اسأل أحمد خياط

الله يوفقك ويسهل أمرك ويجعله في ميزان حسناتك إنشاء الله
قول آمين

بارك الله فيكم جميعا

اقتباس:

---

المشاركة الأصلية كتبت بواسطة أم معتز

السلام عليكم أخوي .

أنا عندي سؤالين: انا ابقدم ماستر موارد بشريه في جامعه مارشال بقبول مشروط.

السؤال الاول: ماادري كم سنه يأخذ الماجستير مع المتطلبات؟؟ انا راسلتهم وقالوا لي سنتين بس ماادري مع المتطلبات او بدون؟؟هذا الرابط حق مواد هذا التخصص

Marshall University - Lewis College Of Business

وسؤالي الثاني : ايش رأيك بهذه الجامعه هل هي قويه وتنصح فيها؟؟



اللهم اغفر للمسلمين والمسلمات الاحياء منهم والاموات.. والله يوفقنا واياك لطاعته.

---

وعليكم السلام ورحمة الله وبركاته...

بالنسبه لمدة دراسة الماستر في Marshall University:
بحسب موقع القسم في الجامعه.. الساعات المطلوبه هي من 30-36 ساعه.. ال6 ساعات اضافيه هذه يحددها لكي المشرف الطلابي وتكون مواد تحتاجيها احتمال من مواد البكالوريوس..لذلك اعتقد انك ان شاء الله تقدري تخلصي في سنتين مع المواد اللي راح يطلبك هيا...اضغطي هنا (اللي هوا نفس الموقع اللي اعطيني هو)

بالنسبه ل Marshall University:
الجامعه تعتبر من جامعات الفئة الاولى ، وترتيبها ال 45 على مستوى امريكيا. اضغطي هنا
ان شاء الله الجامعه راح تكون كويسه (بحسب مركزها) وعلى فكره الجامعه ماخذه هذا الترتيب بناءا على برنامج الماستر اللي في الجامعه..


المصادر:
- www.marshall.edu
- www.usnews.com

اتمنى اكون افدتك ولو بالقليل..والله يوفقك والمسلمين ..اللهم امين...

اقتباس:

---

المشاركة الأصلية كتبت بواسطة Mr.Nabil

الله يغفر لك ولوالديك والمؤمنين

اخوي تقدر تعطيني نصيحة ناوي اشري لاب توب من المديل الجديد الي معالجه i5 or i7 ( مادري ليش احسك تحب هالاسئلة )

تقدر تفيدني علما ان الاستخدام راح يكون في البرمجة يعني مو بس تصفح وياليت تذكر لي رقم المعالج المفضل ايضا يعني مثلا
i5-7xx

ولو شريته من امريكا وش الحل مع الكيبورد عشان تصير عليه الاحرف عربيه غير الطوابع الي ممكن تخرب الاب توب مع الحرارة والاستخدام

الله يوفنا واياكم وجميع المسلمين

---

بالنسبه للاب توب:
اعتقد افضل طريقة انك تشوف جهاز مواصفاته "متلائمة" ..عشان اوضحلك اللي اقصده..خليني اعطيك مثال بسيط..تخيل لو انك تبا تشتري سياره..وطلبت مني اني اشوفلك سياره فيها اقوى ماكينه بغض النظر عن اي شئ اخر..بكدا ممكن اشوفلك سياره يكون عليها ماكينه قويه جدا ولكن عليها كفرات صغيره جدا ..استفادتك من المحرك راح تكون محدوده جدا لان الكفرات ماتساعد..(مثال مقارب.. الجي ام سي يوكن محركه قوي جدا لكن نسبة كبيره من القوه ضايعه في الوزن)
نفس المثال بنظبق على الحاسب..اذا اخذت جهاز المعالج حقه 3.44 جيجاهيرتز ..ولكن الرام 2 جيجا بايت ..هنا راح تلاحظ انه مافي تناسق والسرعه الاضافيه اللي في المعالج ماراح تستفيد منها كتير...(طبعا في اشياء كتير اتجاوزت عنها في المثال عشان ابسطه فقط)

بالنسبه للبرمجه:
مااعتقد انك تحتاج مواصفات عاليه جدا..لانه اعتقد في الجامعه..مااعتقد راح تكتب برامج كبيره..يعني 1000 سطر او شئ زي كدا..ولبرامج في هذا الحجم ماتحتاج جهاز قوي جدا..

بالنسبه لاجهزه (اقترحها) عليك:
صراحه مااعرف انت كم ميزانيتك للجهاز..
لكن:
خليني اعطيك جهاز من افضل الشركات اللي موجوده حاليا:

HP:
هذا الجهاز مواصفاته كويسه..وحجمه مناسب جدا..طبعا i7 والرام 6 جيجا بايت ..ولاحظ الهارديسك سرعته 7200 rpm وذاكرة كرت الشاشه لحالها 1 جيجا بايت ..يعني كل شئ تقريبا متناسق .اضغط هنا
وهذا تقرير فيديو عن الجهاز عشان تعرف العيوب وكل شئ. اضغط هنا

Sony:
وهذا جهاز من سوني مواصفاته قريبه من جهاز اتش بي..لكن هنا سرعة الهارديسك اقل شويه..اضغط هنا
وهذا تقرير مصور عن الجهاز. اضغط هنا

Dell:
هذا الجهاز شكله رائع جدا وتصميمه مبتكر جدا ..بالاضافه الى ان مواصفاته كويسه كمان. اضغط هنا
من شركه ديل..موديلات XPS دائما تكون مواصفاتها احسن من غيرها مثل inspiron
وهذا كمان شرح مصور عن الجهاز "راح تشوف ليه تصميمه مميز". اضغط هنا

اضافه:
في شركة اعتقد ان اغلب الناس مايعروفها .. لكنها ممتازه جدا واجهزتها من افضل الاجهزه.
Alienware: (ارشح هذه الشركه طبعا)
وهذا موقعهم. اضغط هنا


الكيبورد:
انا انصحك انك ماتسوي شئ..احفظ اماكن الحروف العربيه وخلاص..صدقني ماراح تاخذ وقت الا وانت حافظ كل الحروف..

معلومه اضافيه:
الان تصميم الجهاز صار نقطة مهمه في المنافسه بين الاجهزه..لان اغلب المستخدمين العاديين..مايهتموا في مواصفات الجهاز اكتر من شكله...لذلك..اذا شفت نفسك حيران بين جهازين والمواصفات تقريبا قريبه من بعض..شوف التصميم المناسب لك "او اللون" واختار بناءا عليه...

المصادر:
-www.cnet.com
-www.bestbuy.com


الله يكتبلك الخير ولجميع المسلمين..ومبروك مقدما على الجهاز الجديد...

اقتباس:

---

المشاركة الأصلية كتبت بواسطة amrk-3jib

أخوي وش الفرق بين
Individual Plans
و
Family Plans
و وش المطلوب مني إذا بغيت أطلع رقم ( هل أفتح حساب قبل ؟؟ )
ولكـ جزززززيل الشكر
والله يوفق الجمييييييع
تحياتي

---

بالنسبه individual plan vs family plan:
ال individual plan:
في هذه الفئة تاخذ شريحة جوال واحده فقط.
هذه مناسبه للافراد..

و ال family plan:
هذه تاخذ فيها مجموعه شرائحة ..يعني اثنين او اكثر، اذا كان عندك عائله او ممكن تشترك انت واصحابك وتوفروا...

اللي تحتاجه:
كل شركة شروطها مختلفه ..لكن غالبا هذه الخطوات:
1- تختار الفئة المناسبه.
2- تختار عدد الدقائق اللي تحتاجها في الشهر..اعتقد من 450 الى لامحدود "مع العلم ان بعض الشركات تحسب عليك المكالمات الوارده -يعني تخصم من الدقائق"
3- تختار باقة رسائل..كم رساله تحتاج في الشهر؟ اعتقد من 200 الى لامحدود " ايضا بعض الشركات تحسب عليك الرسائل الوارده"
4- تختار جوال.. غالبا راح يعطوك خيارات محدوده جدا انك تاخذ جوال مجانا -لكل خط- لكن ممكن تاخذ جوالات افضل بفرق بسيط وباسعار رمزيه..مثلا الاي فون بدون عقد ب تقريبا 699 وبالعقد يكون 299 ..
5- تقلهم اذا عندك خصم معين..بعض الجامعات يكونوا متعاقدين مع شركات اتصالات معينه ويعطوهم 15% تخفيض كل شهر..على سهر الباقه فقط.

ملاحظة:
بعض المراكز يطلبوا منك رقم الضمان الاجتماعي..في بعض الحالات تقدر تعطيهم جوازك وصوره من الفيزا ويمشوك..اذا ماصار...روح لفرع تاني وان شا ءالله تزبط..

معلومه:
هذا موضوع ان شاء الله يفيدك..فيه معلومات بالتفصيل عن الاتصالات في اميريكا.اضغط هنا

المصدر:
- شخصي.

اتمنى اكون افدتك ، والله يختارلك اللي فيه الخير يارب...

اقتباس:

---

المشاركة الأصلية كتبت بواسطة حلم دبلوماسي

جزاك الله خير على سعة صدرك
اخترت تخصص علوم سياسية لاكمال الماستر سؤالي
-ماهي أفضل الجامعات الأمريكية في هذا التخصص وماهي التخصصات الفرعية الموجودة فيها؟
-كم مدة دراسة الماجستير في الجامعات الأمريكية بشكل عام بدون اللغة طبعا
-جامعة كلورادو -دنفر في أي ولاية وهل تنصحني بها (المناخ-تكاليف السكن والمعيشة-الأمان)
اللهم أعز الاسلام والمسلمين

---

وياك ياغالي...

بالنسبه لافضل الجامعات في تخصص Political Science:
هذه قائمة بافضل الجامعات في التخصص. اضغط هنا

بالنسبه للاقسام الفرعيه للتخصص:
صراحة اقسام كتير جدا ، لكن مثالا:
1- Political behaviour
2- Nationalism studies
3- Foreign policy analysis
4- International relations

وهذه قائمة بكل التخصصات الفرعيه. اضغط هنا


بالنسبه لمدة الدراسه:
اعتقد غالبا المدة من سنه الى سنتين ، وهذا طبعا بحسب التخصص وتوفر المواد..


بالنسبه University of Colorado--Denver:
صراحة مستوى الجامعه غير مناسب.. وتعتبر من جامعات الفئة الرابعه..بالاضافة الى ان المنطقه جافه من عدة نواحي..

نصيحه:
اتمنى لو انك تغير عن الجامعه اللي مختارها حاليا..وتشوف جامعه من الجامعات اللي اعطيتك هي في القائمة اعلاه..والله يكتبلك اللي فيه الخير..


المصادر:
- www.usnews.com
- www.wikipedia.com
- www.ucdenver.edu


اتمنى لك التوفيق ولجميع المسلمين يارب..

اقتباس:

---

المشاركة الأصلية كتبت بواسطة لزوز الحبوب

حبيبي احمد
ربي يسعدك ويوفقكـ ويجزاكـ انت وللجميع عن كل حرف حسنة يارب لما تقدمونه من خدمات جليلة تجاة اخوانكم واخواتكم الطلبة

كنت حابب اسئل عن افضل جامعة من ناحية ماجستير محاسبة ؟؟

ياليت لو تفيديني او حد من الاخوان والاخوات للأهمية القصوى
دمتم بخير

---

بالنسبه للافضل الجامعات في ال Accounting:
هذه قائمة بافضل الجامعات لتخصص الاداره -> محاسبه. اضغط هنا

معلومه:
القائمة اعلاه خاصه لمرحلة الماجستير فقط.


المصدر:
- www.usnews.com

اتمنى لك التوفيق ولجميع المسلمين ، اللهم امين..

اقتباس:

---

المشاركة الأصلية كتبت بواسطة message

جزاك الله كل خير اخي احمد وبارك الله فيك ونفع بك
في البدء قبل ان اطرح السؤال بحثت عن اجابه وﻻ اخفيك ان البحث زادني حيره من تضارب الاراء ومن جوانب اخرى تكون ناقصه عن كامل الاستفسار الخاص بي . لذلك قررت ان اطرح إستفساراتي بين يديك راجيا من الله ان يعينك عليها
وآمل ان ﻻ اكون خالفت الشروط .
مبتعث لدراسة الماستر
لدي مرض sickle cell ﻻ يناسبني البرد وﻻ الاماكن المرتفعه التي ينخفض فيها معدل الاوكسجين الضغط الجوي الخ.
اتمنى منك ترشح اماكن تناسب الحاله الصحيه شبيه تقريبا بجو مثل جده لو ابرد شوي مافيه مشكله .
٢- تكون مدينه آمنه واهلها طيبين نسأل الله السلامه .
٣-مناسبه للعوائل .
٤-حبذا لوكانت تتواجد بها مراكز وخدمات صحيه جيده .
٥- ان تكون مكافئة الملحقيه تكفي للعيش بها !!
اخي احمد اعلم اني قد اكون اثقلت عليك وانه من الصعب تقريبا ان تجتمع هذه المواصفات في مكان واحد ولكن حاول التسديد والمقاربه حسب الاولويه عسى الله ان ينفعنا بك

اللهم اهد ضال المسلمين , وفرج كرب المكروبين
وفقكم الله

---

وياك ياغالي..
صراحة سويت بحث بسيط عن مرضك (عشان اخذ فكره اوسع). اضغط هنا واستفدت معلومات مهمه عن هذا المرض..واسأل الله العظيم رب العرش العظيم ان يرفع عنك وعن جميع المسلمين كل سوء ..اللهم امين

طريقة البحث:
اللي سويته..بحثت عن افضل المستفشيات الموجوده على مستوى امريكا..واستنثنيت منها المستشفيات الواقعه في الولايات الشماليه (غالبا تكون بارده) وركزت على الولايات الساحليه..

النتيجه:
اعتقد افضل خيارين لك هم: كاليفورنيا(يمكن قرات لي من قبل انها ولايتي المفضله) و فلوريدا...

الولاياتين فيهم عدد لا باس بي من افضل المستشفيات على مستوى امريكا.. ولكن فلوريدا فيها عدد اكبر من كاليفورنيا..

نبدا بكاليفورنيا:
صدقني الولايه فيها كل اللي تحتاجه..ولو ان البعض ينظر لموضوع المكافاه على انها غير كافيه..صدقني اشوف العكس..المكافاه تكفي وهذا عن خبره شخصيه واراء من اشخاص (اصحابي) عايشين في الولايه كمان..

فلوريدا:
طبعا من الولايات الجميله في امريكا ...والولاية سياحيه..يعني ان شاء الله الناس راح يكونوا طيبين لاحتكاكهم بالسياح واختلاف الاعراق فيها..وزي ماقلتلك فيها اكبر عدد من افضل المستشفيات الموجوده في اميريكا..

معلومه اضافيه:
هذه قائمة بافضل المستشفيات على مستوى اميريكا . اضغط هنا

المصادر:
- www.foxnews.com
- health.usnews.com


اتمنى لك رحلة سعيده ، والله يحميك وجميع المسلمين يارب..

اقتباس:

---

المشاركة الأصلية كتبت بواسطة لا ادري من انا

السلام عليكم اخي
انا ارسلت طلب الى معهد EF بالدراسة عن طريق الموقع الالكتروني حقهم وفي نفس الوقت الي ارسلت جتني رسالة على البريد بعنوان (تأكيد الحجز ب EF العالمية للغات )) ومضمون الرسالة :
((
This e-mail and any attachments may contain confidential and
privileged information. If you are not the intended recipient,
please notify the sender immediately by return e-mail, delete this
e-mail and destroy any copies. Any dissemination or use of this
information by a person other than the intended recipient is
unauthorized and may be illegal))

انا الحين وش اسوي انتظر ولا ايش بالضبط وشكرا اخي جدا على الي تسويه
وانا منتظر الاجابة ومحتاجها جدا جدا جدا .

ونسأل الله ان يفرج عن المسلمين همومهم وييسر لهم امورهم .

---

وعليكم السلام ورحمة الله وبركاته..

بالنسبه للايميل اللي جاك:
اعتقد هذا بس توضيح قانوني عن محتوى الايميل..لكن احتمال يكون فيه مرفق او شئ...وغالبا يكون فقط تاكيد باستلام طلبك..هذا يكون رد اوتوماتيكي من النظام...

ايش تسوي؟
اذا تتوقع انك سويت كل الطلبات زي ماهو مطلوب..انا افضل انك تنتظر..اكيد ان شاء الله راح يجيك رد من عندهم بالقبول.

ايضا:
تقدر ترجع للموقع اللي ارسلت منه الايميل واقراء التعليمات مزبوط..وحاول تقراء المدة المحدده للرد على الايميلات.. بعضهم يحددوا مدة قصوى ..مثلا يومين او شئ زي كدا..

المصدر:
- شخصي.

الله ييسرلك امورك ولجميع المسلمين يارب..

اقتباس:

---

المشاركة الأصلية كتبت بواسطة الماااستر

وفقكـ الله ونفع بك اخوانكـ واخواتك

سؤالي عن جآمعة California State University, Fullerton

سمعت ان التسجيل الان فاتح فيها بس مو متأكد لأي فصل

مدري للfull 2010 او للـ spring 2011

وماهي متطلبات القبول لدراسة الماستر في تخصص Education Technology

مع العلم ان التخصص موجود في الجامعة

اعلم اخوي احمد انك تقوم بخدمه عظيمه أسأل الله ان يوفقكـ ويوفق اخواننا المسلمين في كل مكان

---

بالنسبه لفترة التسجيل في California State University, Fullerton:
هذه معلومات مفصله عن التسجيل ومواعيد التسجيل بحسب الفتره الدراسيه:
- Fall 2010. اضغط هنا
- Spring 2010. اضغط هنا
- Summer 2010.اضغط هنا

بالنسبه لطلبات القبول ل Education Technology:
هذا الموقع فيه معلومات تخص القبول. اضغط هنا ، وهذا فيه معلومات اضافيه. اضغط هنا

المصدر:
- www.fullerton.edu


اتمنى لك التوفيق ولجميع المسلمين .. اللهم امين..