الأعضاء الإشتراك و التسجيل

الملتقيات
ADs

اسأل أحمد خياط

اسأل أحمد خياط


NOTICE

تنبيه: هذا الموضوع قديم. تم طرحه قبل 2853 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة SMARTART
    السلام عليكم ورحمة الله وبركاته ..
    أخوي أحمد الله يوفقك في اختباراتك ..

    أنا راح أبتعث من جهة عملي للحصول على الماستر في علوم الحاسب الآلي , وجاني قبول مبدئي مشروط من ثلاث جامعات وهي كالتالي :

    1. Middle Tennessee State University في ولاية Tennessee في مدينة Murfreesboro وترتيبها في الرانكد الأمريكي 56 ودرجتها 41 .

    2. California Lutheran University في ولاية California في مدينة Thousand Oaks وترتيبها في الرانكد الأمريكي 18 ودرجتها 58 .

    3. Oklahoma City University في ولاية Oklahoma في مدينة Oklahoma City وترتيبها في الرانكد الأمريكي 25 ودرجتها 51 .

    أسئلتي :

    1. ما هو المكان المناسب خصوصا اني راح أحضر زوجتي وطفلي ( سنتين ونصف ) من ناحية المعيشة و الحجاب الاسلامي والشعائر الاسلامية , والأمان , والتنقل ومكان قضاء عطلة الأسبوع ؟
    2. هل تستطيع زوجتي إكمال دراستها الثانوية ؟
    3. هل يتوفر حاضنة لطفلي ؟
    4. هل أحتاج إلى سيارة خصوصا في البداية , أم هناك وسائل نقل تكفي ؟
    5. هل مكافأتي تقريبا 3000 دولار تكفي ؟
    6. ما هو البنك المناسب , وخطوط الطيران المناسبة , وشركة الكهرباء وهل أحتاج إلى سوشت سيكورتي ؟
    7. فور وصولي إلى أمريكا , كيف لي أن أحصل على شريحة اتصال كي تكون معي ومع زوجتي ؟
    8. انصحني .. كيف لي أن أرتب أمور سفري إلى الولاية المختارة , وماذا أفعل أول ما أصل , وكيف لي أن أستأجر سكن مناسب , وهل الأفضل يكون مفروش أم غير مفروش ؟

    اللهم وفق أخي أحمد وأنر دربه , وفرج عنه كربة من كرب يوم القيامة , هو وأبناء وبنات المسلمين ...

    وعليكم السلام ورحمة الله وبركاته...




    بالنسبه لاختيار الجامعه:
    صراحة لو كنت مكانك راح اختار CLU ، وذلك لانها -اولا واهم شئ- ترتيبها كويس.. ثانيا موقعها في ولاية من افضل الولايات في امريكا وان شاء الله راح تكون امنه ومناسبه لكم..



    معلومات اضافيه عن CLU بحسب اسئلتك:
    طبعا زي ماتفضلت مركزها ال18 على مستوى جامعات جنوب امريكا.. والان راح اعطيك اجابات لاسئلتك على اساس هذه الجامعه...


    الاسئله:
    1) ان شاء الله مكان الجامعه زي ماقلتك راح يكون مناسب وراح يعجبكم ان شاء الله...



    2) نعم تقدر تكلم الدراسة الثانويه.. وهذا الشئ طبعا راح يكون مجاني.. على حساب الحكومه الامريكيه.. كل اللي تحتاج تسويه انك تسجلها في مدرسة الحي اللي راح تسكنوا فيه ان شاء الله..



    3) نعم يوجد.. وهذه قائمة بجميع الحضانات القريبه منك ، وارقام الهواتف والعنواين وغيره. اضغط هنا.



    4) صراحة اعتقد نعم تحتاج سياره.. كاليفورنيا كبيره جدا والسياره ضروريه. وانصحك انك تخطط لهذا الشئ وترتب اموره قبل ماتجي. يعني مثلا قبل ماتجي بكم يوم حاول تبحث عن سياره وخليها في بالك واول ماتوصل تشتريها ان شاء الله.. افضل طريقة اعتقد انك تستخدم موقع بيع سيارات.
    هذه قائمة في موقع كويس لبيع السيارات .. للسيارات اللي للبيع في المنطقه القريبه من الجامعه. اضغط هنا.


    5) نعم ان شاء الله راح تكفي.. اهم شئ في اول شهر حاول تدرس مصاريفك كويس عشان تعرف مستقبلا كيف راح يكون صرفك..


    6) صراحة اكتر من بنك يعتبروا من البنوك الكويسه.. على سبيل المثال.. Bank of America, WellsFargo, USbank. وغيرهم...

    خطوط الطيران؟
    على حسب خطة الرحله.. لكن غالبا -شخصيا- تعجبني الخطوط الالمانيه... Lufthansa


    شركة الكهرباء؟
    اعتقد شركة وحده فقط هي المتعهده في المنطقه..


    ال SSN:
    بعض الاحيان تحتاج اليه ، تقدر تطلعه اذا لقيت وظيفه "نعم تقدر تشتغل وانت على فيزة طالب" لكن اعتقد فقط في الجامعه وبحد اقصى 20 ساعه اسبوعيا..



    بالنسبه للاتصالات:
    راجع موضوعي. "معلومات مبسطة عن خدمات الاتصالات في أمريكا (للجدد)"



    7) اهم شئ اتوكل على الله .. وخذ كل شئ ببساطه.. لاتحاول تعقد الامور وخلي الامور تمشي على راحتها..قبل ماتسافر ان شاء الله.. حاول تشوف سكن مناسب "مهم" وعشان تسوي هذا الشئ ، انصحك تروح هذا الموقع. اضغط هنا. وتحط الرمز البريدي لمدينتك... اللي هو..CA 91360 "اذا اخترت كاليفورنيا" وتشوف الشقق.. في الغالب راح تحتاج اثاث..






    المصادر:
    - www.autotrader.com
    - www.toaks.org







    اتمنى لكم رحلة سعيده.. والله يوفقكم وجميع المسلمين... يارب..
    7 "
  2. المشاركة الأصلية كتبت بواسطة ابو العصافير
    السلام عليكم ورحمة الله وبركاته أخ أحمد
    جزاك الله الف خير
    وأعانك على فعل الخير وتقديم المساعدة للغير
    اسئلتي
    - زوجتي تريد اكمال الماستر تخصص تغذية علاجية Nutrition وتخصصها في البكالوريوس اقتصاد منزلي هل يحق لها أن تكمل الماستر في هذا التخصص معدلها 88%
    _ اخترنا ولاية أوهايو جامعة Kent لأن الدراسة ستكون على حسابنا الخاص
    _ واش الخطوة اللي لازم أسويها أجيب قبول من الجامعة ويكون مشروط ولا أجيب قبول من معهد؟
    _ ودي أعرف كيف المعهد التابع للجامعة من حيث الدراسة وأسعار المعهد من غير أكل وشرب وسكن
    _ السكن لعائلة مكونة من طفلين
    هل ولاية اوهايو أرخص من ولاية مسوري؟
    عند البحث على التخصص في موقع الوزارة وجدت أن جامعة كنت مكتوب فقط بكالوريوس بالرمز B ومو مكتوب ماستر بالرمز M
    هل يعني هذا أن الجامعة غير معترف فيها بدراسة الماستر
    على سبيل المثال جامعة Arizona عند البحث في موقع الوزارة مكتوب عند التخصص الرمز B والرمز M
    ليتك تفيدني في هذا الموضوع
    وكيف ولاية Arizona من ناحية الرخص
    لأني أبي ولاية رخيييييصة لين ننظم بأسرع وقت بعد مشيئة الله
    السؤال الأخير متى تبدأ دراسة الماستر في أمريكا

    جزاك الله ألف خير أخوي ونفعك بما تتعلم

    اللهم أصلح أحوال المسلمين والمسلمات
    ويسر أمر الدارسين جميعا



    وعليكم السلام ورحمة الله وبركاته...




    بالنسبه لدراسة زوجتك:
    اعتقد تقدر تدرس ، لكن اللي احتمال يحصل هو ان الجامعه راح تطلب منها مواد كمتطلبات قبل ماتبدا في الدراسه.. هذه المواد غالبا تكون مواد اساسيه "من مرحلة البكالوريوس" في القسم اللي هيا راح تقدم عليه لدراسة الماستر...
    مثلا الان راح تدرس تغذيه..وكان تخصصها اقتصاد... وفي تخصص الاقتصاد مادرست مادة كيمياء..وفي تخصص التغديه المادة اساسيه ومهمه عشان تفهم بعض المواد المتقدمه في الماستر.. لذلك راح يطلبوا منها انها تدرس كيمياء 101 من البكالوريوس عشان تلم ببعض المعلومات الاساسيه والمهمه لتخصصها الجديد ، التغذيه... "هذا مجرد مثال"..





    بالنسبه للقبول:
    اعتقد الاسهل انك تجيب قبول من المعهد اول ، وبعدين تطلب منهم انهم يساعدوك في قبول الجامعه.. او انك تقدم على الاتنين مع بعض..خلي في بالك طالما المعهد تابع للجامعه.. ان شاء الله الامور بينهم راح تكون ميسره..حتى في بعض المعاهد التابع للجامعات .. مايشرطوا التوفل.. ويطلبوا منك انهاء مرحلة معينه ويتم بعدها قبول في الجامعه قبول نهائي..




    بالنسبه لمستوى المعهد:
    صراحة مستوى الجامعه غالبا يعطيك انطباع عن مستوى المعهد التابع لها.. لذلك راح اعطيك تقييم الجامعه وبناءا عليه تاخذ صوره عن مستوى المعهد ان شاء الله..

    الجامعه تعتبر من جامعات الفئة الاولى ، وترتيبها ال183 على مستوى جامعات امريكا..اضغط هنا. لذلك اعتقد ان مستوى الجامعه/المعهد متوسط..



    بالنسبه لاسعار المعهد:
    هذه صفحة فيها قائمة بجميع التكاليف بالتفصيل للدراسة في المعهد. اضغط هنا.




    اسعار السكن:
    طبعا راح اشوفلك اسعار السكن "التقريبيه" القريبه من الجامعه او المعهد...

    غرفتين نوم وصاله وحمام الله يكرمكم.. الاسعار.. من 665 الى 850 دولار.. والمساحات من1000 الى 1100 قدم مربع..



    اوهايو ارخص ام ميسوري؟
    صراحة هذا يعتمد على فين راح تسكن ومصاريفك.. وكل ولاية فيها مدن رخيصه واخرى غاليه..لكن ، وبناءا على هذا التقرير. اضغط هنا. اعتقد ان ميسوري ارخص..



    بالنسبه لموقع الوزاره:
    نعم اعتقد اذا ماكان مكتوب المرحله.. معناته التخصص مومعتمد لهذه المرحله.. احرص ان الجامعه تكون موجوده ، والتخصص ، والمرحله كمان..



    بالنسبه لاريزونا:
    راجع قائمة ارخص الولايات عشان تشوف الارخص..




    بالنسبه لبداية دراسة الماستر:
    صراحة هذا يعتمد على الجامعه والبرنامج اللي مقدم عليه..ونظام الجامعه.. بعض الجامعات نظامهم ترمين في السنه.. وبعضهم اربع اترام في السنه وغيره...عموما .. هذا التقويم العام لجامعه Kent. اضغط هنا.






    المصادر:
    - www.usnews.com
    - www.kent.edu
    - www.rent.com
    - www.lovetoknow.com







    اتمنى لك التوفيق.. والله يسهل لك امورك ولجميع المسلمين .. اللهم امين..
    7 "
  3. من زمان مستني ردك الله يحفظك ويسهل أمورك ويخليلك أغلى ما عندك
    عندي بعض الأسئلة البسيطة إذا سمحتلي
    * اسعار المعهد بالسكن والمواصلات والأكل وغيرها وأنا أريد السعر بدون السكن والمواصلات والأكل وغيرها يعني سعر الدراسة فقط
    * معدل زوجتي في البكالوريوس 88 من 100 جيد جداً مع مرتبة الشرف واريد معرفة هل هذا المعدل يساعد في انضمامها للبعثة
    * هل يمكن الالحاق بالبعثة في فترة اللغة أي أربعة أشهر
    * هل يسمح للخادمة بالدخول إلى أمريكا
    * انا خايف لأنه معاي أولادي أريد نصيحة تقدمها لي علما بأني موظف وسأقدم اجازة استثنائية
    آسف عالإطالة ولكن ماعندي إلا الله ثم إنت وأنا الآن سأذهب للحرم المكي وسأدعيلك على فكرة حروح مشي على رجولي لأني من سكان مكة وبجوار الحرم .

    اللهم عز المسلمين والمسلمات بالعلم الصالح النافع
    اللهم أصلح أحوال المسلميين جميعا
    اللهم أميييييييييييييييين
    7 "
  4. المشاركة الأصلية كتبت بواسطة غريب اليالي
    السلام عليكم ورحمه الله وبركاته


    كيفك ياخي احمدانا ادرس حاليا بجامعه http://www.umbc.edu/ معهدهم حلو بس الجامعه صعببببه مره

    وديره خطييييييييييييييره مره مره وعلى خطورتها غاليه لانها مضمومه لواشنطن دي سي وهي ماتستاهل وهي ولايه مريلاند مدينه بالتيمور وحبيت اسالك عن جامعه بمدينه
    ينقستون بولايه اوهايو وهاذا رابط الجامعهYoungstown State University.
    من ناحيه خبرتك في امريكا هل تنصحني بالنقل لهذه الجامعه من ناحيه قله المعيشه والسكن لان ضروفي ماتسمح اني اصرف كثيير ومن ناحيه قوه المعهد وسهولت الجامعه
    الله يوفقك ياحمد لاتردني بالهذاالسوال


    والله يوفقك ووالديك والديهم والناس اجمعين ويجعل كل جهد سويته يتضاعف فيه الاجر ويرحم المسلمين والمسلمات الاحياء منهم والاموات ويوفقك لنفع دينك وبلدك


    وعليكم السلام ورحمة الله وبركاته..




    بالنسبه ل Youngstown State University:
    صراحة الجامعه تعتبر من جامعات الفئة الثانيه ، ومالها اي ترتيب "على الاقل في الموقع اللي استخدمه" اضغط هنا.


    اما الجامعه اللي انت فيها حاليا University of Maryland--Baltimore County: الجامعه تعتبر من جامعات الفئة الاولى ، وترتيبها ال 159 على مستوى امريكا..اضغط هنا.




    نصيحه:
    صراحة مااعتقد انه لازم تنقل ل YST وذلك لان ترتيبها غير مناسب بالاضافه الى انه الجامعه اللي انت فيها ترتيبها اعلى..اذا تقدر استمر في جامعتك واسمع نصيحة اخوك.. مافي شئ صعب..وبما انك مادرست في الجامعه ، ف اعتقد انك سمعت من طلاب او شئ هذه المعلومه.. لكن اقولك هذا الشئ قد مايكون صحيح لك.. لو دخلت الجامعه وشديت حيلك باذن الله راح تمشي واتركك من كلام الناس.. صدقني لو تروح اسهل جامعه.. راح تلقى طلاب يقولولك انها صعبه.. لكن اعتقد اغلبهم يكون مقصر ومااعطى الدراسه حقها..
    ايضا.. اذا فيه امكانيه.. افضل انك تشوف جامعه مستواها افضل من الاتنين اللي ذكرتهم.."هذا اذا كان مصر انك تنقل من جامعتك الحاليه" وصدقني راح تعرف قيمة الجامعه اللي متسواها مرتفع لما تتخرج وتشوف انك اتعلمت شئ راح تفيد بيه نفسك وغيرك ان شاء الله.."فكر في العلم مو في السهوله والصعوبه والشهاده!" ...مجرد نصيحه..






    المصدر:
    - www.usnews.com





    اتمنى لك التوفيق ولجميع المسلمين .. يارب..
    7 "
  5. السلام عليكم ، ،
    اخوي احمد ، ،
    انا الحين سويت ابلكيشن على ، (University Of California) ، سويت كل الخطوات ، وعندهم Fee ما دفعت والله العالم كيف عبرت المهم ،
    1- كم يوم على ما ينزل القبول .
    2- استمارة الــ (I-20) متى يرسلونها .
    3- الحين خلنا نقول ما قبلوني (لاسمح الله) وش احسن الجامعات في كاليفورنبا مع العلم اني (تخصص هندسة) ياليتها تكون مقبولة في الوزراة.
    4- بالنسبة لــ اسمتارة الـ(I-20) كيفية الحصول عليها .
    5- بـالنسبة للتحويل من حسبي للبعثة انا سمعت انهم يرجعون لي فلوسي كلها (تذاكر ، سكن ، جامعة) صح او لا ؟ .
    6- جزيت الف خير مقدماُ ! .

    اللهم وفق صاحب الموضوع لكل خير واصلح له دينه ودنياه ويسر له خدمة اخوانه ، ،
    اللهم انصر الإسلام واعز المسلمين وارفع الضلم عن المضلومين ، ،
    7 "
  6. المشاركة الأصلية كتبت بواسطة يارب وفقنيي
    اللة يوفقاك ويرحم وسعد ويخلي كل مسلم حي وميت بهل الدنيا يارب سؤالي يا استاذ احمد السفارة تطلب احضار شهاداة ميلاد وانا ماعندي شهادة ميلاد ولد بخيمة ثانيا طالبين تطعمين ومترجم كيف ومن فين اخذ التطعيم واترجمة اقصد الورقة حق التطعيم وانا تقديري مقبول طب اسنان وهما الملحقية تقول لازم جيد جدا يعني اهون ولا ادق مشوار لامريكا وبعدين تطلع trick صدقني اخاف تجيني strock اللة يحفني ويحفكم عارف اني كثرة اسئلة سوري واسف على ذالك وشكرا واللة يرحم المسلمين الاحياء منهم والاموات وشكرا

    بالنسبه لشهادة الميلاد والتطعيم:
    لقيت لك بعض المواضيع اللي فيها معلومات ان شاء الله راح تفيديك:
    1) اضغط هنا.
    2) اضغط هنا.


    طبعا في المواضيع اعلاه فين تترجم الاوراق وغيره...

    بالنسبه للتقدير:
    اذا وصلت امريكا.. ان شاء الله كل امورك راح تكون ميسره.. لانه في هذه الحاله راح يكون عندك قبول وكل شئ تمام..ان شاء الله ماراح يكون في الموضع خدعه ولا شئ..وموضوع التطعيمات وغيره.. اذا اصرت الجامعه .. ووصلت هناك طبعا.. اسوأ الاحوال انهم يحولك على مستشفى الجامعه وتاخذ وتتطعم ويسولك فحص طبي وكل شئ تمام..

    المهم لا تشيل هم ان شاء الله كل شئ راح يتيسر.. انت اهم شئ حاول وقبل كل شئ اتوكل على الله..





    المصادر:
    - www.maktoob.com
    - www.mbt3th.us




    اسال الله ان ييسرلك امورك وجميع المسلمين ... يارب..
    7 "
  7. المشاركة الأصلية كتبت بواسطة البحار-11
    السلام عليكم اخوي خياط
    غفر الله لك ولوالديك ولجميع المسلمين
    انا دارس بكالوريس محاسبة واريد اكمال ماستر ادارة اعمال مالية
    فما هي الجامعات المعترف بها ولا تتطلب جيمات بحيث ادرس اللغة في المعهد التابع للجامعة ومن ثم ادخل الجامعة بمشيئة الله تعالى
    ولك الشكر
    وعليكم السلام ورحمة الله وبركاته..

    بالنسبه للجامعات بدون جيمات:
    صراحة الاخون والاخوات في موقع سعوديون في امريكا بيعملوا جهد جبار في هذا الشئ.. الله يجزاهم خير.. وهذا الموقع . اضغط هنا. وان شاء الله راح تلقى المفيد..




    المصدر:
    - www.saudiusa.com




    الله يختارلك اللي فيه الخير ولجميع المسلمين ... يارب..
    7 "
  8. *** تنبيه ***_ __________________


    السلام عليكم ورحمة الله وبركاته...

    الى جميع الاخوه والاخوات...
    الموضوع اكبر من انه سؤال وجواب! الموضوع له هدف وشروط وانا حريص جدا انه يوصل للهدف ويكون مطابق للشروط ان شاء الله...



    لذلك ارجوكم:


    >>> استخدم خاصية البحث لهذا الموضوع.
    >>> ولاتكتب سؤالك قبل قرأت الصفحة الاولى لهذا الموضوع...علما بانه سوف يهمل اي سوال لا تنطبق عليه الشروط مهما كان..

    >>> لاتنتظر اجابه سريعه ، واذا كنت تنتظر اجابه سريعه فااعلم ان هذا الموضوع ليس المكان المناسب لك!


    أشكر لكم تفهمكم والمساعده على انجاح هذا الموضوع...جزاكم الله كل خير..
    7 "


  9. السلام عليكم و رحمة الله و بركاته ..
    كيف الحال إستاذي أحمد ؟

    لا هنت عندي إستفسار و إن شاء الله راح ألقى الشرح و المعلومات الأكيدة و الصحيح عندك ..

    انا جبت قبول الحمد لله من Gonzaga University .. و حسب ما قريت إنها جامعة كاثلوكية أيّ إنها تابعة لـ كنيسة ؟ سألت عن الجامعات الكاثلوكية بشكل عام يقولون إنها
    ما تختلف عن الجامعات العادية و ما فيه مشكلة .. و الجامعة مُعترفة من الملحقية ..

    بس أنا أبي اعرف هل الجامعة تُدرس مواد دينية لـ طلاب الباكالوريوس ؟ و هل الجامعة
    فيها عنصرية ؟
    و وش الإختلاف عنها و عن الجامعات الأخرى ..!؟

    شاكر لك و مُقدر ..

    و الله يوفقنا وياك و المسلمين أجمعين يا رب ..


    7 "
97 من 129 صفحة 97 من 129 ... 4792969798102 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.