الأعضاء الإشتراك و التسجيل

الملتقيات
ADs

اسأل أحمد خياط

اسأل أحمد خياط


NOTICE

تنبيه: هذا الموضوع قديم. تم طرحه قبل 2847 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. السلام عليكم ورحمة الله وبركاته،،،

    أنا متحير بين الدراسة في استراليا او امريكا لمرحلة البكالوريوس في تخصص تقنية المعلومات لذا اود منك الايضاح ايهما افضل واسهل للدراسة.
    وحيث انني لدي عائلة اود اختيار دولة ارتاح فيها ولا تكون غالية جدا ومعقدة وابحث عن جامعة سهلة ومعهد ممتاز لاكمال الدراسة لذا اود منك افادتي والنصيحة .

    وفي النهاية ادعوالله أن يوفقنا لما يحبه ويرضاه ..
    7 "
  2. المشاركة الأصلية كتبت بواسطة Ms.optimistic
    جزاك الله الف خير اخوي احمد

    عندي استفسار عن دراسة الدكتوراه

    تخصصي بالماستر هو قياس وتقويم تربوي measurement and evaluation

    الجامعات المعترف فيها بالنسبه لها التخصص هي :

    BOSTON COLLEGE
    UNIVERSITY OF NORTH CAROLINA AT GREENSBORO
    UNIVERSITY OF SOUTH FLORIDA
    UNIVERSITY OF TOLEDO

    استفساري هو كيف احصل على قبول من هالجامعات ؟

    ماهي افضل هذه الجامعات من ناحية سهولة القبول _ سهولة التدريس يعني ماتكون جامعه معقده _ قوة الجامعه ؟؟

    وماهي افضلهم من ناحية موقعها في المدينه يعني مدينة امنه ورخيصه نوعا ما ؟؟

    واخيرا الشروط العامه لمرحلة الدكتوراه في امريكا ؟؟؟


    وجزاك الله خير الجزاء

    اللهم ارحم المسلمين والمسلمات والمؤمنين والمؤمنات الاحياء منهم والاموات

    اللهم انصر اخواننا المسلمين في كل مكان ,,, امين يارب العالمين



    عموما:
    صعب تحديد صعوبه/سهولة اي جامعه ، لكن اعتقد من تقييم الجامعه او مركزها ممكن تحددي قوتها ، صعوبة القبول ومكانة المنطقه..لذلك بعد كل جامعه راح اعطيكي تقييمها وبناءا عليه انتي تحديي. مثلا اذا كانت الجامعه الاولى على مستوى امريكا .. يعني (غالبا) القبول والدارسه راح يكونوا فيها صعبين (الدراسه الصعبه ممتعه على فكره لانه يكون فيها تحدي!) وكمان تعرفي انه المنطقه تكون كويسه ان شاء الله..

    بالنسبه للقبول في Boston College:
    هذه قائمة بكل ماتحتاجيه بالنسبه لقسمك.. من مواد لخطه دراسيه قبول وغيره. اضغطي هنا

    بالنسبه لمركز Boston College:
    الجامعه تعتبر من جامعات الفئة الاولى ، ومركزها ال 34 على مستوى امريكا. اضغطي هنا



    بالنسبه للقبول في University of North Carolina at Greensboro:
    هذه قائمة بطلبات/طريقة القبول في الجامعه. اضغطي هنا

    بالنسبة لمركز University of North Carolina at Greensboro:
    الجامعه تعتبر من جامعات الفئة الثالثه (هذه الفئة مالها تقييم على مستوى امريكا). اضغطي هنا



    بالنسبه للقبول في University of South Florida:
    الجامعه لها اكتر من فرع وكل فرع اعتقد له شروط مختلفه ، اربع فروع .اضغطي هنا ( في اليسار راح تلقي الفروع اختاري Graduate وراح تجيكي صفحة فيها كل اللي تحتاجيه للقبول)


    بالنسبه لمركز University of South Florida:
    الجامعه تعتبر من جامعات الفئة الثالثه. اضغطي هنا


    بالنسبه للقبول في University of Toledo:
    هذه الصفحة فيها كل ماتحتاجيه للحصول على القبول والمواعيد بحسب الاقسام. اضغطي هنا

    بالنسبه لمركز University of Toledo:
    الجامعه تعتبر من جامعات الفئة الرابعه. اضغطي هنا (غير مفضله!)


    بالنسبه للشروط العامه للدراسة الدكتوراه في امريكا:
    اعتفد كل جامعه لها شروط مختلفه عن التانيه.. وهذا يعتمد على قوة الجامعه.. مثلا اذا كانت الجامعه قويه راح يطلبوا طلبات اكتر ومستوى اعلى من الطلاب...زي التوفل مثلا 550 الخ...
    لكن:
    هذا الموقع فيه بعض المعلومات عن دراسة الدكتوراه في اكثر من مدينه في العالم (منها اميريكا) اضغطي هنا

    المصادر:
    - www.bc.edu
    - www.usnews.com
    - www.wikipedia.com

    اتمنى اكون افدتك والجميع بهذه المعلومات البسيطه ، والله يختارلك اللي فيه الخير يارب...
    7 "
  3. المشاركة الأصلية كتبت بواسطة Hunted
    الله يجزانا و يجزاك و المسلمين الجنة

    الله يرحم والديك ،، وين المدن اللي تعتبر معقوله من ناحية الأسعار في كالفورنيا ،،
    و أحسن معهد لغة في كالفورنيا
    بالنسبه للمدن المعقوله من ناحية الاسعار في كاليفورنيا:
    صراحة كاليفورنيا ولاية كبيره جدا ، يعني ان شاء الله راح تلقى مدن كتير مناسبه . لذلك انا راح اعطيك مثال على مدينه مناسبه ومعلومات جامعه قريبه من المدينه:

    - اسم المدينه: Rancho Cucomunga.
    اسم الجامعه: University of Redlands. الجامعه تعتبر من جامعات الفئة الاولى ، وترتيبها ال 7 على مستوى غرب امريكا في دراسة الماستر ( كمان ان شاء الله راح تكون كويسه في باقي الدرجات العلميه) اضغط هنا.

    اسعار السكن في Rancho Cucomunga:
    غرفة نوم وحمام الله يكرمك الاسعار (تقريبا) من 765 الى 1250 دولار ، والمساحات من 500 الى 900 قدم مربع..

    بالنسبه للمعهد:
    مااعتقد في تقييم للمعاهد زي تقييم الجامعات (على حد علمي) ، لكن غالبا المعهد اللي يكون تابع لجامعه كويسه يكون كويس...
    لذلك:
    معهد University of California--San Diego اعتقد انه مناسب ، لان الجامعه من جامعات الفئة الاولى ، وترتيبها ال35 على مستوى اميريكا. اضغط هنا
    موقع المعهد (على شاطي المحيط) اعتقد ان له دور في شهرته بالاضافه الى مكانة الجامعه. اضغط هنا


    المصادر:
    - www.ucsd.edu
    - www.rent.com
    - www.redlands.edu




    اتمنى تكون المعلومات مفيده لك ولجميع المسلمين ، والله يختارلك اللي فيه الخير يارب...
    7 "
  4. المشاركة الأصلية كتبت بواسطة mag002
    اخ احمد
    اولا الله يجزاك خير عن المعلومات القيمة و الخدمات الي تقدمها لاخوانك المبتعثين
    حاب اسال عن جامعة سان انتونيو تاكسس ، انا مبتعث ماجستير مالية و جاني قبول لغة في نفس الجامعة ( ما ججاني قبول للماستر !!)
    رحلتي لواشنطن يوم 2 مايو و الي سان انتونيو يوم 5 مايو و باقي مارتبت للسكن ، ممكن تساعدي بالمعلومات التالية :
    1- كيف اقدر اجيب قبول ماستر مشروط و ايش تنصح فية اكمل ماستر في نفس الجامعة و لا ادور علي غيرها !
    2- بالنسبة للسكن ياليت تساعدني في معرفة الاسعار و انا ابحث عن سكن قريب من الجامعة و هل السكن يكون مفروش و لا لازم اشتري و كم يكلف الفرش عادة - و اي معلومات اضافية ممكن تساعد و تفيد
    3- بالنسة للكاش انا مخطط اشيل 3000$ الى ما ينزل الراتب ( هل المبلغ كفاية او قلييل او كثير ...)

    و اكون شاكر لو تذكر اي معلومات اضافية عن المدينة و مستوى الجامعه ...الخ
    اللهم يسر لي امري و امر جميع اخواني المبتعثين و المسلمين اجمعين
    بالنسبه لطريقة التقديم على قبول في University of Texas at San Antonio:
    هذه الصفحة فيها كل اللي تحتاجه عشان تقدم على الجامعه في تخصصك Finance M.S.. اضغط هنا

    هيا ولا غيرها:
    صراحه انا افضل انك تروح للجامعه اول ، وخلال فترة اللغه انت بنفسك راح تحكم اذا كان الجامعه مناسبه لك او لا.

    معلومه اضافيه عن الجامعه:
    الجامعه من جامعات الفئة الثالثه على مستوى امريكا (يعني مستواها متوسط تقريبا) وهذا يعطي انطباع عن المنطقه كمان . اضغط هنا

    بالنسبه للسكن (غالبا غير مؤثث):
    شفتلك شئ قريب من الجامعه..

    الاسعار:
    غرفة نوم وحمام الله يكرمك الاسعار (تقريبا) من 470 الى 950 دولار ، والمساحات من 500 الى 1100 قدم مربع..
    مثال:
    - هذا سكن اسمه Montecito ، يبعد عن الجامعه تقريبا 5 دقائق. اضغط هنا

    بالنسبه لاثاث:
    الاثاث تكلفته بحسب اللي تختاره ، غالبا الشقه يكون فيها اثاث المطبخ ( تلاجه ، مايكرويف ، فرن الخ) يعني باقي عليك ( تلفزيون ، كنب ، غرفة نوم"او سرير") وهذا زي ماقتلك يعتمد عليك .. مثلا ممكن اقولك الاثاث يكلف 2000 دولار .. لكن انت وقت الاثاث عجبك تلفزيون LED قيمته ب 2500 دولار!

    بالنسبه للمبلغ اللي معاك:
    صراحة اعتقد ان المبلغ ممتاز جدا.. هذا باذن الله راح يكفيك الين ماينزل الراتب...

    نصيحة:
    اول ماتوصل افتح حساب في البنك وحط بعض المبلغ في البنك وخلي شئ بسيط كاش معاك..السبب؟ لان البنك ياخذ اسبوع تقريبا الى مايرسلك بطاقة الصراف..

    المصادر:
    - www.utsa.edu
    - www.rent.com
    - www.usnews.com


    اتمنى لك رحلة سعيده ، والله يعينك وجميع المسلمين..
    7 "
  5. المشاركة الأصلية كتبت بواسطة الوافي @@
    السلام عليكم ورحمة الله وبركاته،،،

    أنا متحير بين الدراسة في استراليا او امريكا لمرحلة البكالوريوس في تخصص تقنية المعلومات لذا اود منك الايضاح ايهما افضل واسهل للدراسة.
    وحيث انني لدي عائلة اود اختيار دولة ارتاح فيها ولا تكون غالية جدا ومعقدة وابحث عن جامعة سهلة ومعهد ممتاز لاكمال الدراسة لذا اود منك افادتي والنصيحة .

    وفي النهاية ادعوالله أن يوفقنا لما يحبه ويرضاه ..
    وعليكم السلام ورحمة الله وبركاته...

    بالنسبه للاختيار بين اميريكا واستراليا:
    صعب الخيار جدا، لاسباب:
    1- كل البلدين فيهم جامعات كتير جدا..لذلك ممكن اقلك في جامعه كويسه في استراليا لكن يطلع في جامعه احسن منها في امريكا.
    2- البلدين كبيرين جدا.. يعني في امريكا نفسها في تنوع في المناطق بشكل عجيب.. مثلا اماكن ثلوج واماكن صحراويه ، واماكن غابات وغيره..

    بالنسبه للسهوله:
    نفس الشئ ..هذا يعتمد عليك وعلى اجتهادك ، ممكن شخص يكون في اسهل جامعه في الولاية ، لكنه مايذاكر بالمقابل راح يواجه صعوبه في الاختبارات مثلا ويحكم على الجامعه انها صعبه ومعقده والمدرسيين سيئين..
    لكن:
    غالبا الجامعات اللي يكون مستواها مرتفع..يكون فيها تحدي (لكن هذا الشئ يخليك تتعلم وتصير بارع في مجالك غالبا)

    نصيحه 1:
    سوي الاستخاره بين استراليا وامريكا ، وشوف ايش اللي ترتاح له وابدا بتضييق دائرة البحث..يعني استراليا ولا امريكا..وبعد كدا ابدا ودور على على المناسب لك في دائره اصغر (ولايات مثلا بدل دول) وعلى كذا الى مايكتبلك الله اللي فيه الخير لك ولاهلك...

    دولة غاليه او دوله رخيصه:
    لاتشيل هم..اي دوله فيها الاماكن الرخيصه وفيها الاماكن الغاليه..مثال: كاليفورنيا معروفه انها من اغلى الولايات في امريكا (اعيش فيها) .. ولكن فيها مناطق رخيصه وكل شئ..

    نصيحة 2:
    انصحك تجي امريكا.. اعتقد (رائ شخصي) ان تنوع الجامعات فيها افضل والدارسه كمان..لكن المهم انك تختار ولاية مناسبه... اختار ولاية كبيره...لاتشيل هم انها غاليه او شئ.. لما تعيش فتره في الولاية راح تعرف الاماكن الغاليه والرخيصه في الولاية بالخبره..

    المصدر:
    - شخصي.


    اسال الله العلي القدير ان يختارلك والمسلمين كل اللي فيه الخير يارب..
    7 "
  6. المشاركة الأصلية كتبت بواسطة ahkhayyat
    بالنسبه لطريقة التقديم على قبول في University of Texas at San Antonio:
    هذه الصفحة فيها كل اللي تحتاجه عشان تقدم على الجامعه في تخصصك Finance M.S.. اضغط هنا

    هيا ولا غيرها:
    صراحه انا افضل انك تروح للجامعه اول ، وخلال فترة اللغه انت بنفسك راح تحكم اذا كان الجامعه مناسبه لك او لا.

    معلومه اضافيه عن الجامعه:
    الجامعه من جامعات الفئة الثالثه على مستوى امريكا (يعني مستواها متوسط تقريبا) وهذا يعطي انطباع عن المنطقه كمان . اضغط هنا

    بالنسبه للسكن (غالبا غير مؤثث):
    شفتلك شئ قريب من الجامعه..

    الاسعار:
    غرفة نوم وحمام الله يكرمك الاسعار (تقريبا) من 470 الى 950 دولار ، والمساحات من 500 الى 1100 قدم مربع..
    مثال:
    - هذا سكن اسمه Montecito ، يبعد عن الجامعه تقريبا 5 دقائق. اضغط هنا

    بالنسبه لاثاث:
    الاثاث تكلفته بحسب اللي تختاره ، غالبا الشقه يكون فيها اثاث المطبخ ( تلاجه ، مايكرويف ، فرن الخ) يعني باقي عليك ( تلفزيون ، كنب ، غرفة نوم"او سرير") وهذا زي ماقتلك يعتمد عليك .. مثلا ممكن اقولك الاثاث يكلف 2000 دولار .. لكن انت وقت الاثاث عجبك تلفزيون LED قيمته ب 2500 دولار!

    بالنسبه للمبلغ اللي معاك:
    صراحة اعتقد ان المبلغ ممتاز جدا.. هذا باذن الله راح يكفيك الين ماينزل الراتب...

    نصيحة:
    اول ماتوصل افتح حساب في البنك وحط بعض المبلغ في البنك وخلي شئ بسيط كاش معاك..السبب؟ لان البنك ياخذ اسبوع تقريبا الى مايرسلك بطاقة الصراف..

    المصادر:
    - www.utsa.edu
    - www.rent.com
    - www.usnews.com


    اتمنى لك رحلة سعيده ، والله يعينك وجميع المسلمين..


    Thanks a loot Ahmed , may the peace and blessing of Allah be upon you and your family
    7 "
  7. المشاركة الأصلية كتبت بواسطة ahkhayyat
    [QUOTE=g.s.r;1746451]

    السلام عليكم ورحمة الله وبركاتة
    لمسنا فيك حب الخير يااخ احمد لقول الرسول صلى الله علية وسلم ( خير الناس انفعهم للناس ) اسئل الله جل وعلى ان يجعل ماتقدمة لاخوانك في ميزان حسناتك

    اولا انا تم قبولي بمعهد els بواشنطن دي سي وحسب ماسمعت ان المعهد مستواه من جيد الى جيد جدا ؟؟
    انا رايحة هناك عائلة ( انا وزوجي وطفلة رضيعة )

    ابغى اسئلك مجموعه اسئلة :
    1/ اسعار السكن بواشنطن دي سي كم ؟ واذا ماعليك تعب ياليت تبحث لي عن سكن قريب لم معهدي وياحبذا رخيص
    2/ هل فعلا معهد els بواشنطن مو كويس
    3/ هل فية امان بواشنطن دي سي والشعب ودود ويتحادث معك والا لا لاني خوافة ومو جريئة فلو كان المنطقة مو امان والشعب غير ودود ممكن يأثر على دراستي
    4/ اقدر احول من معهدي لمعهد ثاني من الان قبل مااسافر لاني صراحة حابة استقر من اول مااوصل خاصة اننا عائلة علما ان موعد دراستي 26 يوليو
    5/ من خلال ردك على احد الاخوات انة فية ميزة المسن المجاني بالاي فون طيب هل هذا المسن المجاني مع الاشخاص اللي بس معهم الاي فون ؟؟؟ يعني زي البلاك بيري ماتقدر تتواصل الا مع ناس معهم بلاك بيري
    6 / كم تكلفة المعيشة بواشنطن يعني صراحة واحد قال لزوجي تكفيكم مقاضي بيت ب 150 دولار شهريا << صراحة مااقتنعت هذا المبلغ مايكفي بالسعودية وشلون عاد امريكا
    وكم اسعار الوجبات السريعة مثلا وجبة من ماكدونالدز زي عندنا والا اغلى
    7 / كم اسعار الحضانات لطفلة عمرها 5 شهور


    والف شكر لك وفقك الله لما يحبة ويرضاه وانار دربك وسدد خطالك
    اللهم اغفر للمسلمين والمسلمات الاحياء منهم والاموات الى يوم الدين
    [/QUOTE]






    وعليكم السلام ورحمة الله وبركاته..

    بالنسبه للسكن:
    طبعا بحثتلك عن سكن قريب من معهد ELS/Washington, DC .اضغطي هنا

    بالنسبه للاسعار:
    غرفة نوم وحمام الله يكرمكم او استديو، الاسعار (تقريبا) من 950 الى 1400 دولار ، والمساحات من 260 الى 605 قدم مربع...

    امثله:
    - هذا سكن اسمه Idaho Terrace Apartments. يبعد عن المعهد تقريبا 7 . اضغطي هنا للخريطه
    - سكن تاني اسمه Devonshire Court South . يبعد عن المعهد تقريبا 3 دقائق. اضغطي هنا للخريطه
    - وهذا برضه سكن قريب اسمه The Berkshire . يبعد تقريبا 6 دقائق عن المعهد. اضغطي هنا للخريطه

    بالنسبه للمعهد:
    اعتقد (بناءا على تاريخ المعهد وعدد الفروع الموجوده حول العالم) انه كويس، لكن تذكري ان المعهد ماهو الا مساعد فقط واللغه تحتاج جهد شخصي منك كمان..

    بالنسبه لمنظقة D.C:
    خلي في بالك هذه النظريه المهمه.. الناس راح يعاملوكي (غالبا) بمثل ماتعامليهم، لنفرض انك وافقه في القطار وابتسمتي لامريكيه واقفه جنبك ، راح ترد لك الابتسامه .. والعكس صحيح..هذا شئ ، الشئ التاني .. صحيح في اقوال عن انه شعب الولايات الوسطى اقل ترحيبا بالاجانب واعتقد لان هذه الولايات مايكون جواذب سياحيه للاجانب..لكن في حالتلك ..منطقه دي سي في اكتر من مكان سياحي وهذا يعني انه اجانب بتوافدوا بكتره على الولايه وهذا راح يخلي الشعب اكتر وديه وتقبل للاجانب (في حد نظري.) الولايه يزروها 15 مليون شخص زائر كل سنه. اضغطي هنا


    بالنسبه لتغيير المعهد:
    انا انصحك انك تروحي للمعهد الان (انتي افضل حكم على الوضع) لانه مهما انا او غيري حال يقرب لك الوضع قد تروحي هناك وتتفاجئ بشئ اخر.. لذلك روحي المعهد واعطي لنفسك فرصه ، وتذكري انك تحتاجي وقت الى ماتتعودي على المنطقه وعلى الوضع ككل (تقريبا 6 اشهر)

    بالنسبه للماسنجر المجاني:
    الان فيه اكتر من برنامج للرسائل المجانيه بين الاي فون فقط (على مااعتقد).
    امثله:
    - هذا برنامجه اسمه imessenger. وكمان يسمح للإرسال الصور مجانا بالاضافة الى الرسائل. اضغطي هنا
    - وهذا برنامج تاني اسمه Ping!. اضغطي هنا
    احتمال يكون في برامج تسمح للتراسل بين الاي فون والبلاك بيري وغيره..
    لكن:
    ممكن تنزلي برنامج ماسنجر (MSN مثلا) ووتواصلي مع اي احد في جواله ماسنجر عن طريق اضافة الايميل..

    بالنسبه لتكلفة المعيشة:
    في الغالب من اسعار الايجار تاخذي تقريب عن اسعار المعيشه.. وبالنسبه للمصاريف الشهريه.. صعب جدا انه يتحدد رقم للمصاريف الشهريه .. كل شخص مختلف...ومع الزمن في الولاية ..راح تتعودوا على الاماكن الرخيصه وتقضوا منها ..

    لكن.. راح اعطيكي ( زي ماطلبتي) اسعار بعض الوجبات في ماكدونالدز:
    - تشيز برجر ب 99 سنت واحيانا يسوا عرض دبل تشيز برجر ب 1$
    - ممكن تاخذي وجبه كامله ( تشيزبرجر ، بطاطس ، مشروب غازي) مقاس وسط بتقريبا 4$

    بالنسبه للحضانات:
    غالبا الجامعه او المعهد يكون عندهم قائمة بحضانات ممكن تختاري وحده منها ، واعتقد بعضهم يعضوا تخفيض اذا كنتي طالبه.
    لكن:
    - هذه قائمة فيها اكتر من 50 مركز في الولاية مع عناوينهم وارقام تلفوناتهم. اضغطي هنا





    اتمنى اكون اعطيتك والجميع معلومات تفيد ، والله يكتبلكم الخير والمسلمين اللهم امين..

    الله يجزاك الف خير
    ماقصرت مشكور على بحثك وعلى وقتك
    اللهم وفق المسلمين لما تحبة وترضة اللهم وحد كلمتهم ياحي ياقيوم
    7 "
24 من 129 صفحة 24 من 129 ... 192324252974 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.