر تطلب منهم يعرفوك على شخص سعودي ساكن عندهم (ان وجد) وتتواصل مع الشخص وتشوف الاخبار والاحوال المبدئيه..

    بالنسبه للمعهد:
    زي ماتفضلت مافي معلومات كتير متوفره عن المعهد ، لكن بناءا على البروشور التعريفي الخاص بالمعهد اعتقد انه مناسب جدا ، هذا بناءا على الخطة الدراسيه المتبعه في المعهد وغيره. اضغط هنا

    بالنسبه للسكن:
    طبعا شفتلكم شئ قريب من المعهد ، الرمز البريدي للمعهد : MA 02116.

    الاسعار:
    بالنسبه لاستوديو الاسعار (تقريبا) من 825 الى 1400 دولار. والمساحات من 250 الى 1100 قدم مربع...
    امثله:
    - هذا سكن قريب من المعهد اسمه 5 Cortes LLC .يبعد عن المعهد تقريبا 4 دقائق اضغط للخريطه
    - وهذا اسمه 119 Berkeley LLC. يبعد نفس المسافه تقريبا . اضغط هنا
    وان شاء الله راح تلقى فيهم سكن في حدود 1100 دولار او اقل

    بالنسبه للبحث عن الشقق:
    شخصيا افضل هذا الموقع:
    - www.rent.com لانه يحتوي على قاعده بيانات واسعه واحيانا يعطيك عروض اذا حجزت الشقه من عندهم..

    معلومه اخيره:
    - لما تدور عن شقه ، حاول انك تشوف عرض مثلا شهر مجانا او شئ زي كدا ، هذه الاشياء غالبا تكون متوفر للسكان الجدد..

    المصادر:
    - www.rent.com
    - www.oise.edu

    اتمنى لكم رحلة سعيده والله يختارلكم اللي في الخير ولجميع المسلمين...
    7 "
19 من 129 صفحة 19 من 129 ... 141819202469 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.